Yoel 2:24 - AHYERƐLƐ KRONGRON

²⁴ Nekaa bɔ bɛboro aburoo ne, aburoo koyi berɛ to, na nzaa ne ngoo koyi angora nemɔ maa okobu kɔfa so.

Yoel 2:24 Iomraidhean Croise

Hesekiel 36:8

“Nakoso ɛmɔ, Yisrael mmokaa, ɛmɔkɔfefɛ ɛmɔ mmaen, na ɛmɔkosu ɛmɔ mmakaammaa bɛkɔma me maen Yisrael, ofikyɛ ɔngɔhyɛ né basa bawa.

Yoel 3:13

Ɛmɔ, ɛ́mɔfa dadeɛ koateɛ bɛhɔ, ofikyɛ buberɛ ne adwu; ɛ́mɔdwu bɛhɔ nu, ofikyɛ nekaa bɔ betwi nzaa ne wayi; angora nemɔ bayi babu bafa so, ofikyɛ b’amumuyɛɛ ne te piri.

Yoel 3:18

“Na sɔ kyẽa ne, mmokaa nemɔ kɔpepe nzaa monɛ, nyɔfonesue kɔtengyɛ wɔ pambaa nemɔ aso, nzue kɔtengyɛ wɔ Yuda asue amukoraa nu, na asue ti kofite wɔ AWURADE awuro ne anu kɔɔloaloa Sitim bɔnza ne anu.

Lewitikɔso 25:19

Aseɛ ne kɔhye aleɛ, na ɛmɔkoli ma ɛmɔ ko koyi, ná ɛmɔatena aseɛ ne aso asomdwee nu.

Lewitikɔso 26:10

Fieso aleɛ daa bɔ ɛmɔafa basie pata so bahyɛ ɔ yeɛ ɛmɔkoli ɔ; ɛmɔkogyi aleɛ daa ne bekogua, koraka né ɛmɔanya ate bafa foforɛ basi ye gya nu.

Amose 9:13

“Tie, mmerɛ bie ɔ́ba bɔ sona bɔ ofundam aseɛ ne, ye nwo kɔyɛ nyera kɔtra bɔ ɔte nnɔbaeɛ ɔ; bɔ otwi bobe nzaa ne, ye nwo kɔyɛ nyera kɔtra bɔ odua mmakaammaa ɔ; mmokaa nemɔ kɔpe nzaa menemene, na ɔkɔtengyɛ kɔfa pambaa nemɔ amukoraa so, AWURADE noa dwirɛ ɛne.

Malaki 3:10

Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.