Yoel 2:23 - AHYERƐLƐ KRONGRON

²³ Ɛmɔ, Sion mma mɔ, ɛ́mɔma ɛmɔ nye gye, ná ɛmɔli AWURADE ɛmɔ Nyameɛ nu ahurusi, ofikyɛ wama asuso atikye wama ɛmɔ wɔ mmerɛ bɔ ɔsɛ ɔ nu, na wama bamborɔ watɔ wama ɛmɔ, asuso ɔne bamborɔ kyɛ daa ne ala.

Yoel 2:23 Iomraidhean Croise

1 Ahemvo 8:36

ye de tie bɛ wɔ nyameɛso, ná fa wɔ ngoaa bɔ bɛ ole wɔ maen Yisrael ne bɛ bɔne kyɛ bɛ, wɔ aberɛ bɔ ekyire bɛ atee paa bɔ odi kyɛ bɛfa so ɔ. Ma esue tɔ wɔ w’aseɛ bɔ afa ama wɔ mmenia maa wayɛ b’agyapadeɛ ne aso.

YOB NWOMAA NE 33:23

“Nakoso sɛ abɔfo kamafoɛ bie gyina ye si, abɔfo bɔ ɔte apee nemɔ anu ko, bɔ ɔma sona nwu tenenee bra bɔ odi kyɛ ɔbɔ ɔ a,

YOB NWOMAA NE 37:13

Kyɛ asohwenɛ ti ahɔ oo, anaa ye aseɛ ti ahɔ oo, anaa ye anwumvoinnwunɛ ti ahɔ oo, ɔma sɔ nningyein nemɔ besisi.

Edwein 104:34

Mesrɛ kyɛ ɔma bɔ medwene ye nwo ne ɔsɔ ye nye, ofikyɛ AWURADE nu yeɛ medi ahurusi ɔ.

Edwein 147:8

Ye yeɛ ɔfa munungum kata ewienu ɔ, ɔboaboa esue noa maa ɔtɔ gua aseɛ so, na ɔma ndire fifi mmokaa so.

Edwein 149:2

Odi kyɛ Yisrael nye gye, ɔnate (Nyameɛ) bɔ yeɛ ɔbɔle ye ne ati, odi kyɛ Sion mma bɛ nye gye, ɔnate bɛ Hene ne ati.

Edwein 28:7

AWURADE te m’anwoserɛ ne m’akokyɛm, ye yeɛ me nye la ye so ɔ; yiti ɔboka me, na me nye gye. Ngɔfa me dweintolɛ ngɔla ye ase.

Edwein 32:11

Ao teneneeniɛ, di ahurusi wɔ AWURADE nu, ná ma wɔ nye gye, na ɛmɔ bɔ ɛmɔ ahone nu te ne amukoraa, ɛmɔli ahurusi bɛbɔ ese.

Edwein 84:6

Sɛ bɛnate Baka bɔnza nu a, bɛmaa ɔkakyi mbombonzue aseɛ, na asuso ma saleɛ ba so.

Anyandera 16:15

Sɛ ɛhene nyunu yɛ sereserelɛ a, ɔte ngoa, yeɛ sɛ ɔdo wɔ a, ɔte kyɛ munungum bɔ ɔtɔ bamborɔ ɔ.

Yesaya 30:21

Na sɛ ɛmɔdi makyebu bɛkɔfa famaa anaa bɛen a, wɔ so kɔte edwirɛ bie wɔ wɔ si dɔ kyɛ, “Atee ne ɛhe, ɛ́mɔfa so!”

Yesaya 30:23

Na afei ɔkɔtɔ esue kogua nningyein bɔ edua ye wɔ aseɛ so ɔ so, ɔne aseɛ ne aso aleɛ bɔ ɔkɔwa ɔ so, na bɛkɔyɛ mbiri mbiri ne pee. Sɔ mmerɛ ne, wɔ nyɛmmoa kodidi wɔ aseɛ pirikua bɔ ngaka aleɛ wɔ so ɔ so.

Yesaya 41:16

Ekohuhu bɛ so, mvrama kɔbɔ bɛ kɔhɔ, na mvrama bɔ ɔpɛ ye nwo ɔ kɔto bɛ kɔsande. Na afei ekoli ahurusi wɔ AWURADE nu, na ɛkɔhoahoa wɔ nwo wɔ Yisrael Krongronniɛ ne anu.

Yesaya 61:10

Ngoli ahurusi piri paa wɔ AWURADE nu, me Nyameɛ nu yeɛ me kra di ahurusi ɔ; ofikyɛ wafa ngoalelɛ ataadeɛ wawura me, wafa tenenee tena wahera me, kyɛbɔ atɔmvorɛ biaa fa abotire siesie ye nwo ɔ, kyɛbɔ atɔmvorɛ braa fa ye mbembenanneɛ siesie ye nwo ɔ.

Yeremia 3:3

Yiti nyenyenzue ne ayakyi tɔlɛ, yeɛ bamborɔ ne koso ɔndɔ ko, nakoso wɔ ndo nwiaa te kyɛ gyanderaniɛ deɛ, na ɛnze fɛrelɛ.

Yeremia 5:24

Bɛndwene ye nwo kyɛ, ‘Ɛ́mɔma yɛsuro AWURADE yɛ Nyameɛ bɔ ɔma esue tɔ wɔ mmerɛ bɔ ɔsɛ ɔ nu, bamborɔ ne nyenyenzue, ná ɔnea kyɛ fieso nningyein koti mmerɛ bɔ yeɛ ɔsɛ ɔ nu.’

Awuye 4:2

Sion mma mmienzua titire, bɔ bɛfa bɛ bɛtoto esikaa kɔkorɛ paa nwo ɔ, ɔwale ye sɛ bɔ bebu bɛ kyɛ ngukue bɔ bafa nnɛterɛ banwo ɔ, bɔ ɔte ngukuenwonɛniɛ ye sa noa adwuma ɔ!

Hesekiel 34:26

Bɛ ne aseɛ bɔ bapɛ me bokaa ne anwo bayia ne, ngɔmaa bɛkɔyɛ saleɛ, na ngɔma esue kɔtɔ wɔ ye mmerɛ nu; ɔkɔyɛ saleɛ esue.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Lewitikɔso 26:4

ngɔma esue kɔtɔ kɔma ɛmɔ wɔ mmerɛ bɔ ɔsɛ ɔ nu, aseɛ ne kɔhye aleɛ, ná fieso nningyein asu mmaa.

Amose 4:7

“Asa koso, mama esue ayakyi tɔlɛ wama ɛmɔ wɔ aberɛ bɔ wahã bosome nza koraka né buberɛ adwu ɔ; mama esue watɔ wagua kuro ko aso, yeɛ mamma wandɔ wangua kuro ko aso. Esue tɔ guale eboo ko aso, na eboo bɔ esue wandɔ wangua so ne, nu nningyein yerale.

Sakaria 10:1

Odi kyɛ ɛmɔsrɛ AWURADE maa ɔtɔ esue wɔ bamborɔ mmerɛ nu; AWURADE bɔ ɔma esue muna ne, ye yeɛ ɔma esue tɔ pee ma mmenia ɔ, na ɔtɔ ma ebiala maa onya fieso aleɛ.

Sakaria 10:7

Efraim kɔyɛ kyɛ katakyie, na bɛ ti anu kɔyɛ bɛ fɛfɛɛfɛ kyɛ bano nzaa ɔ. Amba, bɛ mma konwu ye, na bekoli ahurusi, na bɛ ti anu kɔyɛ bɛ fɛfɛɛfɛ wɔ AWURADE nu.

Sakaria 9:13

Ofikyɛ makondo Yuda mayɛ m’agyaen, mafa Efraim mayɛ agyaen bakaa mawura nu, O Sion, ngɔkanyane wɔ mma mmienzua mɔ maa bekodwɔso bekotia Hela mma mmienzua mɔ, na ngɔfa wɔ ngɔyɛ kyɛ katakyie ngrandɛ.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Asomafoɛ 14:17

nakoso wanyakyi ye nwo adanzeɛlilɛ, ofikyɛ ɔyɛle paa, na ɔmane yɛ nzue fili nyameɛso, ɔne mmerɛ bɔ aleɛ ba ɔ, ɔmane ɛmɔ aleɛ, na ɔmaa yɛnya aleɛ ne anigye ma yɛ kunu dwo yɛ fɔnn.”

Deuteronomi 11:14

ye de ɔkɔma esue kɔtɔ kogua ɛmɔ aseɛ so mmerɛ bɔ ɔsɛ ɔ nu, asuso ne bokyisue, na ɔnate so ekonya aburoo ne nzaa ne ngoo.

Deuteronomi 28:12

AWURADE kobukye anwuro, nekaa bɔ osie ye nningyein paa ne kɔma wɔ; ɔkɔtɔ nzue kogua w’aseɛ so mmerɛ bɔ ɔsɛ ɔ nu, na okoyira wɔ sa noa adwuma mukoraati. Ɛkɔfa nningyein kɔfɛmo maen maen pee, nakoso wɔ de, ɛngɔfɛmo nikye fee ngofi ebiala berɛ.

Deuteronomi 32:2

Me ngyerɛkyerɛ ne ɔ́tɔ kyɛ esue, me dwudwolɛ ne ógua kyɛ bosue, ɔ́yɛ kyɛ nyenyenzue bɔ ogua ndire so ɔ, ɔne nyaanyaa so nyasue.

Filipifoɛ 3:1

Aliɛmaa mɔ, bɔ ɔpɛ ye bo ɔ, ɛ́mɔma ɛmɔ nye gye wɔ Awurade nu. Ɔnha me kyɛ ngosa ngɔhyerɛ nikyee komapɛ ne ala ngɔbrɛ ɛmɔ ɔ, na ye sɔ te paa ma ɛmɔ.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Filipifoɛ 4:4

Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!