Yoel 2:16 - AHYERƐLƐ KRONGRON

¹⁶ ɛ́mɔboaboa maen ne anoa, ɛ́mɔte mmenia nemɔ anwo, ɛ́mɔboaboa mbanyi nemɔ noa, ɛ́mɔboaboa ngwadaa nemɔ noa, yeɛ bɛ bɔ betua nyɔfone noa ne koso. Odi kyɛ atɔmvorɛ biaa ofi ye pia nu ba, ná atɔmvorɛ braa koso ofi ye pumbu nu ba.

Yoel 2:16 Iomraidhean Croise

2 Aberɛso Dwirɛ 20:13

Sɔ mmerɛ ne, Yuda amukoraa begyinane AWURADE nyunu; bɛ ne bɛ ngwadaa ne bɛ ye mɔ ne bɛ mma mɔ.

2 Aberɛso Dwirɛ 29:5

Na osele bɛ kyɛ, “Lewifoɛ, ɛ́mɔtie me! Ɛ́mɔpete ɛmɔ anwo, ɛ́mɔpete AWURADE ɛmɔ nana mɔ Nyameɛ awuro ne anwo, ná ɛ́mɔyeye akyiwadeɛ nningyein ne béfi nekaa krongron berɛ.

2 Aberɛso Dwirɛ 30:17

Ofikyɛ né badwa ne anu mmenia pee bennya bɛppetene bɛ nwo. Yiti né odi kyɛ Lewifoɛ nemɔ beku Abɔtra boaen ne bɛma ebiala bɔ ye nwo ɔnde ɔ, amaa ɔnate so bayɛ krongron bama AWURADE.

2 Aberɛso Dwirɛ 30:19

ebiala bɔ waye ye ahone nu kyɛ ɔkɔso Nyameɛ, AWURADE ye nana mɔ Nyameɛ ne, ɔ́fa ye bɔne ɔ́hyɛ ye, ɔwɔ nu kyɛ wamva nekaa krongron berɛ nhyehyɛleɛ ne aso wambete ye nwo de.”

2 Aberɛso Dwirɛ 35:6

Ɛmɔhu Abɔtra boaen ne, ɛ́mɔpete ɛmɔ nwo, na ɛ́mɔgyina ɛmɔ aliɛma nemɔ gya nu bɛbɔ b’afɔleɛ ne bɛma bɛ. Ɛmɔli nhyehyɛleɛ ne aso kyɛbɔ AWURADE dwirɛ bɔ ɔfa mane Mose ne, ɔte ne ala.”

YOB NWOMAA NE 1:5

Sɛ bɛto poen ne alaa maa oyia bɛ ti a, ɔyɛ a Yob soma maa bɛkɔfrɛ bɛ bɛba, na ɔpete bɛ nwo. Né ɔyɛ a ɔpɛ aleɛ odwɔso gyina bɛ nu biala ye gya nu ɔbɔ naen yeralɛ afɔleɛ. Ofikyɛ Yob susuli kyɛ, “Me mma ye mɔ, ebiaa bayɔ bɔne, ebiaa badwudwo batia Nyameɛ wɔ bɛ nzusuleɛ nu.” Na sɔ ala yeɛ né ɔyɛ a Yob yɔ ɔ.

Edwein 19:5

eyia pukye kyɛ atɔmvorɛ biaa bɔ ofi ye sua nu ofite ɔ, kyɛ bienzua anwoserɛniɛ bɔ ole anigye otu amirika ɔ.

Ɛksadɔso 19:10

Na AWURADE sele Mose kyɛ, “Kɔ mmenia nemɔ berɛ, ná pete bɛ nwo ɛnɛ ne ɛhema. Maa bɛpo bɛ nwo nningyein,

Ɛksadɔso 19:15

Na osele mmenia ne kyɛ, “Ɛ́mɔboaboa bɛ nwo bésie ɛhema si, nnɛma ɛmɔfa bɛ nwo bɛka brasua.”

Ɛksadɔso 19:22

Asɔfo mɔ po bɔ bɛba AWURADE nyunu ne, maa bɛte bɛ nwo, ná AWURADE andete bɛ nu pasapasa.”

Yoel 1:14

Ɛ́mɔyɛ akɔngyere krongron, ɛ́mɔyɛ nyianu krongron. Ɛ́mɔboaboa mbanyi ne aseɛ ne aso mma amukoraa bɛ noa wɔ AWURADE ɛmɔ Nyameɛ awuro, ná ɛ́mɔsu bɛfrɛ AWURADE.

Mateo 21:16

Yiti bebisale ye kyɛ, “Aso ɛte bɔ ɛhemɔ bɛ́kã ne?” Na Yesu buale bɛ kyɛ, “Yoo, aso ɛmɔkkenngale ye le kyɛ, ‘Ngwadaa ne nnɔma bɔ bɛno nyɔfone bɛ noa nu yeɛ asiesie ayɛyelɛ ɔ’ anaa.”

Mateo 9:15

Na Yesu buale bɛ kyɛ, “Ɔkɔyɛ sɛɛ né atɔmvorɛ bo ama bɛ wora abɔ, wɔ aberɛ bɔ atɔmvorɛ biaa ne ɔne bɛ wɔ berɛ ɔ? Mmerɛ bie kɔwa bɔ bɛkɔfa atɔmvorɛ biaa ne bekofi bɛ nwo bɛkɔhɔ ɔ, na afei bekoli abuadaa.

1 Korintofoɛ 7:5

Nnɛma ɛmɔtua ɛmɔ nwo nnaa, sana ɛmɔ munyɔ ɛmɔapene so kyɛ ɛmɔtu mmerɛ kãa bie besie berɛ ma mbaeɛbɔlɛ; na ɛhe asi ye, ɛmɔasa bayia nu bieku, ná abɔnzam amva ɛmɔ anwohyɛsoɛ nu mmerɛyɛlɛ so wanzo ɛmɔ wannea.

Yosua 7:13

Dwɔso! Te mmenia nemɔ nwo, ná ka kyɛ, ‘Ɛ́mɔte ɛmɔ nwo bésie bɛ́fa bɛ́nwondɛ ɛhema, ofikyɛ AWURADE Yisrael Nyameɛ ne nwa: O Yisrael, nningyein bɔ matu masie berɛ kyɛ bɛsɛkye ye ne, ebie wɔ wɔ berɛ. Na ɛngɔhora wɔ pɔfoɛ mɔ nyunu gyina, sana ɛmɔye nningyein bɔ matu masie berɛ kyɛ bɛsɛkye ye ne befi ɛmɔ nu.’

Yosua 8:35

Edwirɛ bɔ Mose hyɛle ne amukoraa, nu ko po nne berɛ bɔ Yosua wangenga ye wɔ Yisrael badwa ne amukoraa nyunu ɔ, mmrasua ne ngwadaa mɔ nyunu, yeɛ ɛwɔfoɛ mɔ bɔ baatena Yisraelfoɛ mɔ nu koso bɛ nyunu.

1 Samuel 16:5

Na obuale kyɛ, “Bɔkɔɔ. Mawa kyɛ mebaabɔ afɔleɛ mema AWURADE. Ɛ́mɔpete ɛmɔ nwo ná ɛ́mɔma yɛhɔ afɔleɛ ne abo.” Ɔpetene Yese ne ye mma nemɔ anwo, na osele bɛ kyɛ bɛbra afɔleɛ ne abo.