Biblia Todo Logo
Bìoball air-loidhne

- Sanasan -




Yoel 2:14 - AHYERƐLƐ KRONGRON

14 Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Faic an caibideil Dèan lethbhreac




Yoel 2:14
20 Iomraidhean Croise  

Na Dawide buale bɛ kyɛ, “Mmerɛ bɔ né akwadaa ne te ase ne, nzuni nyɔle akɔngyere, ofikyɛ nyane adwene kyɛ, ‘Ebie nze, ebiaa né AWURADE alo me ama akwadaa ne anya ngoa.’


Ebiaa AWURADE kɔnea m’amaneɛnwunɛ ye, na ɔkɔkakyi amoen bɔ baboro me ɛnɛ ye maa ngonya saleɛ.”


Edwirɛ amukoraa bɔ Rabesake ne, ye mene Asiria hene wafa wasoma ye kyɛ ɔfa ɔɔgoro Nyameɛ teasefoɛ nwo ne, ebiaa AWURADE wɔ Nyameɛ wate. Na AWURADE wɔ Nyameɛ kɔhwe ye so wɔ edwirɛ bɔ wate ne anwo. Yiti mbaeɛ bɔ ɛbɔ ma yɛ bɔ yaha ne, ma nu ɔ́yɛ se.”


Aleɛ hyene ne, Mose sele maen ne kyɛ, “Ɛmɔayɔ bɔne piri paa. Nakoso ngɔfo ngɔhɔ AWURADE berɛ kekesaala ye; ebiaa né mahora masrɛ ɛmɔ bɔne ne nwo mbata mama ɛmɔ.”


AWURADE nwa nyoo: “Kyɛbɔ nzaa wɔ bobe betire biribiraa nu, maa mmenia bɛkã kyɛ, ‘Nnɛsɛkye ye, ofikyɛ saleɛ wɔ nu’ ne, sɔ ala yeɛ me somvoɛ mɔ ti ngɔyɔ ɔ, na mengohũhũ bɛ mukoraa.


nakoso sɔ maen ne bɔ mahã ye nwo dwirɛ ne, onu ye nwo fi ye bɔne nwo a, ye de ngɔsesã m’adwene wɔ musue bɔ mayɛ kyɛ ngɔprapra ngogua ye so ne anwo.


Yiti kekesaala ye, ɛ́mɔsakyera ɛmɔ adwene ne ɛmɔ yɔleɛ, ná ɛ́mɔtie AWURADE ɛmɔ Nyameɛ dwirɛ, na AWURADE kɔsesã ye adwene wɔ musue bɔ wahã kyɛ ɔkɔprapra kogua ɛmɔ so ne anwo.


Ebiaa bekotie, ná ebiala wahwe ye nwo wafi ye bɔne atee nwo, amaa ɔnate so amaneɛ bɔ ɔnate bɛ bɔne yɔleɛ ti madwene ye nwo kyɛ ngɔprapra ngogua bɛ so ne, masesã m’adwene wɔ ye nwo.


Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.


Aso aleɛ omminini bɔ yɛ nye tua ɔ, aso anigye ne ahurusi omminini offili yɛ Nyameɛ awuro anaa?


Bayakyi aleɛ afɔleɛ ne anonneɛ afɔleɛ bɔlɛ wɔ AWURADE awuro. Asɔfo bɔ bɛ yeɛ bɛte AWURADE somvoɛ mɔ ne, bedi aworabɔlɛ.


Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.


Yiti ɛlɛenhanɛfoɛ nemɔ so panyi ne wale ye berɛ oosele ye kyɛ, Hei! Wɔ bɔ alafe hatee ɔ, nzikyɛ yeɛ ɛpena kyire ye? Dwɔso, sũ frɛ wɔ nyameɛ, na ebiaa nyameɛ ne kɔdwene yɛ nwo ná yanwuwu.


Ebie nze, ebiaa Nyameɛ kɔsesã ye adwene ná wayakyi ye yaafɛlɛ piri ne, amaa ɔnate so yɛ boso wannua.”


Ɛmɔ, ɛ́mɔpena AWURADE, aseɛ ne asofoɛ bɔ ɛmɔbrɛ ɛmɔ nwo ase ɔ, bɔ ɛmɔdi AWURADE mmeraa dwirɛ so ɔ! Ɛ́mɔpena tenenee si atee, ɛ́mɔpena anwobrɛaseɛ si atee; ebiaa né wamaa ɛmɔanya ɛmɔ ti badidi nu wɔ AWURADE ahonehulɛ kyẽa ne.


Aso aburoo ne bie waha wɔ pata so? Bobe ne borɔdoma ne akengaa ne olive mmakaa nemɔ, benzu mmaa. Ofi ɛnɛ bɔ ɔkɔ ɔ, ngoyira ɛmɔ.”


ná ɔfa anwobrɛaseɛ nu dwudwo kyire bɛ bɔ bɛne ye nyɛ adwene ɔ. Ofikyɛ ebiaa né Nyameɛ amaa basakyera b’adwene ná banwu nahorɛ ne,


Yiti, mmokaa aseɛ he bɔ AWURADE hane ye nwo dwirɛ sɔ kyẽa nen, fa ma me. Sɔ kyẽa ne, ɛtele kyɛ né Anakefoɛ ne nguro mbiri bɔ bato bɛ nwo fasue mɔ wɔ berɛ. Nakoso ebiaa AWURADE kogyina me si maa ngɔfoa bɛ ngofi berɛ, kyɛbɔ AWURADE hane ne.”


Yiti mbɔmbɔ ne mmurokuruwa mɔ bɔ bɛ́sɛkye ɛmɔ maen nen, ɔsɛ kyɛ ɛmɔyɛ bɛ sɛso, ná ɛmɔfa animnyam bɛma Yisrael Nyameɛ ne. Ebiaa amaneɛ piri paa bɔ wafa wato ɛmɔ ne ɛmɔ nyameɛ mɔ ɔne ɛmɔ aseɛ so ne, ɔkɔyakyi.


Lean sinn:

Sanasan


Sanasan