Yoel 3:18 - AHYERƐLƐ KRONGRON

¹⁸ “Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Yoel 3:18 Iomraidhean Croise

YOB NWOMAA NE 29:6

mmerɛ bɔ né m’anwonya wabu me so tam ne, bɔ né olive ngoo pu fi nyɔbotaen nu kyɛ asue ma me ne.

Edwein 46:4

Asue bie wɔ berɛ bɔ ye sa mɔ fa anigye bɛba Nyameɛ kuro ɔ, Anwuro Anwuroniɛ ne, ye atenaleɛ krongron berɛ.

Ɛksadɔso 3:8

Na madwu mawa ase kyɛ mebaale bɛ mefi Misraimfoɛ sa nu, ná meye bɛ mefi sɔ aseɛ ne aso mekɔ aseɛ paa bɔ ɔtrɛ ɔ so, aseɛ bɔ nyɔfonesue ne woɛ tengyɛ wɔ so ne: Kanaanfoɛ, Hitifoɛ, Amorifoɛ, Perisifoɛ, Hiwifoɛ ne Yebusifoɛ maen ne.

Yesaya 30:25

Na mmenia hunɛ kyẽa piri ne, bɔ abandenden mɔ kobubu kogua ne, asue mɔ ne asue ba mɔ bɛkɔtengyɛ wɔ bokaa tendenn biala ne pambaa tendenn biala so.

Yesaya 35:6

bubuafoɛ bekohuruhuru kyɛ dabɔɔ, na emumu temverema kɔto ahurusi dwein. Ofikyɛ asue mɔ kopu kofi ɛserɛ so, yeɛ asue mmaa mmaa kopu kofi aseɛ pralaa so;

Yesaya 44:3

Ofikyɛ ngohwie nzue ngogua aseɛ bɔ nzuhɔen ku ye ne aso, yeɛ ngɔma asue mmaa mmaa kɔwa aseɛ wosee ne aso; ngohwie me Sunzum ngogua wɔ boso ama so, ná mahwie me saleɛ magua wɔ mma so.

Yesaya 45:8

“O anwuro, tɔ gua ase, ma munungum ɔtɔ tenenee gua ase, ma aseɛ nu odwa, ná ngoalelɛ fi nu bra, ma tenenee fifi bra; me AWURADE, me yeɛ mmɔle ye ɔ.

Yesaya 55:1

“Huuu, ɛmɔ bɔ nzuhɔen ku ɛmɔ ee, ɛmɔbra nzue ne anwo oo; ɛmɔ bɔ ɛmɔlle sikaa po ne, ɛmɔbra bɛɛtɔ ná beli oo! Ɛmɔbra bɛɛtɔ nzaa ne nyɔfonesue bɔ ɛmɔngɔfa sikaa yeɛ bɛkɔtɔ ɔ, bɔ nyɔboɛ biala ɔlla so ɔ.

Yesaya 66:11

amaa ɔnate so ye aworakyekyerɛ nyɔfonesue ne, ɛmɔano bie bama bɛ ko ayi; amaa ɔnate so ye animnyam mmorosoɛ ne, ɛmɔafa anigye bano maa wate ɛmɔ.”

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Mika 6:5

Ao me maen, kaye porɛ bɔ Moabo hene Balake bɔle ɔ, ɔne mmuayɛɛ bɔ Beɔ awa Balaam ɔfa mane ye, ofi Sitim bɔ ɔkwaadwu Gilgal ɔ, amaa ɔnate so anwu AWURADE tenenee ne.”

Sakaria 14:8

Sɔ kyẽa ne, ngoa nzue kɔtengyɛ kofi Yerusalem; ye bue kɔhɔ eyia afiteleɛ ɛpo ne anu, yeɛ ye bue kɔhɔ eyia atɔleɛ ɛpo ne anu; na ɔkɔtengyɛ ahuhuro ne prakasua mmerɛ.

Numeri 25:1

Mmerɛ bɔ Yisraelfoɛ bɛɛkyekyele asikyeleɛ bɛtenane Sitim ne, Yisraelfoɛ hyɛle ye bo bɛ ne Moabo mmrasua nemɔ bɛlelale.