Yoel 2:2 - AHYERƐLƐ KRONGRON

² Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Yoel 2:2 Iomraidhean Croise

Edwein 10:6

Ɔka ye wɔ ye ti anu kyɛ, “Mengofi ase”; aworɛ ndoatoasoɛ amukoraa nu, mengoyia amaneɛ biala.”

Edwein 97:2

Munungum ne awosii kabii bapɛ ye nwo bayia; tenenee ne ndɛenbualɛ turoloo, bɛte ye ahennie bia nyinasoɛ.

Ɛksadɔso 10:14

Mmɛbɛ nemɔ wale Misraim aseɛ so amu, na beyi bɛfale Misraim maen ne amu. Na kyɛbɔ besi bɛyɛle manyamanya nen, ebie ɔwwale le, yeɛ ebie koso ngɔwa le.

Ɛksadɔso 10:6

Bekoyi w’awuro mɔ nu tɛkyɛ, wɔ mbanyi mɔ awuro amukoraa, ɔne Misraimfoɛ awuro amukoraa nu tɛkyɛ; bɔ wɔ baba mɔ ne wɔ nana mɔ bennwuni bie le, fite kyɛ bɛwale aseɛ ye aso bɔ ɔbaadwu ɛnɛ ɔ.’ ” Afei ɔkakyili ye nwo yakyili Faro berɛ hɔle.

Ɛksadɔso 20:21

Mmenia ne gyinane dedeede, nakoso Mose de opingyele awosii kabii bɔ né Nyameɛ wɔ nu ne.

Yesaya 5:30

Bekopo bɛ sɔ kyẽa ne, kyɛbɔ ɛpo yɛ wuruwuru ɔ. Na sɛ ɛto wɔ nye nea aseɛ a, awosii ne aworabɔlɛ yeɛ ekonwu ye ɔ, na munungum komundu hyireinn so maa ɔkɔyɛ tunn.

Yesaya 8:22

bɛkɔto bɛ nye bɛkɔnea aseɛ so, nakoso aworabɔlɛ, awosii ne amaneɛ yeɛ bekonwu ye ɔ; na bekogyi bɛ bekogua awosii kabii nu.

Yeremia 13:16

Ɛ́mɔfa animnyam bɛ́ma AWURADE ɛmɔ Nyameɛ koraka né wama awosii awa, koraka né ɛmɔasoti mmokaa so wɔ awosii nu; na aberɛ bɔ ɛmɔpena kanea ne, ɔkɔmaa ɔkɔkakyi ewue wawoɛ, na ɔkɔmaa ɔkɔkakyi awosii kabii.

Yeremia 13:6

Na ɔwale kyɛ, ngyẽa pee asi ne, AWURADE sele me kyɛ, “Kɔ asue Yufreti noa, na abɔsoɛ bɔ mvale ahyɛdeɛ mmane wɔ maa ɛfa ɛɛfeale dɔ ne, kɔ ye fi dɔ.”

Awuye 1:12

“Ɛmɔ bɔ ɛmɔpɛ nu wa amukoraa, aso ɔmva ɛmɔ nwo? Ɛ́mɔnea ná ɛ́mɔnwu ye, sɛ aworabɔlɛ bie wɔ berɛ, bɔ ɔte kyɛ m’aworabɔlɛ bɔ wato me ye, bɔ AWURADE aprapra wagua me so, wɔ ye yaafɛlɛ piri kyẽa ne anu ye.

Hesekiel 32:7

Sɛ menua wɔ boso a, ngɔkata ewienu, na ngɔma nzramaa mɔ kɔyɛ tunn; ngɔfa munungum ngɔkata eyia nyunu, na ɛsraen ngɔta.

Hesekiel 34:12

Na kyɛbɔ mmoaenneafoɛ ɔpena ye mmoaen bɔ babɔ aya ɔ bɛ boso, wɔ kyẽa bɔ ɔne bɛ wɔ berɛ ne, sɔ ala yeɛ ngɔpena me mmoaen nemɔ bɛ boso ɔ; na ngɔye bɛ ngofi nekaa mukoraa bɔ babɔ aya bahɔ ɔ, wɔ munungum ne awosii kabii kyẽa ne.

Hesekiel 38:9

Ɛkɔhɔ bɛ so kyɛ mvrama piri, ɛkɔyɛ kyɛ munungum kɔkata aseɛ ne aso, ɛne wɔ lɔen amukoraa ne maen maen pee bɔ bɛboka wɔ so ne.

Daniel 12:1

“Sɔ mmerɛ ne, Mikayɛl, bɔ ɔte abɔfo safohene bɔ ogyi wɔ maen mmaa nemɔ asi ne, okodwɔso. Amaneɛnwunɛ mmerɛ kɔwa, bɔ ofi mmerɛ bɔ maen wale bɔ ɔbaadwu sɔ mmerɛ ne ɔ, ebie ɔwwale le ɔ. Nakoso sɔ mmerɛ ne, bɛkɔpepɛ bekole wɔ maen ne, ebiala bɔ bekonwu kyɛ bahyerɛ ye dumaa wɔ nwomaa ne anu ɔ.

Daniel 9:12

Na ye dwirɛ bɔ ɔhane kyɛ ɔkɔmaa ɔkɔwa yɛ ne yɛ maenbulɛfoɛ bɔ bɛlale yɛ noa ne aso, kyɛ ɔkɔprapra amaneɛ kandinga kogua yɛ so ne, wamaa wawa nu; ofikyɛ bɔ wamaa wato Yerusalem ne, ebie ɔwwale wɔ ewiase nekaa biala le.

Yoel 1:6

Ofikyɛ maen bie wafa koɛ waateta m’aseɛ ne, bɛ nwo yɛ se, na bɛka bɛ a, bennwu bɛ noa. Bɛ gye te gyata gye, na b’awogyee te kyɛ gyata beleɛ.

Yoel 2:25

Na afoɛ mɔ bɔ nzomane mmɛbɛ, mmɛbɛ mbiri, ɛsaa ne aketekyire, bɔ bɛte me koɛhonɛfoɛ anwoserɛfoɛ maa bɛwale ɛmɔ berɛ bɛɛsɛkyele nningyein ne, ngosa ngɔfa ngosi ɛmɔ gya nu.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 2:5

Behuruhuru kyɛ teaseɛnam mɔ bɔ bɛyɛ dede wɔ mmokaa so ɔ, kyɛ see bɔ ɔyera ngyɛngyɛma bɔ ɔyɛ tetɛtetɛ ɔ, kyɛ koɛhonɛfoɛ anwoserɛfoɛ bɔ begyi koɛ noa ɔ.

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Amose 4:13

Ofikyɛ tie, bɔ ɔhyehyɛle mmokaa mɔ, ná ɔbɔle mvrama ne, ye bɔ ɔye ye ti anu adwene kyire adasa mmaa, ɔma ngyerɛmɔ kakyi awosii, ná otiatia aseɛ ye aso asɔneyɛɛ mɔ so ne, ye dumaa ole AWURADE, Asafo Nyameɛ.

Sefania 1:7

Ɛ́mɔyɛ konn wɔ AWURADE Nyameɛ nyunu! Ofikyɛ AWURADE kyẽa ne wapingye, yoo, AWURADE asiesie afɔleɛ, na wate bɛ bɔ wato ye sa wafrɛ bɛ nemɔ anwo.

Sakaria 14:6

Na sɔ kyẽa ne, kanea ngɔta, ɛyerɛ ngɔwa, yeɛ ɛborɔ ngogua.

Mateo 24:21

Ɔnate kyɛ, amaneɛnwunɛ piri bɔ ɔkɔwa ne, ofi mmerɛ bɔ Ɛdangama bɔle wiase bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Marko 13:19

Ofikyɛ, amaneɛnwunɛ bɔ ɔkɔwa sɔ mmerɛ ne anu ne, ofi mmerɛ bɔ Ɛdangama Nyameɛ bɔle aleɛ bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Deuteronomi 32:7

Kaye daa tete ne, ná nea afoɛ bɔ wapɛ nu wahɔ ɔ; bisa wɔ baba, na okohyire wɔ; bisa wɔ mbanyi mɔ, na bɛkɔhã bekohyire wɔ.

Hebrifoɛ 12:18

Nna bokaa bɔ bɛfa bɛ sa bɛkã ye ne anwo yeɛ ɛmɔawa ɔ: bokaa bɔ né ogye see ne, nekaa bɔ né awosii kabii ne munungum ne mvrama piri wɔ ne,

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Nyekyire 9:2

Obukyele aseɛ bo dɔ kumaa kuronguronn ne noa, na nwosina bɔ ɔte kyɛ foonoo piri nu nwosina fili kumaa ne anu wale, na ɔnate nwosina ne ati, eyia ne ewienu yɛle kabii.