Yoel 3:11 - AHYERƐLƐ KRONGRON

¹¹ Maen maen amukoraa bɔ ɛmɔapɛ ye nwo babra bayia ɔ, ɛ́mɔyɛ ndɛ bɛbra, ɛ́mɔboaboa ɛmɔ noa wɔ berɛ. Ao AWURADE, ma wɔ koɛhonɛfoɛ nemɔ bedwu bɛbra.

Yoel 3:11 Iomraidhean Croise

Edwein 103:20

Ao AWURADE abɔfo mɔ, ɛ́mɔye ye ayɛ: ɛmɔ anwoserɛfoɛ bɔ ɛmɔyɔ ye apɛdeɛ ná ɛmɔyɔ sotie bɛma ye dwirɛ ɔ.

Yesaya 10:34

Ɔkɔfa akumaa kobu ɛhɔayeɛ too kogua, na tumi piri kɔma Lebanon ɛhɔayeɛ nu mmakaa kobubu.

Yesaya 13:3

Me yeɛ mafa ahyɛdeɛ mama me mmenia krongron nemɔ ɔ; masa mato me sa mafrɛ me koɛhonɛfoɛ, bɔ bedi me ngonim nwo ahurusi ne, kyɛ bégyina me yaafɛlɛ ne aso bɛ́yɔ bɔ mepena ɔ.

Yesaya 37:36

Na AWURADE abɔfo hɔle Asiria asikyeleɛ ne anu oohuhuni koɛhonɛfoɛ apee ɛyaa ko aburawɔtwɛ ne nnu. Na bedwɔsole ngyerɛmɔ tutututu ne, yieee, né efuin ngome yeɛ begua berɛ ɔ.

Yoel 3:2

ngɔboaboa maen maen amukoraa bɛ noa, ngɔfa bɛ ngɔwa Yehosafate bɔnza ne anu, na berɛ yeɛ ngɔbɔ bɛ kwaadu ɔ, ɔnate me maen ne m’agyapadeɛ Yisrael bɔ babɔ bɛ basande maen maen mɔ so, ɔne m’aseɛ bɔ bahyɛ ne ati.

Mika 4:12

Nakoso bɛ de, bɛnze AWURADE adwene, yeɛ bɛnde ye nhyehyɛleɛ bo, ofikyɛ ɔkɔboaboa bɛ noa kyɛ ɛmo bɔ bakyekye ye tire tire bagua nekaa bɔ bɛboro ɛmo ɔ.

Sefania 3:8

“Yiti odi kyɛ ɛmɔnea me ate maa okodwu kyẽa bɔ ngodwɔso ngɔɔbɔ kwaadu ne, ofikyɛ ɔte me nhyehyɛleɛ kyɛ ngɔboaboa maen maen mɔ noa, kyɛ ngɔboaboa ahennie mɔ noa, ná ngɔma me yaafɛlɛ ne m’ahonehulɛ amukoraa kɔwa bɛ so ɔ; ofikyɛ me nungunɛ see ne, ɔkɔyera aseɛ amukoraa motoo,” AWURADE noa dwirɛ ɛne.

2 Tɛsalonika 1:7

ná ɔkɔma ɛmɔ bɔ ɛmɔwɔ amaneɛ nu ne, ɛmɔ ne yɛ yɛkonya nwomelelɛ, kyẽa bɔ bɛkɔla Awurade Yesu ne ye abɔfoɛ anwoserɛfoɛ ali bekofi nyameɛso, wɔ see wuronyiwuronyi nu ne,

Nyekyire 19:14

Na ɛlɔen bɔ bɛwɔ nyameɛso, bɔ bewurawura nwera paa, fufue bɔ ye nwo te ɔ, né bɛtete mbɔngɔ fufue so beli ye si.