Yoel 1:7 - AHYERƐLƐ KRONGRON

⁷ Wasɛkye me bobe ne pasaa, wapomba me borɔdoma mmaen nemɔ: wawɔngyewɔngye ye si boen ne wagua; ye maen nemɔ nwo ayɛ hoyaa.

Yoel 1:7 Iomraidhean Croise

Edwein 105:33

Ɔsɛkyele bɛ bobe ne bɛ borɔdoma mmakaa, na obubuli bɛ maen ne anu mmakaa.

Ɛksadɔso 10:14

Mmɛbɛ nemɔ wale Misraim aseɛ so amu, na beyi bɛfale Misraim maen ne amu. Na kyɛbɔ besi bɛyɛle manyamanya nen, ebie ɔwwale le, yeɛ ebie koso ngɔwa le.

Ɛksadɔso 10:15

Beyili bɛfale aseɛ ne aso amukoraa mane aseɛ ne aso yɛle tunn. Na aseɛ ne aso nyaa mukoraa ne mmakaammaa mukoraa bɔ asukɔtwea akungumaboɔ ne anzɛkye bɛ ne, belili. Nikyee monɛ ko po anga wɔ eburo mmakaa ne ndire mɔ so, wɔ Misraim aseɛ so amukoraa.

Yesaya 24:7

Ndungum bɔ awuye, bobe ayɛ bosaa, na bɛ bɔ né bɛgye bɛ nye ne amukoraa, bɛ wora abɔ.

Yesaya 32:12

Ɛ́mɔfa ɛmɔ sa bégua ɛmɔ ahone so beli ɛhemɔ anwo aworabɔlɛ: ɛmɔ boo nyemenenyemene ne,, ɛmɔ bobe bɔ osu dɔsɔɔ ne,

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 8:13

Ngonua bɛ boso amba, AWURADE noa dwirɛ ɛne. Bengonwu bobe mmaa wɔ bobe bakaa so, yeɛ bengonwu borɔdoma wɔ borɔdoma bakaa so. Bɛ nyaa mɔ po kɔkese, na bɔ mva mane bɛ ne, okofi bɛ sa.

Hosea 2:12

Ngɔsɛkye ye bobe ne ye borɔdoma mmakaa nemɔ, bɔ wahã wafa bɛ nwo kyɛ, ‘M’akatuaa bɔ me kurofoɛ mɔ bafa bama me ne, ye ɛhe’ ne; ngɔkakyi bɛ ɛhɔayeɛ, na eburo ngaka koli.

Yoel 1:12

Bobe ne akese, borɔdoma bakaa ne atwindwam, yeɛ akengaa, ayee ne aprɛ bakaa nemɔ koso sɔ ala; eburo mmakaa amukoraa bakese; ofikyɛ anigye atu amini afi adasa mmaa mɔ nu.

Amose 4:9

“Mafa fieso nningyein kesenɛ ne asukuo nwo amaneɛ mato ɛmɔ so. Mmerɛ bɔ ɛmɔ turo mɔ, ɛmɔ bobe boo mɔ, ɛmɔ borɔdoma mmakaa ne ɛmɔ olive mmakaa yɛle pee ne, mmɛbɛ sɛkyele bɛ, nakoso ɛmɔanza bamma me berɛ,” AWURADE noa dwirɛ ɛne.

Habakuku 3:17

Ɔwɔ nu kyɛ borɔdoma mmɔ nyerɛen, bobe nemɔ benzu mmaa, olive sulɛ wali ngasi, eboo mɔ bɛngye aleɛ, mmoaen nemɔ bɛ boso ayera wɔ tuin ne anu, yeɛ nandwie biala nne tuin nemɔ anu,

Malaki 3:11

Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.