Yoel 3:17 - AHYERƐLƐ KRONGRON

¹⁷ “Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Yoel 3:17 Iomraidhean Croise

YOB NWOMAA NE 15:19

bɔ bɛ nana mɔ ngome yeɛ Nyameɛ fale aseɛ ne mane bɛ ɔ, bɔ ɛwɔfoɛ biala wambɛ nu wɔ bɛ berɛ ɔ.

Edwein 76:2

Ye tena sua wɔ Salem, na ye atenaleɛ wɔ Sion.

Edwein 9:11

Ɛ́mɔto AWURADE bɔ ɔte Sion ne nwo ayɛyelɛ dwein. Ɛmɔhã bɔ wayɔ ɔ wɔ maen maen mɔ so.

Ɛksadɔso 16:12

“Mate Yisraelfoɛ bɛ komvi bɔ bɛpenepene ne. Yiti ka kyire bɛ kyɛ, ‘Nɔsoa ɛmɔkoli naen, ná ngyerɛmɔ wora ɛmɔali aleɛ ama ɛmɔ ko ayi; amaa ɔnate so ɛmɔanwu kyɛ me ole AWURADE ɛmɔ Nyameɛ ne.’ ”

Yesaya 11:9

Ebiala ngohũ anaa ongopura ebiala wɔ me bokaa krongron ne aso amukoraa; ofikyɛ AWURADE nwo nimdeɛ koyi aseɛ so tɛkyɛ, kyɛbɔ nzue ayi ɛpo nu tɛkyɛ ne.

Yesaya 12:6

O ɛmɔ bɔ ɛmɔte Sion ɔ, ɛ́mɔbɔ ese bɛ́to dwein anigye so, ofikyɛ Yisrael Krongronniɛ bɔ ɔwɔ ɛmɔ afia ne, ɔte piri.”

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 4:3

Na ɔkɔwa kyɛ, bɛ bɔ bayakyi bɛ berɛ wɔ Sion bɔ baha Yerusalem ne, ebiala bɔ baha ye baboka ateasefoɛ so wɔ Yerusalem ne, bɛkɔfrɛ ye krongron,

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 56:7

ngɔfa sɔ mmenia ne ngɔwa me bokaa krongron ne aso, ná mamaa banya anika wɔ me mbaeɛbɔlɛ awuro. Bɛ naen yeralɛ afɔleɛ ne b’afɔleɛ nemɔ, ɔkɔsɔ me nye wɔ m’afɔleɛ bokyea ne aso, ofikyɛ m’awuro ne, dumaa bɔ ɔkɔla so kɔma maen maen amukoraa ole mbaeɛbɔlɛ awuro.

Yeremia 31:23

Asafo AWURADE, Yisrael Nyameɛ nwa nyoo, “Sɛ mesa mefa b’agyapadeɛ mewura bɛ sa a, bekosa bɛkɔhã sɔ dwirɛ ne wɔ Yuda aseɛ so ne ye nguro mɔ so kyɛ, ‘Ao tenenee atenaleɛ, ao bokaa krongron, AWURADE oyira wɔ!’

Yeremia 31:40

Na efuin ne nzoen bɔnza ne amukoraa, ɔne aseɛ amukoraa bɔ ɔkwaadwu asue Kidron, bɔ ɔkwaadwu Pɔngɔ pambim ne ndweasoɛ so wɔ eyia afiteleɛ so ne, ɔkɔyɛ krongron kɔma AWURADE. Ye bo ngotutu ko, yeɛ bengodwiri bengogua ase ko le.”

Hesekiel 20:40

“Ofikyɛ me bokaa krongron ne aso, Yisrael bokaa tendenn ne aso, berɛ yeɛ Yisrael awuro ama amukoraa, bɛ mukoraa bɔ bɛwɔ aseɛ ne aso ɔ bɛkɔso me ɔ. AWURADE Nyameɛ noa dwirɛ ɛne. Berɛ yeɛ ngole bɛ ngɔto nu ɔ, na berɛ yeɛ ngɔnea ate kyɛ ɛmɔkɔfa ɛmɔ ndoboa, ɛmɔ fieso aleɛ bɔ ɛmɔkoli moa bɛkɔfa ɔ, ɔne ɛmɔ afɔleɛ krongron bɛkɔbrɛ me ɔ.

Hesekiel 37:6

Ngɔfa ndii ngɔsosɔ ɛmɔ nu, ngɔmaa anwoɔnaen kɔwa ɛmɔ nwo, ngɔfa wereɛ ngopuro ɛmɔ nwo, ngɔfa nwomeɛ ngowura ɛmɔ nu maa ɛmɔkonya ngoa, na ɛmɔkonwu kyɛ me ole AWURADE.’ ”

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Hesekiel 44:9

“Yiti AWURADE Nyameɛ nwa nyoo: Amanvoraniɛ biala, bɔ ɔmbɛ ye bienzua wɔ ahone nu ne anwoɔnaen nu, amanvrafoɛ amukoraa bɔ baafra Yisraelfoɛ nu ne, onni kyɛ bewura me nekaa krongron ne anu.

Hesekiel 48:35

Ɛpɛ kuro ne anwo kango bra yia a, ɔte agyirɛ apee buru ne mmɔtwɛ. Na ofi sɔ kyẽa ne bɔ ɔkɔ ɔ, kuro ne dumaa li: “AWURADE wɔ berɛ.”

Daniel 11:45

Na okosisi ye ahemvie ɛtena sua mɔ wɔ ɛpo ne, ɔne bokaa krongron nyemenenyemene ne b’afia; nakoso ye ayieleɛ kɔto ye bɔ ongonya ebiala ma ɔngɔboka ye ɔ.”

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Yoel 2:27

Ɛmɔkonwu kyɛ nwɔ Yisrael nu, na me ole AWURADE ɛmɔ Nyameɛ, ebiala nne berɛ ko, na me maen nyunu ngogua ase le.

Yoel 3:21

Bɛ mogya bɔ mandɔ so wereɛ ne, ngɔtɔ so wereɛ, ofikyɛ AWURADE te Sion.”

Mika 4:7

Na ngɔma mmubuafoɛ nemɔ kɔyɛ mmenia bɔ baha ɔ, yeɛ bɛ bɔ bapɛ bɛ asue ne, ngɔmaa bɛkɔyɛ anwoserɛ maen; na AWURADE koli bɛ so hene wɔ Sion bokaa so kekesaala ye ne afebɔɔ.

Nahum 1:15

Nea mmokaa nemɔ aso dɔ kyɛ ɔba ɔ, bɔ ɔso ndɛenvɛen, bɔ ɔbɔ asomdwee nwo dawure ne! Ao Yuda, di w’aluolue krongron nemɔ, tua w’aboadeɛ nemɔ, ofikyɛ bɔnefoɛ ne ngɔfa koɛ ngɔtoa wɔ ko, bama ye boso amini bɔkɔɔ.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.