Yoel 1:8 - AHYERƐLƐ KRONGRON

⁸ Bɔ awuye kyɛ ababunu bɔ wahera ɛsɛen tena, bɔ odi ye ndaluwa nu biaa nwo kuna ɔ.

Yoel 1:8 Iomraidhean Croise

Anyandera 2:17

Ye bɔ wapo ye ndaluwa nu biaa, ná wama ye wora afi ye Nyameɛ apam ne ɔ.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yesaya 32:11

Ɛmɔ, mmrasua bɔ ɛmɔ so anu atɔ ɛmɔ ɔ, ɛ́mɔma ɛmɔ nwo wosowoso ɛmɔ, ɛmɔ, mmrasua bɔ ɛmɔ nwo atɔ ɛmɔ ɔ, ɛ́mɔma ɛmɔ kunu tete ɛmɔ, ɛ́mɔdwa ɛmɔ tena bégua bɛ́ma ɛmɔ nwo la so, ná ɛmɔfa ɛsɛen tena bɛ́pɛ ɛmɔ bo.

Yeremia 3:4

Aso anzu amvrɛ me kekesaala ye kyɛ’, ‘Me baba, ɛte me ndaluwa nu abiɛngoɛ,

Awuye 1:4

Sion atimbire nemɔ bedi aworabɔlɛ, ofikyɛ sona biala mma aluolue nemɔ abo, ye pambim amukoraa bɛlela berɛ too, ye asɔfo mɔ bedi yealɛ, ye mmabunu mɔ bayɛ anwumvoin anwumvoin, na ye bɔbɔ wora onwu amaneɛ paa.

Amose 8:10

Ngɔkakyi ɛmɔ poentolɛ nemɔ aworabɔlɛlilɛ, yeɛ ɛmɔ dwein amukoraa awuyebɔlɛ; ngɔma ebiala kɔhera ɛsɛen tena, ná mama ebiala abɔ tikwa. Ngɔmaa ɔkɔyɛ kyɛ bahorɛ wue nwo aworabɔlɛlilɛ, ayieleɛ ne kɔyɛ kyɛ aworabɔlɛ kyẽa.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

Yakobo 5:1

Afei ɛmɔ, esikafoɛ, ɔnate amaneɛ bɔ ɔ́ba ɛmɔ so ne ati, ɛ́mɔsu ná ɛ́mɔbɔ awuye!