Yoel 2:22 - AHYERƐLƐ KRONGRON

²² Ɛmɔ, eburo ngaka, nnɛma ɛmɔsuro, ofikyɛ ɛserɛ so ngaka aleɛ afefɛ; mmakaa su bɛ mma, borɔdoma ne bobe su biribiraa.

Yoel 2:22 Iomraidhean Croise

Gyenesise 4:12

Sɛ ɛyɔ aseɛ ne aso boo a, ɔngɔhye aleɛ ngɔma wɔ ko. Ɛkɔyɛ kobɔniɛ, na engonya amandena wɔ aseɛ so.”

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Edwein 65:12

Bɛporoporo begua ɛserɛ so nekaa bɔ ngaka didi ɔ, na pambaa nemɔ fa anigye bɛkera.

Edwein 65:13

Nekaa bɔ ngaka didi nemɔ, mmoaen ayi so tɛkyɛ, bɔnza nemɔ anu, aburoo ayi bɛ nu tɛkyɛ, na bɛbɔ ese bɛto dwein bedi ahurusi.

Edwein 67:6

Aseɛ ahye aleɛ; Nyameɛ, yɛ Nyameɛ ne, wayira yɛ.

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Hesekiel 36:30

Ngɔma mmakaammaa ne fieso aleɛ kobu, amaa ɔnate so ɛhɔen angua ɛmɔ nyunu ase ko wɔ maen maen nemɔ anu.

Hesekiel 36:35

Na bekose kyɛ, ‘Aseɛ he bɔ né ɔla berɛ mbaen ye, ye yeɛ wakakyi kyɛ Eden turo e! Yeɛ nguro bɔ né babɔ bayɛ kurofoen ne, yeɛ afei mmenia tete so, bɔ bato bɛ nwo fasue e!’

Hesekiel 36:8

“Nakoso ɛmɔ, Yisrael mmokaa, ɛmɔkɔfefɛ ɛmɔ mmaen, na ɛmɔkosu ɛmɔ mmakaammaa bɛkɔma me maen Yisrael, ofikyɛ ɔngɔhyɛ né basa bawa.

Yona 4:11

Na Ninewe, sɔ kuro piri ne, bɔ nu mmenia bɛ somaa bo apee ɛyaa ko aburanyɔ, bɔ bɛnze bɛ sa bɛen ne bɛ sa famaa nu nzonzoleɛ, kuro bɔ nyɛmmoa pee wɔ nu ne, aso onni kyɛ menwu ye anwumvoin anaa’?”

Hagae 2:16

ɛmɔ asetena nu te ɛmɔ sɛ? Sɛ ebie ba kyɛ ɔbaabu aburoo kɛndɛen aburanyɔ a, onya buru; sɛ ebie ba nekaa bɔ bekyi mmakaammaa nu bɛyɔ nzaa kyɛ ɔbaafa nzaa bua aburannu a, aburanyɔ yeɛ onya ɔ.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

1 Korintofoɛ 3:7

Yiti bɔ oluale ne, ɔne bɔ oguaguale so nzue ne, bɛ de bɛtte huu; na mmom Nyameɛ bɔ ɔmaa onyini ne yeɛ ɔte piri ɔ.