Yoel 2:30 - AHYERƐLƐ KRONGRON

³⁰ Ngɔyɔ anwanwadeɛ wɔ anwuro ne aseɛ so, mogya ne see ne nwosina ningɔnn.

Yoel 2:30 Iomraidhean Croise

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

Edwein Nu Dwein 3:6

Nwa yeɛ ofi ɛserɛ so dɔ ɔba ye, bɔ ɔba kyɛ nwosina ningɔnn ye, bɔ korobo ne ɛyɛɛ ayɛ ye nwo fonafona ye, bɔ watutu dwadifoɛ sakyeɛfona amukoraa wagua ye nwo ye?

Yeremia 4:28

Ɔnate sɔ ne ati, aseɛ kɔbɔ awuye, na ewienu anwuro anwuro kɔkakyi tunn, ofikyɛ madwudwo, mayɛ m’adwene; mengɔsesã m’adwene, yeɛ mengosa me si.

Sakaria 14:6

Na sɔ kyẽa ne, kanea ngɔta, ɛyerɛ ngɔwa, yeɛ ɛborɔ ngogua.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Luka 21:11

aseɛwosolɛ serɛserɛ kɔwa nekaa ahoroɔ, ɛhɔen ne anwonyerɛ ahoroɔ kɔwa; na nningyein suronyisuronyi ne nzɛngyerɛnneɛ mbiri mbiri kofi nyameɛso kɔwa.

Yosua 8:20

Na mmerɛ bɔ Aye mmienzua tole bɛ nye bɛneane nziɛ nen, benwuni kyɛ kuro ne anu nwosina ótu kɔ anwuro. Yiti né bennwu nekaa horɛ bɔ bɛnwati bɛhɔ ɔ, ofikyɛ Yisraelfoɛ bɔ bɛnwatili bɛhɔle ɛserɛ so dɔ ne, bɛkakyili bɛ nwo bɛwale Ayefoɛ so.

Nyekyire 18:18

na benwuni nwosina bɔ ofi ye yeralɛ ne anu nen, bɛteateane nu kyɛ, “Kuro beni yeɛ né ɔne kuro piri he bɛsɛ ɔ?”

Nyekyire 18:9

Na aseɛ so ahemvo mɔ bɔ bɛne ye bɔle adwaman ná bɛne ye gyele bɛ nye anwonya nu ne, sɛ benwu nwosina bɔ ofi ye yeralɛ ne anu a, bɛkɔbɔ ye nwo awuye ná basu ye.

Nyekyire 8:7

Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.

Maenbulɛfoɛ 20:38

Yisrael koɛhonɛfoɛ kure piri ne, bɛ ne bɛ bɔ bɛɛtetɛle ne, né bali moa babɔ porɛ kyɛ, sɛ bɛ bɔ baatetɛ ne, bɛma nwosina tu munguu fi kuro ne anu a,

Maenbulɛfoɛ 20:40

Nakoso nwosina munguu hyɛle ye bo tu fili kuro ne anu ne, Benyaminfoɛ neane bɛ si, na benwuni kyɛ nwosina fi kuro ne anu amukoraa otu kɔ ewienu ɔ!