Yoel 2:3 - AHYERƐLƐ KRONGRON

³ See bie yera nningyein di bɛ nyunu, na see bɔ ogye ɔ wɔ bɛ si. Aseɛ ne te kyɛ Eden turo ne wɔ bɛ nyunu, nakoso bɛ si de, ɔkakyi ɛserɛ pralaa. Amba, nikye fee ngɔfa ye nwo ngoli tɔtorɔtɔɔ wɔ bɛ sa nu.

Yoel 2:3 Iomraidhean Croise

Gyenesise 13:10

Lɔto totole ye nye neane Yɔɔdan noa aseɛ frɛtɛɛ ne amukoraa, bɔ ɔkɔ Soa bue nu dɔ ne, na onwuni kyɛ nzue doadoa ye nekaa biala te kyɛ AWURADE turo ne, kyɛ Misraim aseɛ. Ɛhe sili koraka yeɛ AWURADE baasɛkye Sodom ne Gomora ɔ.

Gyenesise 2:8

Afei AWURADE Nyameɛ yɔle turo bie wɔ Eden, bɔ ɔwɔ eyia afiteleɛ, na ɔmane biaa bɔ ɔnwone ye ne tenane berɛ.

Edwein 50:3

Yɛ Nyameɛ ɔba, na ɔngɔyɛ konn, see bɔ ogye wuronyiwuronyi li ye nyunu, na mvrama piri apɛ ye nwo amukoraa wayia.

Edwein 97:3

See li ye nyunu, na ɔyera ye pɔfoɛ mɔ bra yia.

Ɛksadɔso 10:15

Beyili bɛfale aseɛ ne aso amukoraa mane aseɛ ne aso yɛle tunn. Na aseɛ ne aso nyaa mukoraa ne mmakaammaa mukoraa bɔ asukɔtwea akungumaboɔ ne anzɛkye bɛ ne, belili. Nikyee monɛ ko po anga wɔ eburo mmakaa ne ndire mɔ so, wɔ Misraim aseɛ so amukoraa.

Ɛksadɔso 10:5

na bekoyi bɛkɔfa aseɛ ne, bɔ sona biala ngonwu aseɛ ne ɔ. Na nikyee biala bɔ ɔhale berɛ mane ɛmɔ, bɔ asukɔtwea nyɔboɛ ne anzɛkye ye ne, bekoli; yeɛ ɛmɔ mmakaa mukoraa bɔ begyigyi buro koso, bekoli.

Yesaya 14:17

Ye bɔ ɔkakyili ewiase kyɛ ɛserɛ so, bɔ ɔbɔle nu nguro mɔ pasaa, bɔ wanyakyi nu kukunufoɛ ate ma bangɔ b’awuro ne, aso ye ɛhe anaa?’

Yesaya 15:6

Nimrim asue nemɔ babɔ mvuture, ɛserɛ ne akese, ndire nemɔ ayera, na ndire monɛ nne berɛ ko.

Yesaya 33:4

Na mmenia bɛfẽ ɛmɔ nningyein bɛyɛ koɛ nu nzesadeɛ kyɛbɔ ɛsaa di ndire ɔ; na kyɛbɔ mmɛbɛ mbiri behuru bɛpepe ne, sɔ ala yeɛ mmenia behuru bɛpepe so ɔ.

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Yesaya 9:18

Nahorɛ nu, amumuyɛɛ ogye kyɛ see, ɔyera agurɛ ne mmowue, ɔyera ɛhɔayeɛ too, na bɛyɛ nwosina ningɔnn bɛkɔ anwuro.

Yesaya 9:19

Asafo AWURADE ɛyaafɛlɛ piri ne, wama aseɛ ne ayera, na mmenia ne ayɛ kyɛ eyein bɔ bɛfa bɛsɔ see ɔ, na ebiala wannwu obiɛngo anwumvoin.

Yeremia 5:17

Bekoli wɔ fieso aleɛ ne w’aleɛ; bekohũhũ wɔ mma mmienzua ne wɔ mma mmrasua; bekohũhũ wɔ mmoaen ne wɔ nandwie mɔ bekoli, bekobubu wɔ bobe ne borɔdoma mmakaa bekogua; wɔ nguro bɔ ato bɛ nwo fasue, bɔ afa wɔ wora awura bɛ nu ne, bɛkɔfa ngrandɛ bɛkɔsɛkye bɛ.

Hesekiel 36:35

Na bekose kyɛ, ‘Aseɛ he bɔ né ɔla berɛ mbaen ye, ye yeɛ wakakyi kyɛ Eden turo e! Yeɛ nguro bɔ né babɔ bayɛ kurofoen ne, yeɛ afei mmenia tete so, bɔ bato bɛ nwo fasue e!’

Amose 7:4

Ɛhe yeɛ AWURADE Nyameɛ ye hyirele me ɔ: Tie, AWURADE Nyameɛ fale see kyɛ ɔbaafa bua ndɛen. Ɔyerale buma piri ne, na ɔyerale aseɛ nekaa bie koso.

Habakuku 1:6

Ofikyɛ tie, mékanyane Kaldeafoɛ, sɔ atianuserɛ maen bɔ bɛ nwo yɛ nyera ne, bɔ bɛnate bɛfa aseɛ ye aso amukoraa bɛfa atenaleɛ mɔ bɔ nna bɛ deɛ ahɔ ɔ.

Sakaria 7:14

Na mvale mvrama bɔ ɔpɛ ye nwo ɔ mmɔle bɛ nzandele maen maen amukoraa bɔ bɛnze bɛ ɔ so. Na aseɛ bɔ bɛyakyili ye bɛ si ne ɔlale berɛ mbaen, bɔ sona biala wambɛ nu berɛ, kyɛ ɔkɔ oo, anaa ɔba oo, na aseɛ nyemenenyemene ne lale berɛ mbaen.”