Yoel 3:1 - AHYERƐLƐ KRONGRON

¹ Yiti tie, sɔ ngyẽa nemɔ anu ne sɔ mmerɛ ne anu, bɔ ngosa ngɔfa Yuda ne Yerusalem ngofi nnurehyelɛ nu ngɔwa ne,

Yoel 3:1 Iomraidhean Croise

Edwein 14:7

Ao, ahaa né Yisrael ngoalelɛ wafi Sion wawa! Mmerɛ bɔ AWURADE kosa kɔfa ye maen agyapadeɛ kɔma ye ne, Yakob koli ahurusi; Yisrael nye kɔgye.

Edwein 85:1

AWURADE, ɛlole wɔ maen; ɛfale Yakob fili nnurehyelɛ nu sa wale.

Anyandera 1:23

Metwi ɛmɔ nyunu a, ɔsɛ kyɛ ɛmɔtie, ngɔhã m’ahone nu dwirɛ ngohyire ɛmɔ, na ngɔmaa ɛmɔkonwu me ti anu dwirɛ.

Yesaya 44:3

Ofikyɛ ngohwie nzue ngogua aseɛ bɔ nzuhɔen ku ye ne aso, yeɛ ngɔma asue mmaa mmaa kɔwa aseɛ wosee ne aso; ngohwie me Sunzum ngogua wɔ boso ama so, ná mahwie me saleɛ magua wɔ mma so.

Yeremia 16:15

na mmom bɛkɔhã kyɛ, ‘AWURADE bɔ ɔyele Yisraelfoɛ fili sorɔ dɔ aseɛ so, ɔne aseɛ amukoraa bɔ ɔfoane bɛ ooguale so ne, kyɛ ɔte ase ye de.’ Ofikyɛ ngosa ngɔfa bɛ ngɔwa b’aseɛ bɔ mva mane bɛ nana mɔ ne aso.

Yeremia 29:14

Ngɔmaa ɛmɔkonwu me, AWURADE noa dwirɛ ɛne. Ngɔye ɛmɔ ngofi nnurehyelɛ nu, na ngɔboaboa ɛmɔ noa ngofi maen amukoraa ne nekaa amukoraa bɔ mafoa ɛmɔ maagua so ne, AWURADE noa dwirɛ ɛne. Ngosa ngɔfa ɛmɔ ngɔwa nekaa bɔ mamaa bahye ɛmɔ nnure bafi berɛ bahɔ ne.

Yeremia 30:18

“Bɔ AWURADE kã ɛhe: Tie, ngɔfa Yakob ɛtena sua mɔ ngosa ngofi nnurehyelɛ nu ngɔwa, na ngonwu ye atenaleɛ nemɔ anwumvoin. Bekosa bɛkɔkyekye kuro ne wɔ ye boso, ná bagyina ahemvie ne wɔ nekaa bɔ né ogyi daa ne.

Yeremia 30:3

Na tie, AWURADE nwa nyoo: Mmerɛ bie ɔ́ba bɔ ngosa ngɔfa me maen Yisrael ne Yuda ngofi nnurehyelɛ nu ngɔwa ɔ, AWURADE noa dwirɛ ɛne, na aseɛ bɔ mva mane bɛ nana mɔ ne, ngosa ngɔfa bɛ ngɔwa so maa bɛkɔfa bɛkɔyɛ bɛ deɛ.”

Hesekiel 16:53

“Ngɔma bɛ sa kosa kɔhã b’agyapadeɛ. Sɔ yeɛ ngɔyɛ Sodom ne ye mma mmrasua mɔ ɔ, yeɛ Samaria ne ye mma mmrasua mɔ, na wɔ koso sɔ ala yeɛ ngɔyɛ wɔ wɔ bɛ nu ɔ,

Hesekiel 39:25

“Yiti AWURADE Nyameɛ nwa nyoo: Ngosa ngɔfa Yakob ngofi nnurehyelɛ nu ngɔwa, na ngonwu Yisrael awuro ama mukoraa anwumvoin, na ngɔhwe me dumaa krongron ne nwo nungunɛ.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Yoel 2:29

yeɛ ngohwie me Sunzum ngogua ngoaa mɔ ne afaneɛ mɔ so wɔ sɔ mmerɛ ne anu.

Amose 9:14

Ngosa ngɔfa me maen Yisrael ngofi nnurehyelɛ nu ngɔwa, na bekosa bɛkɔkyekye kurofoen nemɔ bɛkɔtenatena so, bɛkɔyɛ bobe boo mɔ bɛkɔno bobe nzaa, na bɛkɔyɛ turo mɔ bekoli nu mmakaammaa ne.

Numeri 11:29

Nakoso Mose buale ye kyɛ, “Ɛ́ko me ti ngondii anaa? Ɔhale me ngome a, ahaa AWURADE mmenia amukoraati bɛte ngɔmhyɛlɛfoɛ; ahaa AWURADE afa ye sunzum wawura bɛ nu!”

Numeri 12:6

Na AWURADE sele kyɛ, “Ɛ́mɔtie edwirɛ bɔ meka ye: Sɛ ngɔmhyɛlɛniɛ bie wɔ ɛmɔ nu a, me AWURADE yeɛ mefa nyekyire nu meye me nwo ali mekyire ye ɔ; medwudwo mekyire ye wɔ laleɛ nu.

Deuteronomi 30:3

ye de AWURADE wɔ Nyameɛ kɔye wɔ kofi nnurehyelɛ nu, okonwu wɔ anwumvoin, na maen maen bɔ AWURADE wɔ Nyameɛ wamaa abɔ aya wɔ so ne, okosa kɔboaboa wɔ noa kofi ye mukoraati so.