Yoel 3:19 - AHYERƐLƐ KRONGRON

¹⁹ “Misraim kɔbɔ, na Edom kɔyɛ ɛserɛ pralaa, ɔnate akakabenzɛm bɔ bali ye wɔ Yudafoɛ so ne ati, ofikyɛ bahã mogya bɔ odi be ɔ bagua wɔ b’aseɛ ne aso.

Yoel 3:19 Iomraidhean Croise

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Yesaya 11:14

Na mmom bɛkɔhɔ Filistifoɛ so wɔ eyia atɔleɛ bue nu dɔ, bɛkɔbɔ nu bɛkɔfẽ eyia afiteleɛ maen maen mɔ bɛ nningyein. Bekoli Edom ne Moabo so ngonim, na Amonfoɛ kɔbrɛ bɛ nwo ase bekowura bɛ bo.

Yesaya 11:15

Misraim ɛpo ne noa bɔ wadidi wahɔ nu ne, AWURADE kɔwewe ye bɔkɔɔ. Ɔkɔfa ye mvrama hyerɛhyerɛ ne kɔnwaha ye sa wɔ asue Yufreti so, ɔkɔpakyepakye nu maa ɔkɔyɛ asue mmaa mmaa nzoo, bɔ sona pɛ ye a ye gya bo ngɔloa ɔ.

Yeremia 49:17

“Edom kɔyɛ kurofoen, na ebiala bɔ ɔpɛ nu ye nwo berɛ ne, ɔkɔyɛ ye anwodwiri. Na ɔnate amaneɛ amukoraa bɔ wato Edom ne ati, sɔ sona ne kosobi ye noa.

Yeremia 51:35

Odi kyɛ Sionfoɛ bɛkã kyɛ, Amaneɛ bɔ me ne me nwonaen yanwu ye ne, ɔkɔbɔ Babilɔn ti so.” Yeɛ odi kyɛ Yerusalem kã kyɛ, “Me mogya kɔbɔ Kaldeafoɛ bɛ ti so.”

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Obadia 1:1

Nyekyire bɔ Obadia nyane ye ne, ye ɛhe: Bɔ AWURADE Nyameɛ kã fa Edom nwo ole kyɛ, Yate ngunga bie yafi AWURADE dɔ, na wasoma ɛbɔfoɛ mɔ wɔ maen maen mɔ berɛ kyɛ, “Ɛ́mɔdwɔso, ɛ́mɔma yɛdwɔso yɛɛfa koɛ yɛteta ye.”

Habakuku 2:17

Ofikyɛ nzɛmmɔne bɔ ayɔ atia Lebanon ne, ɔne ngaka mɔ huhunɛ bɔ ɔmaa besurole ne, okobu kosa wɔ, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Sakaria 10:10

Ngosa ngɔye bɛ ngofi Misraim aseɛ so ngɔwa, yeɛ ngɔboaboa bɛ noa ngofi Asiria; na ngɔfa bɛ ngɔwa Gileade ne Lebanon aseɛ so, na berɛ aseɛ po, ɔkɔyɛ kãa kɔma bɛ.

2 Tɛsalonika 1:6

Ofikyɛ ɔtengyɛ wɔ Nyameɛ nyunu kyɛ okotua bɛ bɔ bɛma ɛmɔnwu amaneɛ ne so kerɛ ɔ,