Yoel 3:13 - AHYERƐLƐ KRONGRON

¹³ Ɛmɔ, ɛ́mɔfa dadeɛ koateɛ bɛhɔ, ofikyɛ buberɛ ne adwu; ɛ́mɔdwu bɛhɔ nu, ofikyɛ nekaa bɔ betwi nzaa ne wayi; angora nemɔ bayi babu bafa so, ofikyɛ b’amumuyɛɛ ne te piri.

Yoel 3:13 Iomraidhean Croise

Gyenesise 13:13

Né Sodomfoɛ te amumuyɛɛfoɛ, bɔ bɛyɔ bɔne mbirikua mbirikua betia AWURADE ɔ.

Gyenesise 15:16

Na sɛ odwu wɔ boso ama mɔ aworɛ ndoatoasoɛ bɔ ɔtɔ so nna ne aso a, bekosa bɛkɔwa wa; ofikyɛ Amorifoɛ amumuyɛɛ kwangoa ne onnya oyyili [bɔ ɔkɔmaa ngɔfoa bɛ ngofi aseɛ ne aso ɔ].

Gyenesise 18:20

Na AWURADE hane kyɛ, “Ɔnate kyɛ abubue bɔ bɛbɔ begua Sodom ne Gomora so ne sone soma, na bɛ bɔne te piri paa ne ati,

Yesaya 17:5

Ɔkɔyɛ kyɛ aburoo bɔ ogyi berɛ bɔ kuaniɛ ɔfa ye sa pomba ye aleɛ ne ɔ, ɔkɔyɛ kyɛ ɛmo bɔ kuaniɛ ɔte ye si ne wɔ Refaim bɔnza nu ɔ.

Yesaya 63:3

“Me ngome yeɛ matiatia bobe mmaa ne aso wɔ kumaa ne anu ɔ, na me maen ne anu ama ne, nu ko po wammoka me so. Me yaafɛlɛ nu yeɛ ndiatiale bɛ so ɔ, m’ahonehulɛ nu yeɛ ndwi mvale bɛ so ɔ, na bɛ mogya yeɛ wabɔ wapete m’ataadeɛ nu ye, bɔ wasɛkye me tena mukoraa nu ye.

Yeremia 51:33

Ofikyɛ Asafo AWURADE Yisrael Nyameɛ nwa: Babilɔn awa brasua te kyɛ nekaa bɔ bɛboro aburoo ɔ, mmerɛ bɔ betiatia ye so ɔ, nakoso ɔngɔhyɛ biala, né ye buberɛ ne wadwu.”

Awuye 1:15

“M’anwoserɛfoɛ amukoraa bɔ bɛwɔ me nu ne, AWURADE atiatia bɛ so. Wafrɛfrɛ mmenia pee maa babɔ dwaa batia me, kyɛ behũhũ me mmerandeɛ mɔ. AWURADE atiatia Yuda awa brasua ababunu ne aso, kyɛbɔ bɛyɔ ye wɔ kumaa bɔ betwi nu nzaa ne anu ne ala.

Hosea 6:11

Ao Yuda, wɔ koso wahyehyɛ buberɛ wama wɔ, mmerɛ bɔ ngosa ngɔfa me maen ngofi nnurehyelɛ nu ngɔwa ɔ.

Mateo 13:39

Pɔfoɛ bɔ oluale ne ole abɔnzam; ye telɛ mmerɛ ne ole ewiase ayieleɛ, na bɛ bɔ bɛte ne ole abɔfo mɔ.

Marko 4:29

Nakoso sɛ mmaa ne ti a, berɛ ne ala kuaniɛ ne fa ye dadeɛ koateɛ kobu, ofikyɛ ye bulɛ mmerɛ adwu.”

Deuteronomi 16:9

“Ka dapɛn nzoo; hyɛ ye bo ka dapɛn nzoo ne fi kyẽa bɔ ɛkɔfa dadeɛ koateɛ kɔpɛ aburoo ɔ.

Nyekyire 14:14

Afei nneane, na yieee, munungum fufue bie, na ebie bɔ ɔte so ɔ ɔte kyɛ Sona Awa ne, bɔ sikaa kɔkorɛ abotire bɔ ye, ná otira dadeɛ koateɛ nnaennaen bi ɔ.

Nyekyire 19:15

Na ngrandɛ nnaennaen bie bɔ ɔkɔfa kɔbobɔ maen maen ɔ ofili ye noa nu fitele, na ye yeɛ ɔkɔfa buralɛ pɔmaa koli bɛ so ɔ. Na ye yeɛ otiatia Tuminiɛ Nyameɛ ye ahonehulɛ suronyisuronyi kumaa bɔ betwi nzaa nu ne aso ɔ.