Yoel 2:19 - AHYERƐLƐ KRONGRON

¹⁹ Amba, AWURADE buale ye maen sele ye kyɛ, “Ɛ́mɔtie, ngɔbrɛ ɛmɔ aburoo, nzaa ne ngoo, na bɛkɔma ɛmɔ ko koyi; mengɔma ɛmɔngɔyɛ nikyee bɔ bebu ye animtia wɔ maen maen mɔ nu ɔ ko,

Yoel 2:19 Iomraidhean Croise

Yeremia 31:12

Yiti bɛkɔwa bɛkɔɔto dwein wɔ Sion bokaa ne ti afia, na bɛ nye kɔgye, ɔnate AWURADE paayɛlɛ ne ati, ɔne aleɛ, nzaa ne ngoo ne ati, yeɛ mmoaen akrɔngrɔma mɔ ne nandwie akrɔngrɔma mɔ ti. B’asetena nu kɔyɛ kyɛ eboo bɔ onya nzue ɔ, na bɛ wora ngɔbɔ ko koraa.

Hesekiel 34:29

Ngɔma bɛ eboo nyemenenyemene, bɔ ɛhɔen ngohũ bɛ ko wɔ aseɛ ne aso ɔ, bɔ maen maen mɔ ngɔgoro bɛ nwo ko ɔ.

Hesekiel 36:15

Mengɔma ɛngɔte maen maen mɔ bɛ ngorohoɛ ne ko, wɔ nyunu ngogua ase wɔ maen maen mɔ bɛ nyunu ko, yeɛ ɛngɔma wɔ maen ngɔbɔ ko, AWURADE Nyameɛ noa dwirɛ ɛne.”

Hesekiel 36:29

Ngɔpepɛ ngole ɛmɔ ngofi ɛmɔ nwo bɔ ɔnde ne amukoraa nu; ngɔfrɛ aleɛ ngɔwa maa okobu, na mengɔma ɛhɔen biala ngɔwa ɛmɔ so.

Hesekiel 36:30

Ngɔma mmakaammaa ne fieso aleɛ kobu, amaa ɔnate so ɛhɔen angua ɛmɔ nyunu ase ko wɔ maen maen nemɔ anu.

Hesekiel 39:29

Mengɔfa me nyunu mengɔfea Yisrael awuro ama ko, ofikyɛ mahwie me Sunzum magua bɛ so, AWURADE Nyameɛ noa dwirɛ ɛne.”

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Hosea 2:21

“Na sɔ kyẽa ne, ngotie, ngɔfa mmuayɛɛ ngɔma nyameɛso, na bɛ koso bɛkɔfa mmuayɛɛ bɛkɔma aseɛ, AWURADE noa dwirɛ ɛne.

Hosea 2:22

Na aseɛ kɔfa mmuayɛɛ kɔma aburoo, nzaa ne ngoo, na bɛ koso bɛkɔfa mmuayɛɛ bɛkɔma Yesreel.

Yoel 1:10

Eboo mɔ asɛkye, aseɛ di aworabɔlɛ, ofikyɛ fieso nningyein asɛkye, nzaa foforɛ bo apɛ, yeɛ ngoo so ate.

Yoel 2:24

Nekaa bɔ bɛboro aburoo ne, aburoo koyi berɛ to, na nzaa ne ngoo koyi angora nemɔ maa okobu kɔfa so.

Lewitikɔso 26:5

Ɛmɔkɔhɔ so bɛkɔboro aburoo alaa maa okoodwu mmerɛ bɔ ɛmɔte bobe ɔ, na ɛmɔkɔhɔ so bɛkɔte bobe alaa maa okoodwu mmerɛ bɔ ɛmɔdua aburoo ɔ. Ɛmɔkodidi maa ɛmɔ ko koyi, ná ɛmɔatena aseɛ ne aso asomdwee nu.

Sakaria 8:12

Ofikyɛ nningyein lualɛ kɔyɛ asomdwee nu, bobe kosu ye mma, aseɛ kɔhye aleɛ, anwuro kɔtɔ ye bosue, na maen he mmenia bɔ baha ne, ngɔmaa bekonya ɛhemɔ amukoraa.

Mateo 6:33

Na ɛ́mɔli moa bɛ́pena Nyameɛ ahennie ne ye tenenee ne mmom, na ɔkɔfa ɛhemɔ amukoraa ɔkɔboka so kɔma ɛmɔ.

Deuteronomi 11:14

ye de ɔkɔma esue kɔtɔ kogua ɛmɔ aseɛ so mmerɛ bɔ ɔsɛ ɔ nu, asuso ne bokyisue, na ɔnate so ekonya aburoo ne nzaa ne ngoo.

Rutu 1:6

Naomi tele ye wɔ Moabo aseɛ so kyɛ AWURADE alo ye maen maa banya aleɛ. Yiti ɔne ye sia mmrasua nemɔ besili nu kyɛ befi Moabo aseɛ so besa bɛkɔ ye kuro.