Yoel 2:1 - AHYERƐLƐ KRONGRON

¹ Ɛ́mɔhu totorobɛndo wɔ Sion, ɛ́mɔbɔ ese wɔ me bokaa krongron ne aso! Aseɛ ne aso ama amukoraa, odi kyɛ ɛmɔma ɛmɔ nwo wosowoso ɛmɔ, ofikyɛ AWURADE kyẽa ne ɔ́ba, na wapingye.

Yoel 2:1 Iomraidhean Croise

1 Aberɛso Dwirɛ 15:28

Yiti Yisrael mukoraa bele esebɔlɛ, awɛenhulɛ, totorobɛndohulɛ ne firikyiwabɔlɛ bɛɛfale AWURADE apam alaka ne bɛwale, na né bɛbɔ adengum ne sangoo bɛto dwein serɛserɛ paa.

Edwein 119:120

Ɔnate wɔ nwo suronyi ti, me nwonaen wosowoso me, na mesuro wɔ ndɛenbualɛ ne.

Edwein 87:1

AWURADE kuro bɔ wakyekye ne, ye fapem gyi bokaa krongron ne aso.

Ɛksadɔso 10:14

Mmɛbɛ nemɔ wale Misraim aseɛ so amu, na beyi bɛfale Misraim maen ne amu. Na kyɛbɔ besi bɛyɛle manyamanya nen, ebie ɔwwale le, yeɛ ebie koso ngɔwa le.

Yesaya 13:6

Ɛ́mɔbɔ awuye, ofikyɛ AWURADE kyẽa ne apingye; kyẽa ne kɔwa, bɔ Tuminiɛ ne kɔfa kohũhũ mmenia ɔ!

Yesaya 13:9

Tie, AWURADE kyẽa ne ɔ́ba, ɔ́ba ye atianuserɛ ne ahonehulɛ ne anyeborolɛ so, kyɛ ɔbaasɛkye aseɛ ye bɔkɔɔ, ná okũkũ so bɔnefoɛ fi so.

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yesaya 66:5

Ɛ́mɔtie AWURADE noa dwirɛ, ɛmɔ bɔ ɛmɔsuro ye ná ɛmɔdi ye dwirɛ so ɔ: “Ɛmɔ aliɛma mɔ bɔ bɛpɔ ɛmɔ, bɔ ɔnate me dumaa ti bapo ɛmɔ ne, bɛnwa: ‘Yɛsrɛ kyɛ AWURADE ɔla ye animnyam ne ali, maa ɔnate so yɛnwu ɛmɔ anigye ne!’ Nakoso bɛ yeɛ bɛ nyunu kogua aseɛ ɔ.

Yeremia 16:10

Na ɔkɔwa kyɛ, sɛ ɛkã sɔ dwirɛ ne amukoraa kyire maen ne, ná sɛ bebisa kyɛ, ‘Nzu ati yeɛ AWURADE wahã sɔ musue dwirɛ kandinga he wagua yɛ so ye? Yɛ amumuyɛɛ ole sɛɛ? Bɔne beni yeɛ yayɔ yatia AWURADE yɛ Nyameɛ ɔ?’ a,

Yeremia 16:7

Ebiala ngɔnea awufoɛ nemɔ anwo ngɔma ɛsɛenvoɛ nemɔ aleɛ maa bɛngɔfa bɛngɔkyekye bɛ wora, yeɛ ebiala ngɔnea bɛ se ne bɛ ni mɔ wue anwo ngɔma bɛ nzaa ma bɛngɔno bɛngɔkyekye bɛ wora.

Yeremia 4:5

Ɛ́mɔfa bɛ́to dwaa wɔ Yuda, ná ɛ́mɔbɔ ye dawure wɔ Yerusalem kyɛ, “Ɛ́mɔhu totorobɛndo bɛ́fa aseɛ ne aso; ɛ́mɔtea nu bɛhã kyɛ, ‘Ɛ́mɔboaboa ɛmɔ noa maa yɛhɔ nguro bɔ bato bɛ nwo fasue nemɔ aso!’

Yeremia 5:22

“Aso ɛmɔnzuro me? AWURADE noa dwirɛ ɛne. Aso ɛmɔ nwo nwosowoso ɛmɔ wɔ me nyunu? Me bɔ mvale anweaa ndole ɛwɛen mmane ɛpo, ɛwɛen bɔ otimu berɛ afebɔɔ bɔ ɔngora ye tra ɔ; ɔwɔ nu kyɛ asorɔkye bɔ, nakoso ɔngora mmɔ ndra ye; asorɔkye bu fa so, nakoso ɔngora mmu mva ɛwɛen ne aso.

Hesekiel 12:23

Yiti kã kyire bɛ kyɛ, ‘AWURADE Nyameɛ nwa: Ngɔma sɔ anyandera he bo kɔpɛ, na bengobu sɔ anyandera ne ko wɔ Yisrael.’ Na mmom kã kyire bɛ kyɛ, ‘Ngyẽa ne apingye, na nyekyire biala kɔwa nu.

Hesekiel 21:12

Sona awa, sũ ná bɔ awuye, ofikyɛ sɔ dwirɛ ne kɔto me maen; ɔkɔto Yisrael mbanyi amukoraa; mafa bɛ ne me maen mawura ngrandɛ sa, yiti fa wɔ sa gua w’ahone so di aworabɔlɛ.

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Hesekiel 33:3

ná sɛ onwu ngrandɛ ne kyɛ ɔba maen ne aso, ná ohu totorobɛndo fa bɔ maen ne kɔkɔ a;

Hesekiel 33:6

Nakoso sɛ wɛmvoɛ ne onwu ngrandɛ ne kyɛ ɔba, ná wanhu totorobɛndo ne wamva wammɔ maen ne kɔkɔ, ná ngrandɛ ne ba ɔbaku bɛ nu bie a, ye de sɔ sona ne, ye amumuyɛɛ nu yeɛ wawu ɔ; nakoso ye mogya de, wɛmvoɛ ne berɛ yeɛ ngobisa ngofi ɔ.

Hesekiel 7:10

Nea, kyẽa ne ɛhe! Nea kyɛ ɔ́ba ɔ! W’ayieleɛ ne adwu. Mbire ne afifi, yeɛ anwomasoɛ afefɛ.

Hesekiel 7:12

Mmerɛ ne adwu, kyẽa ne apingye; bɔ ɔtɔ nikyee ne, nnɛma ye nye gye, yeɛ bɔ ɔyɛ ye atɔen wora, nnɛma ye wora bɔ, ofikyɛ ahone ne ahu b’anwonya ne amukoraa so.

Daniel 6:26

Mahyɛ mmeraa kyɛ, m’ahennie maen bɔ medi so tumi ne amukoraa nu, odi kyɛ mmenia bɛma bɛ nwo wosowoso bɛ, ná besuro wɔ Daniel Nyameɛ ne nyunu, ofikyɛ ye yeɛ ɔte Nyameɛ teasefoɛ bɔ ɔwɔ berɛ afebɔɔ ɔ; ye ahennie ne, ɔngɔbɔ le, na ye tumi ne kɔtena berɛ afebɔɔ.

Daniel 9:16

O AWURADE, w’adaworoma, kyɛbɔ wɔ tenenee amukoraa te ne, gyina so ná yakyi ɛyaafɛlɛ ne w’ahone bɔ wahu wɔ wɔ kuro Yerusalem so, wɔ wɔ bokaa krongron ne aso ne. Na ɔnate yɛ bɔne ne yɛ nana mɔ b’amumuyɛɛ ti, Yerusalem ne wɔ maen bakakyi ngorohoɛ dwirɛ bama bɛ bɔ bapɛ yɛ nwo bayia ne amukoraa.

Daniel 9:20

Na me noa wɔ so bɔ medwudwo, bɔ mebɔ mbaeɛ, bɔ mekã me bɔne ne me maen Yisrael bɔne, bɔ mefa me sufrɛ meto AWURADE me Nyameɛ nyunu mema me Nyameɛ bokaa krongron ne nen,

Hosea 5:8

Ɛ́mɔhu awɛen wɔ Gibea, yeɛ ɛ́mɔhu totorobɛndo wɔ Rama. Ɛ́mɔbɔ dawure wɔ Bete Awen, yɛli wɔ si, ao Benyamin.

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Yoel 1:15

Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Yoel 2:11

AWURADE tea nu serɛserɛ wɔ ye koɛhonɛfoɛ nyunu, ofikyɛ ye lɔen ne te piri paa, na bɔ odi ye dwirɛ so ne, ye nwo yɛ se. Ofikyɛ AWURADE kyẽa ne te piri, ɔyɛ suro paa, na nwa yeɛ ɔkɔhora ye noa gyina ɔ?

Yoel 2:15

Ɛ́mɔhu totorobɛndo wɔ Sion, ɛ́mɔyɛ akɔngyere krongron, ɛ́mɔfrɛ nyianu krongron;

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:14

Ɛlɔen, ɛlɔen wɔ ndɛenbualɛ bɔnza ne anu; ofikyɛ AWURADE kyẽa ne apingye wɔ ndɛenbualɛ bɔnza ne anu.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Amose 3:6

Aso behu totorobɛndo wɔ kuro so, bɔ ɛserɛ nga berɛ ama ɔ? Aso amaneɛ to kuro, bɔ nna AWURADE yeɛ wamaa wawa ɔ?

Amose 5:18

Ɛmɔ yaakɔ, ɛmɔ bɔ ɛmɔnea AWURADE kyẽa ne ate ɔ! Nzikyɛ yeɛ kyẽa ne kɔyɔ kɔma ɛmɔ ɔ? AWURADE kyẽa ne, ɔte awosii, na ɔtte hyireinn.

Amose 8:2

Obisale me kyɛ, “Amose, bɔ enwu ye e, nzikyɛ ɛne?” Na mmuale kyɛ, “Borɔdoma bɔ waboro ɔ kɛndɛen ko.” Yeɛ AWURADE sele me kyɛ, “Me maen Yisrael, b’ayieleɛ ato bɛ. Mengobu me nye mengogua bɛ bɔne so ko.”

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Sefania 1:14

AWURADE kyẽa piri ne wapingye, wapingye, na ɔpe ndɛen paa; esuɛ bɔ bɛkɔte ye AWURADE kyẽa ne nen, ɔkɔyɛ aworabɔlɛ kyɛ! Katakyie mɔ kosũ hahii.

Sefania 1:16

totorobɛndohulɛ ne koɛ nu ndeateamuɛ kyẽa bɔ ɔ́ba nguro bɔ bato bɛ nwo fasue ɔne abandenden ndendenn mɔ so ɔ.

Sefania 1:7

Ɛ́mɔyɛ konn wɔ AWURADE Nyameɛ nyunu! Ofikyɛ AWURADE kyẽa ne wapingye, yoo, AWURADE asiesie afɔleɛ, na wate bɛ bɔ wato ye sa wafrɛ bɛ nemɔ anwo.

Sefania 3:11

“Sɔ mmerɛ ne, w’animguaseɛ yɔleɛ amukoraa bɔ ɛfa tole me mmeraa ne, ngɔye ngofi berɛ, na bɛ bɔ bedi anwomasoɛ nu ahurusi ne, ngotu bɛ bo ngofi wɔ nu, na ɛngɔyɛ ahandaen ko wɔ me bokaa krongron ne aso.

Sakaria 14:1

Tie, AWURADE kyẽa ne ɔ́ba, bɔ koɛ nu nzesadeɛ bɔ basesa ye wɔ wɔ nu ne, bɛkɔhyɛ ye wɔ wɔ nu ɔ.

Sakaria 8:3

AWURADE nwa nyoo: Ngosa ngɔwa Sion, na ngɔɔtena Yerusalem, na bɛkɔfrɛ Yerusalem kyɛ: Nahorɛ Kuro; yeɛ Asafo AWURADE bokaa ne koso kyɛ, Bokaa Krongron.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

Numeri 10:2

“Boro ɛdwetɛ fa yɔ totorobɛndo nyɔ bɔ ɛkɔfa kɔfrɛ maen ne maa bɛkɔbɔ dwaa, ná asa ahu amaa batu bɛ bo bafi asikyeleɛ ne anu ɔ.

Numeri 10:3

Sɛ behu bɛ munyɔ ne a, odi kyɛ maen ne amukoraa babɔ dwaa wɔ wɔ nyunu wɔ ɛtena sua atenaleɛ anoa nu berɛ.

1 Korintofoɛ 14:8

Na sɛ behu totorobɛndo ná nu anna berɛ yé a, nwa yeɛ okosiesie ye nwo kɔhɔ koɛ ɔ?

Filipifoɛ 2:12

Yiti mmiɛngo paa mɔ, kyɛbɔ ɛmɔyɛ sotie daa ne, nna kyɛ mmerɛ bɔ me ne ɛmɔ yɛwɔ berɛ ne angome, na mmom afei bɔ nne ɛmɔ berɛ ye de po, ɔtra so; ɛ́mɔfa esuronyi ne anwowosowolɛ béli ɛmɔ bɔbɔ ɛmɔ ngoalelɛ nwo dwumaa ma oli mu,

1 Tɛsalonikafoɛ 5:2

Ofikyɛ ɛmɔ bɔbɔ ɛmɔse ye pefee kyɛ Awurade kyẽa ne kɔwa kyɛbɔ awueniɛ ba kɔngɔen ɔ.

Yakobo 5:8

Na ɛmɔ koso, ɔsɛ kyɛ ɛmɔnya aboterɛ, ɛ́mɔmia ɛmɔ nye, ofikyɛ Awurade walɛ ne apingye.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

Nyekyire 6:17

ofikyɛ ye ahonehulɛ kyẽa piri ne adwu, na nwa yeɛ ɔkɔhora kogyina ye noa ɔ?”