Yoel 1:13 - AHYERƐLƐ KRONGRON

¹³ Ɛmɔ, asɔfo mɔ, ɛ́mɔhera ɛsɛen tena ná ɛ́mɔbɔ awuye; ɛmɔ, afɔleɛ bokyea nwo somvoɛ mɔ, ɛ́mɔsu. Ɛmɔ, me Nyameɛ somvoɛ mɔ, ɛmɔbra nu, ɛ́mɔhera ɛsɛen tena kɔngɔen ne amukoraa, ofikyɛ bayakyi aleɛ afɔleɛ ne anonneɛ afɔleɛ bɔlɛ wɔ ɛmɔ Nyameɛ awuro.

Yoel 1:13 Iomraidhean Croise

2 Samuel 12:16

Dawide srɛle AWURADE kyɛ ɔma akwadaa ne nya ngoa; Dawide yɔle akɔngyere, na ɔhɔle sua nu ɔɔlale aseɛnwo berɛ kɔngɔen ne amukoraa.

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

Yesaya 22:12

Sɔ kyẽa ne, Asafo AWURADE Nyameɛ frɛfrɛle mmenia kyɛ besu bɛbɔ awuye, kyɛ bɛbɔ tikwa ná bɛhera ɛsɛen tena.

Yesaya 61:6

nakoso ɛmɔ de, bɛkɔfrɛ ɛmɔ AWURADE asɔfo, mmenia kɔhã kyɛ ɛmɔte yɛ Nyameɛ somvoɛ mɔ; ɛmɔkoli maen maen mɔ b’anwonya, na ɛmɔkɔfa b’anwonya nningyein ne bɛkɔhoahoa ɛmɔ nwo.

Yeremia 4:8

Ɔnate ɛhe ati, ɛ́mɔhera ɛsɛen tena, ɛ́mɔbɔ awuye ná ɛmɔsu: ofikyɛ AWURADE yaa kandinga bɔ wafɛ ye yɛ so ne, ye ahone ɔttɔle nzue nu.”

Yeremia 9:10

Mmokaa nemɔ ati, ngosu ngɔbɔ abubue, yeɛ ɛserɛ so nekaa bɔ ngaka didi ne ati, ngɔbɔ awuye, ofikyɛ bayera bɛ bɔ ebiala ngora mbɛ nu berɛ ɔ, na bɛnde nyɛmmoa suɛ; ewienu nnomaa yeɛ eburo ngaka koso, banwati bahɔ.

Hesekiel 21:12

Sona awa, sũ ná bɔ awuye, ofikyɛ sɔ dwirɛ ne kɔto me maen; ɔkɔto Yisrael mbanyi amukoraa; mafa bɛ ne me maen mawura ngrandɛ sa, yiti fa wɔ sa gua w’ahone so di aworabɔlɛ.

Hesekiel 27:31

Ɔnate wɔ ti bɛbɔ tikwa, na bɛkera ɛsɛen tena, na bɛbɔ awuye bedi aworabɔlɛ besu wɔ hahii.

Hesekiel 7:18

Bɛkɔhera ɛsɛen tena, na ahunundetelɛ kɔtɔ bɛ so. Bɛ mukoraa bɛ nyunu kogua ase, na bɛ mukoraa bɛ ti so kɔpa.

Hosea 9:5

Aluolue kyẽa bɔ bahyehyɛ bato berɛ ne, AWURADE poentolɛ kyẽa ne dwu a, nzikyɛ yeɛ ɛmɔkɔyɔ ɔ?

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Yoel 2:17

Asɔfo nemɔ, bɔ bɛ yeɛ bɛte AWURADE somvoɛ mɔ ne, odi kyɛ besu wɔ abrannaa ne, ɔne afɔleɛ bokyea ne b’afia, ná bɛkã kyɛ, “Ao AWURADE, nwu wɔ maen anwumvoin, nnɛma w’agyapadeɛ yɛ nikyee bɔ bebu ye animtia, maen maen mɔ noa nu ngorohoɛ dwirɛ. Nzu ati yeɛ bɛkekã ye wɔ maen maen mɔ nu kyɛ, ‘Bɛ Nyameɛ ne, ɔwɔ nisua?’ ɔ.”

Numeri 28:14

B’anonneɛ afɔleɛ nemɔ, odi kyɛ bɛfa bobe nzaa towaa nza ne bue bɛboka nandwie nyii ko biala so, ná bɛfa bobe nzaa towaa nyɔ bɛboka boaen nyii ko biala so, ná bɛfa bobe nzaa towaa ko ne bue bɛboka boaen akrɔngrɔma ko biala so. Ɛhe te bosome bosome naen yeralɛ afɔleɛ bɔ bɛbɔ ye afoɛ biala nu ɔ.

Numeri 28:4

Fa boaen nyii ko bɔ afɔleɛ ngyerɛmɔ ná fa ko ne koso bɔ afɔleɛ nɔsoa.

Numeri 28:7

Odi kyɛ boaen akrɔngrɔma ko biala bɛfa anonneɛ afɔleɛ towaa ko ne bue bɛboka so. Odi kyɛ ehwie nzaa serɛ fa bɔ anonneɛ afɔleɛ ma AWURADE wɔ nekaa krongron berɛ.

Numeri 29:6

Naen yeralɛ afɔleɛ bɔ ɛsraen fi a bɛbɔ ne, ɔne ye nwo aburoo afɔleɛ ne, yeɛ daa biala naen yeralɛ afɔleɛ ne ɔne ye nwo aburoo afɔleɛ ne, yeɛ bɛ nwo anonneɛ afɔleɛ nemɔ, odi kyɛ ɛmɔfa sɔ afɔleɛ nemɔ bɛboka so, kyɛbɔ bɛ nwo nhyehyɛleɛ te ɔ. Ɔte afɔleɛ bɔ bɛbɔ ye see so bɛma AWURADE bɔ ɔbo ye fona ɔ.

1 Korintofoɛ 4:1

Odi kyɛ ebiala bu yɛ kyɛ yɛte Kristo asomvoɛ ne Nyameɛ mvealeɛ nu dwirɛ so neafoɛ.

1 Korintofoɛ 9:13

Aso ɛmɔnze, kyɛ bɛ bɔ bɛyɔ nningyein krongron nemɔ nwo adwuma ne, benya bɛ noa aleɛ befi asɔneyɛɛ sua ne anu ɔ? Yeɛ bɛ bɔ bɛso wɔ afɔleɛ bokyea ne anwo ne, benya afɔleɛbɔlɛ nningyein ne bie ɔ?

2 Korintofoɛ 11:23

Bɛte Kristo asomvoɛ anaa? Medwudwo kyɛ ebiaa nnne adwene de oo, metra bɛ: mayɔ adwuma serɛ matra bɛ, mala kuku nu somaa matra bɛ, babo me pee batra bɛ, yeɛ ewue ato afo me pee atra bɛ.

2 Korintofoɛ 3:6

Ye yeɛ wamaa yafata kyɛ yɛyɛ apam foforɛ ne nwo asomvoɛ ɔ, nna mmeraa bɔ bahyerɛ ɔ nu, na mmom Sunzum nu, ofikyɛ bɔ bahyerɛ ne ma ewue, nakoso Sunzum ne de ɔma ngoa.

2 Korintofoɛ 6:4

Na mmom yɛye yɛ nwo ali yekyire kyɛ yɛte Nyameɛ asomvoɛ wɔ atee biala so: wɔ aboterɛ pee nu, amaneɛ nu, anwokyere nu, ateetee nu;

Nyekyire 11:3

Na ngɔma m’adanzefoɛ nyɔ bɛkɔhera ɛsɛen tena bɛkɔhyɛ ngɔm ngyẽa apee ko ɛyaa nyɔ ne aburasia.”