Yoel 2:18 - AHYERƐLƐ KRONGRON

¹⁸ Afei AWURADE hwene ye aseɛ nwo nungunɛ, na onwuni ye maen anwumvoin.

Yoel 2:18 Iomraidhean Croise

2 Ahemvo 19:31

Bɛ bɔ baha ne bie bɛ boso kɔtrɛ kofi Yerusalem, na bɛ bɔ banya bɛ ti badidi nu ne, bɛ boso kɔtrɛ kofi Sion bokaa ne aso. Asafo AWURADE ye nungunɛhwenɛ ne yeɛ ɔkɔyɔ ɛhe ɔ.

Edwein 103:13

Kyɛbɔ seɛ si nwu ye mma anwumvoin ne, sɔ ala yeɛ AWURADE nwu bɛ bɔ besuro ye ɔ anwumvoin ɔ.

Edwein 103:17

Nakoso AWURADE ye ɔdɔ bɔ onni ngasi ne, ɔwɔ berɛ ofi tetetete bɔ ɔkwaadwu afebɔɔ ma bɛ bɔ besuro ye ɔ, na ye tenenee wɔ berɛ ma bɛ mma ne bɛ nnomaa mɔ;

Yesaya 37:32

Bɛ bɔ baha ne bie, bɛ boso kɔtrɛ kofi Yerusalem, na bɛ bɔ banya bɛ ti badidi nu ne, bɛ boso kɔtrɛ kofi Sion bokaa ne aso. Asafo AWURADE ye nungunɛhwenɛ ne yeɛ ɔkɔyɔ ɛhe ɔ.

Yesaya 42:13

AWURADE kɔhɔ ye nyunu kyɛ katakyie, ɔkɔma ye ahone kohu kyɛ koɛhonɛniɛ, ɔkɔtea nu, ɔkɔbɔ ese, na okoli ye pɔfoɛ mɔ so ngonim.

Yesaya 60:10

Amanvorafoɛ kɔto wɔ fasue nemɔ, yeɛ b’ahemvo mɔ koso bɛkɔso wɔ, ofikyɛ m’ahonehulɛ ne anu, ndeane wɔ, nakoso me paayɛlɛ ne anu, manwu wɔ anwumvoin.

Yesaya 63:15

To wɔ nye fi nyameɛso nea, to wɔ nye fi wɔ krongron ne w’animnyam atenaleɛ berɛ nea. Wɔ nungunɛ ne w’anwoserɛ ne, ɔwɔ nisua? Wɔ kunu tetelɛ ne w’anwumvoinnwunɛ ne, aye afi me nwo anaa?

Yesaya 63:9

Bɛ yealɛlilɛ amukoraa nu ne, ɔyɛle ye yea, na ye nyunu abɔfo ne, ɔpepɛ lele bɛ; ɔnate ye dɔ ne ye anwumvoinnwunɛ ne aso ɔpepɛ lele bɛ, ɔpagyale bɛ, na ododole bɛ wɔ daa tete mmerɛ ne amukoraa.

Yeremia 31:20

Aso Efraim, ɔte mma bɔ ɔla m’ahone nwo ɔ? Aso ɔte baa bɔ me nye gye ye nwo ɔ? Mmerɛ pee bɔ metwi ye nyunu ne, yeɛ mekɔ so mekaye ye ɔ. Yiti me kunu tete me ma ye, amba, ngonwu ye anwumvoin, AWURADE noa dwirɛ ɛne.

Awuye 3:22

AWURADE adaworoma yeɛ yɛ boso wannua ɔ, ofikyɛ ye anwumvoinnwunɛ ye bo ngɔpɛ le.

Sakaria 1:14

Yiti abɔfo bɔ né ɔne me yɛdwudwo ne, osele me kyɛ, ‘Bɔ ye dawure kyɛ, Asafo AWURADE nwa nyoo: Metwe Yerusalem ne Sion nwo nungunɛ piri paa,

Sakaria 8:2

“Asafo AWURADE nwa nyoo: Metwe Sion nwo nungunɛ piri paa, ɛyaa piri paa yeɛ mefa metwe ye nwo nungunɛ ɔ.

Luka 15:20

Yiti odwɔsole sili nu kyɛ osa kɔ ye baba berɛ. Na ɔwɔ dedeede nen, yeɛ ye baba nwuni ye ɔ, na ɔyɛle ye anwumvo, na baba ne tuli amirika ɔɔfale ye sa tole ye kɔme anu, na ɔyɛle ye awaawaatuu.

Deuteronomi 32:16

Bɛsole nyameɛ foforɛ biemɔ mane Nyameɛ hwene ye nwo nungunɛ, na bɛfale akyiwadeɛ behuli ye ahone.

Deuteronomi 32:36

Amba, AWURADE kobua ye mmenia be, okonwu ye ngoaa anwumvoin, mmerɛ bɔ okonwu kyɛ b’anwoserɛ ayie, bɔ ebiala nne berɛ bɔ waha, bɔ ɔte akoaa anaa dehyeɛ ɔ.

Deuteronomi 32:43

“O, maen maen, ɛmɔ ne ye mmenia beli ahurusi, [mmosoen amukoraa, ɛ́mɔkoto AWURADE] ofikyɛ ɔkɔtɔ ye ngoaa mɔ mogya so wereɛ, ɔkɔtɔ ye pɔfoɛ mɔ so wereɛ, [okotua bɛ bɔ bekyi ye kerɛ], ná wate aseɛ ne anwo wama ye mmenia.”

Yakobo 5:11

Ɛ́mɔtie, bɛ bɔ bemiane bɛ nye bɛfale amaneɛ nu ne, yɛbu bɛ kyɛ banya saleɛ. Yeɛ ɛmɔate Yob amaneɛnwunɛ nu animia ne, na ɛmɔanwu kyɛbɔ Awurade maa osi yiele ye ɔ, kyɛbɔ Awurade anwumvoinnwunɛ sone, ná osa le tema maa ɔbo so ɔ.

Maenbulɛfoɛ 10:16

Yiti begyili Amaenmaensofoɛ nyameɛ mɔ bɔ bɛwɔ bɛ berɛ ne beguale, na bɛsole AWURADE. Na Yisrael amaneɛnwunɛ ne yɛle AWURADE ahomete.