Yoel 2:10 - AHYERƐLƐ KRONGRON

¹⁰ Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:10 Iomraidhean Croise

Edwein 114:7

Ao aseɛ, ma wɔ nwo wosowoso wɔ wɔ AWURADE nyunu, ma wɔ nwo wosowoso wɔ wɔ Yakob Nyameɛ nyunu,

Edwein 18:7

Yeɛ aseɛ pusuli, na ɔwosole; mmokaa mɔ nyinasoɛ ye bo kekane, na ɔwosole, ɔnate kyɛ ye ahone huli.

Yesaya 13:10

Ofikyɛ ewienu nzramaa ne nzramaa kure kure mɔ bɛngɔta, eyia pukye a, ɔkɔyɛ tunn, yeɛ ɛsraen koso ngɔta.

Yesaya 34:4

Anwuro abɔdeɛ amukoraa bekohuro, bɛkɔbobɔ ewienu kyɛ nwomaa, nu abɔdeɛ amukoraa bɛkɔporo bekogua, kyɛbɔ bobe nyaa poro gua ɔ, kyɛbɔ borɔdoma nyaa poro fi ye bakaa so gua ɔ.

Yesaya 5:30

Bekopo bɛ sɔ kyẽa ne, kyɛbɔ ɛpo yɛ wuruwuru ɔ. Na sɛ ɛto wɔ nye nea aseɛ a, awosii ne aworabɔlɛ yeɛ ekonwu ye ɔ, na munungum komundu hyireinn so maa ɔkɔyɛ tunn.

Yeremia 4:23

Ndole me nye nneane aseɛ so, na yieee, né ɔte sesakaa, bɔ nikye fee nne so ɔ; nneane ewienu, na né kanea nne berɛ.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:4

Ɛmɔ, Tiro ne Sidon ne Filistia mboanoa amukoraa, nzikyɛ dwirɛ yeɛ ɛmɔafa bali me e? Aso ɛmɔtua me nikyee bie so kerɛ anaa? Na sɛ ɛmɔtua me so kerɛ a, ye de ngɔma ɛmɔ yɔleɛ ne kɔbɔ ɛmɔ ti so ndɛndɛ so ne amirika so,

Amose 5:8

Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.

Nahum 1:5

Mmokaa nemɔ woso wɔ ye nyunu, na pambaa nemɔ behuro, aseɛ yera wɔ ye nyunu, amba, wiase ne bɔ ɔwɔ nu amukoraa.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Mateo 27:51

Na yieee, ɛtena bɔ ɔpɛ asɔneyɛɛ sua ne anu ne, nu suale nyɔ fili anwuro oodwuli ase; na aseɛ wosole, na nyɔbotaen mɔ nu dwudwale;

Asomafoɛ 2:20

Eyia kɔkakyi awosii, na ɛsraen kɔyɛ kyɛ mogya koraka ná Awurade animnyam kyẽa piri ne awa.

Nyekyire 20:11

Afei nwuni ahennie bia fufue pirikua bie ɔne bɔ ɔte so ne, bɔ aseɛ ne nyameɛso nwati fili ye nyunu ne; na bannya nekaa bamma bɛ.

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 9:2

Obukyele aseɛ bo dɔ kumaa kuronguronn ne noa, na nwosina bɔ ɔte kyɛ foonoo piri nu nwosina fili kumaa ne anu wale, na ɔnate nwosina ne ati, eyia ne ewienu yɛle kabii.