Yoel 3:14 - AHYERƐLƐ KRONGRON

¹⁴ Ɛlɔen, ɛlɔen wɔ ndɛenbualɛ bɔnza ne anu; ofikyɛ AWURADE kyẽa ne apingye wɔ ndɛenbualɛ bɔnza ne anu.

Yoel 3:14 Iomraidhean Croise

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Yesaya 13:4

Ɛ́mɔtie! Esebɔlɛ bie ɔkɔ so wɔ mmokaa nemɔ aso kyɛ ɛlɔen pirikua bie komvi. Ɛ́mɔtie! Ɔte ahennie mɔ b’esebɔlɛ piri, maen maen mɔ bɔ baboaboa bɛ noa ɔ! Asafo AWURADE ɔ́boaboa ye lɔen noa maa bɛkɔ koɛ.

Yesaya 22:1

Edwirɛ bɔ ɔfa Bɔnza nyekyire ne nwo. Nzikyɛ dwirɛ yeɛ wato wɔ ɔ bɔ wɔ nu ama mukoraa bafo bahɔ sua ti afia ye?

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Yoel 2:11

AWURADE tea nu serɛserɛ wɔ ye koɛhonɛfoɛ nyunu, ofikyɛ ye lɔen ne te piri paa, na bɔ odi ye dwirɛ so ne, ye nwo yɛ se. Ofikyɛ AWURADE kyẽa ne te piri, ɔyɛ suro paa, na nwa yeɛ ɔkɔhora ye noa gyina ɔ?

Yoel 3:12

Odi kyɛ maen maen mɔ bɛkanyane bɛ nwo bɛba Yehosafate bɔnza ne anu, ofikyɛ berɛ yeɛ ngɔtena ngobua maen maen amukoraa bɔ bapɛ ye nwo bayia ne ndɛen ɔ.

Yoel 3:2

ngɔboaboa maen maen amukoraa bɛ noa, ngɔfa bɛ ngɔwa Yehosafate bɔnza ne anu, na berɛ yeɛ ngɔbɔ bɛ kwaadu ɔ, ɔnate me maen ne m’agyapadeɛ Yisrael bɔ babɔ bɛ basande maen maen mɔ so, ɔne m’aseɛ bɔ bahyɛ ne ati.

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Filipifoɛ 3:2

Ɛ́mɔnea ɛmɔ nwo yé wɔ ngyea nemɔ nwo; ɛ́mɔnea ɛmɔ nwo yé wɔ adwumayɔlɛfoɛ bɔnefoɛ nemɔ nwo, ɛ́mɔnea ɛmɔ nwo yé wɔ bienzuapɛlɛfoɛ nemɔ ne.

2 Petro 3:7

Na anwuro ne aseɛ bɔ ɔwɔ berɛ ye, ɔnate ye noa dwirɛ komapɛ ne ala so yeɛ otira nu ɔ, na wasiesie ye wama see, na ɔfa nwondɛ ndɛenbualɛ ne amumuyɛɛfoɛ kyẽa ne.