Yoel 2:12 - AHYERƐLƐ KRONGRON

¹² “Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Yoel 2:12 Iomraidhean Croise

2 Samuel 24:10

Dawide maa bɛhale mmenia ne beyiele nen, nziɛ ye, ye tiboa buale ye fɔ. Na Dawide fa tole AWURADE nyunu kyɛ, “Bɔ mayɔ ye, mayɔ bɔne paa. Nakoso AWURADE, mesrɛ wɔ ala, fa w’akoaa amumuyɛɛ kyɛ ye, ofikyɛ mali ngwaseasɛm paa.”

2 Aberɛso Dwirɛ 30:6

Yiti Nana Hesekia ne ye mbanyi mɔ ngrataa ne, ɛbɔfoɛ mɔ fa bɛhɔle Yisrael ne Yuda nekaa biala, kyɛbɔ Nana Hesekia fale ahyɛdeɛ mane bɛ ne. Ngrataa ne anu dwirɛ ole kyɛ, “Ao Yisrael maen, ɛ́mɔsa bɛ́bra AWURADE Abraham, Yisake ne Yisrael Nyameɛ ne berɛ, amaa ɔnate so ɛmɔ ngaa bɔ ɛmɔanya bɛ ti badidi nu bafi Asiria ahemvo mɔ sa nu ne, AWURADE wasa waagyina ɛmɔ si.

2 Aberɛso Dwirɛ 6:27

ye de tie bɛ wɔ nyameɛso, ná fa wɔ ngoaa bɔ bɛ ole wɔ maen Yisrael ne bɛ bɔne kyɛ bɛ, wɔ aberɛ bɔ ekyire bɛ atee paa bɔ odi kyɛ bɛfa so ɔ. Ma esue tɔ wɔ w’aseɛ bɔ afa ama wɔ maen maa wayɛ b’agyapadeɛ ne aso.

Ɛseta 4:16

“Kɔboaboa Yudafoɛ bɔ bɛwɔ Susa mukoraa noa, ná ɛ́mɔgyina me gya nu bɛyɛ akɔngyere. Nnɛma ɛmɔdidi, yeɛ nnɛma ɛmɔno hwee, eyia ne kɔngɔen sɔ alaa ɛlɛsa. Me koso, me ne m’abaawa nemɔ yɛkɔyɔ sɔ ala. Ye si ye, ngɔhɔ Nana nyunu, ɔwɔ nu kyɛ otia mmeraa de, na sɛ ɔba kyɛ nwu a, maa nwu.”

Ɛksadɔso 33:5

Ofikyɛ né AWURADE aha ahyire Mose kyɛ, “Ka kyire Yisraelfoɛ kyɛ, ‘Ɛmɔte mmenia bɔ bɛ so yɛ se ɔ; na sɛ me ne ɛmɔ yɛsã nu yɛkɔ kaala po a, ngɔma ɛmɔ boso konua. Yiti ɛ́mɔyeye ɛmɔ nwo mbembenanneɛ ne, amaa mahora manwu nikyee bɔ ngɔfa ngɔyɔ ɛmɔ ɔ.’ ”

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yesaya 58:4

Ɛ́mɔtie, sɛ ɛmɔyɛ akɔngyere a, apereapereɛ ne ngondii yeɛ wali ɛmɔ ti ɔ, na ɛmɔto twɔleɛ anyeborolɛ so. Nna ɛmɔ akɔngyere bɔ ɛlɛsa ye ɛmɔyɛ ye yeɛ ɔkɔmaa ngɔte ɛmɔ komvi wɔ anwuro ɔ.

Yeremia 3:22

Ao mmaa asoserɛfoɛ, ɛ́mɔsa bɛbra, na ngɔsa ɛmɔ asoserɛ ne anwonyerɛ. Yɛsrɛ wɔ, yɛba wɔ berɛ, ofikyɛ wɔ yeɛ ɛte AWURADE yɛ Nyameɛ ɔ.

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Yeremia 4:1

“Ao Yisrael, sɛ ekosa kɔwa a, sa bra me berɛ, AWURADE noa dwirɛ ɛne. Sɛ ɛye w’akyiwadeɛ nningyein nemɔ fi me nyunu, ná w’adwene anyɛ wɔ ndaa ndaa,

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Hesekiel 33:11

Se bɛ kyɛ: Kyɛ nde ase ye, me nye ngye bɔnefoɛ ye wue nwo, na mmom me nye gye kyɛ bɔnefoɛ kɔyakyi ye yɔleɛ, ná okonya ngoa ɔ. AWURADE Nyameɛ noa dwirɛ ɛne. Ɛ́mɔyakyi, ɛ́mɔyakyi ɛmɔ bɔne yɔleɛ ne! O Yisrael awuro ama, nzu ati yeɛ odi kyɛ ɛmɔwuwu ɔ?

Daniel 9:3

Yeɛ mva nziele me nye so ndwe mbingyele AWURADE Nyameɛ, kyɛ ngoli mmuadaa, ngɔhera ɛsɛen tena, ngotu nzoen ngogua me nwo ngɔfa me mbaeɛ ne sufrɛ ngɔto ye nyunu.

Hosea 12:6

“Yiti sa kɔ wɔ Nyameɛ berɛ, sɔ ɔdɔ ne pɛpɛɛpɛyɛlɛ nu yé, ná fa wɔ wora wura Nyameɛ nu daa.”

Hosea 12:7

Kanaan tira ngondombo tonyi, na okuro aminɛlilɛ.

Hosea 14:1

Ao Yisrael, sa bra AWURADE wɔ Nyameɛ berɛ, ofikyɛ w’amumuyɛɛ amaa afi ase.

Hosea 6:1

“Ɛmɔbra, ɛ́mɔma yɛsa yɛhɔ AWURADE berɛ, ofikyɛ ye yeɛ watete yɛ nu pasapasa ɔ, na ɔkɔsa yɛ anwonyerɛ; wapura yɛ, na okosa kɔkyekye yɛ ngena nemɔ aso.

Yoel 1:13

Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Sakaria 7:3

ná bebisa Asafo AWURADE awuro berɛ asɔfo mɔ ne ngɔmhyɛlɛfoɛ nemɔ kyɛ, “Aso nni aworabɔlɛ ná ngye hɔen wɔ bosome bɔ ɔtɔ so nnu ne anu, kyɛbɔ mayɔ ye afoɛ worawora ye anu ye anaa?”

Sakaria 7:5

“Bisa aseɛ ne aso ama mukoraa ne asɔfo nemɔ kyɛ: Mmerɛ bɔ ɛmɔhyele hɔen ná ɛmɔlili aworabɔlɛ wɔ bosome bɔ ɔtɔ so nnu, ɔne nzoo ne anu, bɔ afoɛ aburasoo ɛhe ne, aso me ti yeɛ ɛmɔhyele hɔen ne ɔ?

Malaki 1:9

Nzaade, mesrɛ ɛmɔ, ɛ́mɔsrɛ Nyameɛ ma ɔlo yɛ e! Na sɛ akyɛdeɛ bɔ otira ɛmɔ sa nu hɔ ɛne a, ye de ɔkɔyɛ sɛɛ né walo ɛmɔ? Asafo AWURADE noa dwirɛ ɛne.

Asomafoɛ 26:20

Na nnili moa ngane edwirɛ ne wɔ Damasko, afei Yerusalem, ɔne Yudea maen ne anu mukoraa, ɔne Amaenmaensofoɛ nu; kyɛ bɛsakyera b’adwene bɛbra Nyameɛ berɛ na bɛbɔ bra bɔ okyire kyɛ basakyera b’adwene ɔ.

Maenbulɛfoɛ 2:4

AWURADE abɔfo ne hane edwirɛ he hyirele Yisraelfoɛ amukoraa yiele nen, besuni hahii.

Maenbulɛfoɛ 20:26

Yeɛ Yisrael koɛhonɛfoɛ ne amukoraa, besa bɛhɔle Betel bɛɛtenane AWURADE nyunu besuni. Sɔ kyẽa ne, bɛhyele ɛhɔen maa oodwuli nɔsoa. Afei bɛbobɔle naen yeralɛ afɔleɛ ne asomdwee afɔleɛ wɔ AWURADE nyunu.

1 Samuel 7:3

Afei Samuel sele Yisrael awuro ama amukoraati kyɛ, “Sɛ ɛmɔ ahone nu paa yeɛ ɛmɔsa bɛba AWURADE berɛ a, nzaade ɔsɛ kyɛ ɛmɔye Amaenmaensofoɛ nyameɛ mɔ ne mmosoen Astarote befi ɛmɔ nu begyi begua. Ɔsɛ kyɛ ɛmɔtu ɛmɔ nwo besie berɛ bɔkɔɔ bɛma AWURADE, ná ɛmɔso ye ngome, na okole ɛmɔ kofi Filistifoɛ sa nu.”

1 Samuel 7:6

Yiti beeyiale nu wɔ Misepa, na bɛsale nzue behwie beguale ase bɛbɔle afɔleɛ bɛmane AWURADE. Bɛhyele hɔen sɔ kyẽa ne, na bɛhane kyɛ, “Yayɔ bɔne yatia AWURADE.” Na Samuel tenane Misepa buli Yisrael maen ne.