Yoel 2:21 - AHYERƐLƐ KRONGRON

²¹ Ao aseɛ, nnɛsuro; ma wɔ nye gye, ná di ahurusi, ofikyɛ AWURADE ayɔ nningyein mbiri mbiri.

Yoel 2:21 Iomraidhean Croise

Gyenesise 15:1

Ɛhemɔ asi ne, AWURADE lale ye dwirɛ ali hyirele Abram wɔ nyekyire nu kyɛ, “Nnɛsuro, Abram. Me yeɛ mebɔ wɔ nwo waen ɔ, na w’akatuaa kɔsone pee.”

Edwein 71:19

Ao Nyameɛ, wɔ tenenee kodwu anwuro anwuro. Ao Nyameɛ, wɔ yeɛ ayɛ nnwumaa mbiri mbiri ɔ; nwa yeɛ ɔte kyɛ wɔ ɔ?

Edwein 98:8

Asue mbiri mɔ, ɛ́mɔbɔ ɛmɔ sa nu; mmokaa mɔ, ɛ́mɔbɔ nu bɛto dwein beli ahurusi

Yesaya 35:1

Ɛserɛ so ne aseɛ katerepee ne, bɛ nye kɔgye, aseɛ pralaa ne koli ahurusi, na ɔkɔbɔ nyerɛen kyɛ sukooko.

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 44:23

O anwuro anwuro, ɛ́mɔto anigye dwein, ofikyɛ AWURADE yeɛ wayɔ sɔ ɔ; O aseɛ bo dɔ, ɛ́mɔbɔ ese; O mmokaa mɔ, ɛ́mɔto anigye dwein serɛserɛ; O ɛhɔayeɛ mɔ ne nu mmakaa koso, ɛ́mɔyɔ sɔ! Ofikyɛ AWURADE apɔ Yakob wale ye, na wama ye animnyam wala ali wɔ Yisrael.

Yesaya 54:4

“Nnɛsuro, ofikyɛ wɔ nyunu ngogua ase, nnɛmaa ɔyɛ wɔ nya, ofikyɛ animguaseɛ ngɔhã wɔ, ofikyɛ wɔ wora kofi wɔ ndaluwa nu nyanzoen ne, yeɛ wɔ kunalilɛ nu animguaseɛ ne, ɛngɔkaye ye ko.

Yesaya 55:12

“Ofikyɛ ahurusililɛ nu yeɛ ɛmɔkɔfa bekofi berɛ ɔ, na ngoli ɛmɔ nyunu ma ɛmɔkɔhɔ asomdwee nu. Mmokaa ne pambaa mɔ bɛkɔto ahurusi dwein wɔ ɛmɔ nyunu, na eburo mmakaa mukoraa bɛkɔbɔ bɛ sa nu.

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Hosea 2:21

“Na sɔ kyẽa ne, ngotie, ngɔfa mmuayɛɛ ngɔma nyameɛso, na bɛ koso bɛkɔfa mmuayɛɛ bɛkɔma aseɛ, AWURADE noa dwirɛ ɛne.

Yoel 2:20

na mmom ɛlɔen bɔ ofi sorɔ dɔ ne, ngɔye ye ngofi ɛmɔ so ngɔhɔ dedeede, na ngɔfoa ye ngɔhɔ aseɛ pralaa katerepee bie aso, bɔ ye nye kyire eyia afiteleɛ ɛpo, ná ye si kyire eyia atɔleɛ ɛpo; ye nwo pambaen kotu kɔwa, na ye mvaa ne kɔbɔ kɔwa, ofikyɛ wayɔ bɔne mbiri mbiri.

Yoel 2:26

Na ɛmɔkodidi paa kɔma ɛmɔ ko koyi, ná ɛmɔaye AWURADE ɛmɔ Nyameɛ dumaa ayɛ, ofikyɛ wayɔ anwanwadeɛ wama ɛmɔ, na me maen nyunu ngogua ase le ko.

Sakaria 8:15

sɔ ala koso yeɛ mayɛ m’adwene sɔ mmerɛ ye anu kyɛ ngɔyɛ Yerusalem ne Yuda awuro ama paa ɔ. Nnɛma ɛmɔsuro!

Deuteronomi 4:32

“Wɔ de, kaye daa tete mmerɛ bɔ wapɛ nu wahɔ ne, fite mmerɛ bɔ Nyameɛ bɔle kuro sona tole aseɛ so ɔ, ná bisa fite ewiase ye ti kɔha ye ti nea, sɛ edwirɛ pirikua sɔaa bie asi le, anaakyɛ bate ebie nwo mbopoleɛ po le a?

1 Samuel 12:16

Yiti ɛmɔɔgyina wa bɛnea sɔ anwanwadeɛ he bɔ AWURADE baayɔ ma ɛmɔ nye nwu ye ɔ.

1 Samuel 12:24

Ɛ́mɔnea nningyein mbiri mbiri bɔ wayɔ wama ɛmɔ ɔ. Esurolɛ mmom yeɛ ɔsɛ kyɛ ɛmɔsuro AWURADE, ná ɛmɔfa ɛmɔ ahone amukoraa bɛso ye nahorɛ nu ɔ.