Yoel 1:15 - AHYERƐLƐ KRONGRON

¹⁵ Eh, sɔ kyẽa ne! Ofikyɛ AWURADE kyẽa ne wapingye, na ɔkɔwa kyɛ ɛsɛkyelɛ bɔ ofi Tuminiɛ ne berɛ ɔ.

Yoel 1:15 Iomraidhean Croise

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Yeremia 30:7

Edwirɛ awa oo! Ofikyɛ sɔ kyẽa ne, ɔte kyẽa piri, bɔ kyẽa biala nne berɛ bɔ ɔte kyɛ ye ɔ. Ɔte aworabɔlɛ mmerɛ ma Yakob, nakoso okonya ye ti kodidi nu kofi nu.

Yeremia 46:10

Sɔ kyẽa ne te AWURADE Asafo Nyameɛ ye kyẽa, ɔte wereɛtɔlɛ kyẽa bɔ ɔkɔtɔ ye pɔfoɛ mɔ so wereɛ ɔ. Ngrandɛ ne kohũhũ kɔma ye ko koyi, ná wano bɛ mogya wabo. Ofikyɛ AWURADE Asafo Nyameɛ asiesie afɔleɛ wɔ sorɔ dɔ maen ne anu, wɔ asue Yufreti noa.

Hesekiel 30:3

Ofikyɛ kyẽa ne apingye, AWURADE kyẽa ne apingye, ɔkɔyɛ munungum kyẽa, ɔkɔyɛ maen maen mɔ b’amaneɛnwunɛ mmerɛ.

Yoel 2:11

AWURADE tea nu serɛserɛ wɔ ye koɛhonɛfoɛ nyunu, ofikyɛ ye lɔen ne te piri paa, na bɔ odi ye dwirɛ so ne, ye nwo yɛ se. Ofikyɛ AWURADE kyẽa ne te piri, ɔyɛ suro paa, na nwa yeɛ ɔkɔhora ye noa gyina ɔ?

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:14

Ɛlɔen, ɛlɔen wɔ ndɛenbualɛ bɔnza ne anu; ofikyɛ AWURADE kyẽa ne apingye wɔ ndɛenbualɛ bɔnza ne anu.

Obadia 1:15

Ofikyɛ AWURADE kyẽa ne wapingye wɔ maen maen amukoraa bɛ so. Kyɛbɔ ayɔ ne, sɔ ala yeɛ bɛkɔfa bɛkɔyɔ wɔ ɔ; wɔ yɔleɛ kɔbɔ wɔ bɔbɔ wɔ ti so.

Sefania 1:7

Ɛ́mɔyɛ konn wɔ AWURADE Nyameɛ nyunu! Ofikyɛ AWURADE kyẽa ne wapingye, yoo, AWURADE asiesie afɔleɛ, na wate bɛ bɔ wato ye sa wafrɛ bɛ nemɔ anwo.

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.

Nyekyire 6:17

ofikyɛ ye ahonehulɛ kyẽa piri ne adwu, na nwa yeɛ ɔkɔhora kogyina ye noa ɔ?”