Yoel 2:11 - AHYERƐLƐ KRONGRON

¹¹ AWURADE tea nu serɛserɛ wɔ ye koɛhonɛfoɛ nyunu, ofikyɛ ye lɔen ne te piri paa, na bɔ odi ye dwirɛ so ne, ye nwo yɛ se. Ofikyɛ AWURADE kyẽa ne te piri, ɔyɛ suro paa, na nwa yeɛ ɔkɔhora ye noa gyina ɔ?

Yoel 2:11 Iomraidhean Croise

Edwein 18:14

Ɔtotole agyaen mane ye pɔfoɛ mɔ bɔle aya, ye agralaa bɔ ɔtetele ne mane bɛ nye so tanene.

Edwein 46:6

Amaen maen mɔ bɛteatea nu, ahennie mɔ batete bapanzam; ɔbobɔ nu kurudududu, na aseɛ woso.

Edwein 68:18

Ɛfole bokaa tendenn ne, elili bɛ bɔ ahye bɛ nnure ne nyunu wɔ mmerɛ bɔ elele akyɛdeɛ bɔ ɔte mmenia ɔ, bɔ ɛlɔenyɛlɛfoɛ po bɛboka so ɔ amaa ɔnate so AWURADE Nyameɛ watena bɛ nu.

Yesaya 13:4

Ɛ́mɔtie! Esebɔlɛ bie ɔkɔ so wɔ mmokaa nemɔ aso kyɛ ɛlɔen pirikua bie komvi. Ɛ́mɔtie! Ɔte ahennie mɔ b’esebɔlɛ piri, maen maen mɔ bɔ baboaboa bɛ noa ɔ! Asafo AWURADE ɔ́boaboa ye lɔen noa maa bɛkɔ koɛ.

Yesaya 42:13

AWURADE kɔhɔ ye nyunu kyɛ katakyie, ɔkɔma ye ahone kohu kyɛ koɛhonɛniɛ, ɔkɔtea nu, ɔkɔbɔ ese, na okoli ye pɔfoɛ mɔ so ngonim.

Yesaya 7:18

“Sɔ mmerɛ ne, AWURADE kɔbɔ mvrɛma kɔfrɛ nwɔsea bɔ bɛwɔ Misraim asue mɔ bɛ sorɔ dɔ, ɔne ɛwommaa bɔ bɛwɔ Asiria aseɛ so ɔ.

Yeremia 25:30

“Yiti, fa sɔ dwirɛ hemɔ amukoraa hyɛ ngɔm tia bɛ, ná se bɛ kyɛ, ‘AWURADE kofi anwuro anwuro kɔbobɔ nu, na ɔkɔtea nu kofi ye atenaleɛ krongron ne anu berɛ; ɔkɔbobɔ nu serɛserɛ kogua ye atenaleɛ so, na ɔkɔtea nu kyɛ bɛ bɔ bétwi bobe ɔ kogua aseɛ ye aso ama amukoraa so.

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Yeremia 50:34

Nakoso bɛ Defoɛ ne nwo yɛ se; ye dumaa ole Asafo AWURADE. Okoli bɛ dwirɛ kɔma bɛ amba, amaa ɔnate so wama aseɛ ye ale ye nwome, ná wama basabasa ato Babilɔnfoɛ.

Hesekiel 22:14

Kyẽa bɔ me ne wɔ yɛkoli ye weewee so ne, aso ɛkɔhora kosi wɔ hue, anaa ɛkɔhora kogyina ye noa’? Me, AWURADE, me yeɛ mahã ɔ, na ngɔyɔ koso.

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Yoel 1:6

Ofikyɛ maen bie wafa koɛ waateta m’aseɛ ne, bɛ nwo yɛ se, na bɛka bɛ a, bennwu bɛ noa. Bɛ gye te gyata gye, na b’awogyee te kyɛ gyata beleɛ.

Yoel 2:1

Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Yoel 2:25

Na afoɛ mɔ bɔ nzomane mmɛbɛ, mmɛbɛ mbiri, ɛsaa ne aketekyire, bɔ bɛte me koɛhonɛfoɛ anwoserɛfoɛ maa bɛwale ɛmɔ berɛ bɛɛsɛkyele nningyein ne, ngosa ngɔfa ngosi ɛmɔ gya nu.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:14

Ɛlɔen, ɛlɔen wɔ ndɛenbualɛ bɔnza ne anu; ofikyɛ AWURADE kyẽa ne apingye wɔ ndɛenbualɛ bɔnza ne anu.

Yoel 3:16

AWURADE bobɔ nu fi Sion, na ɔma ye komvi so fi Yerusalem; anwuro ne aseɛ bɛwoso, nakoso AWURADE te ye maen anyelasoɛ, ɔne ye mma Yisrael b’anwoserɛ afealeɛ.

Amose 1:2

Na osele kyɛ, “AWURADE bobɔ nu fi Sion, na ɔma ye komvi so fi Yerusalem, aseɛ bɔ mmoaenneafoɛ benya ngaka aleɛ wɔ so ne, odi aworabɔlɛ, yeɛ bokaa Kamɛl ti afia ayɛ pralaa.”

Amose 5:18

Ɛmɔ yaakɔ, ɛmɔ bɔ ɛmɔnea AWURADE kyẽa ne ate ɔ! Nzikyɛ yeɛ kyẽa ne kɔyɔ kɔma ɛmɔ ɔ? AWURADE kyẽa ne, ɔte awosii, na ɔtte hyireinn.

Amose 5:20

Aso AWURADE kyẽa ne ɔngɔyɛ awosii? Aso ɔngɔyɛ awosii tuu bɔ hyireinn nne nu ɔ?

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Nahum 1:6

Nwa yeɛ ɔkɔhora kogyina ye ahonehulɛ ne nyunu ɔ? Nwa yeɛ ɔkɔhora kogyina ye yaa noa hyerɛhyerɛ ne noa ɔ? Ye yaafɛlɛ ne hwie gua kyɛ see, na ɔma nyɔbotaen mɔ nu dwudwa.

Malaki 3:2

Nakoso kyẽa bɔ ɔ́ba ne, nwa yeɛ ɔkɔhora kogyina ye noa ɔ? Ɔye ye nwo ali a, nwa yeɛ ɔkɔhora kogyina ye nyunu ɔ? “Ofikyɛ ɔte kyɛ sona bɔ ohuro buralɛ ɔ ye see ne, ɔne bɔ ɔkɔ atapoɛ ɔ ye saminaen;

Numeri 24:23

Na osa toale so kyɛ, “Aworabɔlɛ dwirɛ, sɛ Nyameɛ yɔ ɛhe a, nwa yeɛ okonya ye ti kodidi nu ɔ?

1 Tɛsalonikafoɛ 4:16

Ofikyɛ Awurade bɔbɔ kɔfa esebɔlɛ, abɔfo panyi komvi ne Nyameɛ totorobɛndo komvi kofi nyameɛso kodwu kɔwa, na Kristo nu awufoɛ bekoli moa bekodwɔso,

Nyekyire 18:8

Yiti ye hawo ne, ɔkɔwa ye so ɛlɛhomapɛ: ewue ne aworabɔlɛ ne ɛhɔen, na bɛkɔfa see bɛkɔyera ye motoo, ofikyɛ Awurade Nyameɛ bɔ obua ye ndɛen ne, ɔte anwoserɛniɛ.”

Nyekyire 6:17

ofikyɛ ye ahonehulɛ kyẽa piri ne adwu, na nwa yeɛ ɔkɔhora kogyina ye noa ɔ?”