Yoel 1:12 - AHYERƐLƐ KRONGRON

¹² Bobe ne akese, borɔdoma bakaa ne atwindwam, yeɛ akengaa, ayee ne aprɛ bakaa nemɔ koso sɔ ala; eburo mmakaa amukoraa bakese; ofikyɛ anigye atu amini afi adasa mmaa mɔ nu.

Yoel 1:12 Iomraidhean Croise

Edwein 4:7

Afa anigye awura m’ahone nu atra mmerɛ bɔ b’aburoo ne bɛ nzaa sonene pee ne.

Edwein 92:12

Teneneefoɛ befifi kama kyɛ ayee, na benyi kyɛ sida bɔ ɔwɔ Lebanon ɔ.

Edwein Nu Dwein 2:3

Kyɛbɔ aprɛ te wɔ eburo mmakaa mɔ nu ne, sɔ ala yeɛ me kurofoɛ ne ɔte wɔ mmerandeɛ mɔ nu ɔ. Ndenane ye bo fɔnwoo ne anu wɔ anika nu, na ye mma ne, wabie wagua me gye abo.

Edwein Nu Dwein 4:13

Wɔ mmaen nemɔ, bɛte turo bɔ akengaa wɔ nu, bɔ mmakaammaa paa wɔ nu ɔ, kandanguru ne mmakaa fonafona,

Yesaya 16:10

Baye anika ne anigye bafi eboo bɔ aleɛ wɔ nu ne anu, yeɛ bobe boo nemɔ anu koso, bɛndo anigye dwein wɔ nu ko, bɛmmɔ ese wɔ nu ko, kumaa bɔ betwi nzaa wɔ nu ne, bendwi nzaa berɛ ko, mmakaammaa telɛ nwo esebɔlɛ ne, mama ye bo apɛ.

Yesaya 24:11

Mmenia teatea nu bɛpena nzaa wɔ mmorɔnoɛ nemɔ aso, anigye amukoraa bo apɛ, yeɛ aseɛ so anika atu amini.

Yesaya 24:7

Ndungum bɔ awuye, bobe ayɛ bosaa, na bɛ bɔ né bɛgye bɛ nye ne amukoraa, bɛ wora abɔ.

Yesaya 9:3

Ama maen ne anu mmenia bata bayɛ pee, amaa banya anika piri, benya ahurusi wɔ wɔ nyunu kyɛbɔ mmenia nya anigye wɔ fieso aleɛ falɛ nu ɔ, kyɛbɔ mmenia di ahurusi wɔ koɛ nu nzesadeɛ hyɛlɛ nu ɔ.

Yeremia 48:3

Tie, komviɛ bie tea nu fi Horonaim kyɛ, ‘Ɛsɛkyelɛ ne kurobɔlɛ piri!’

Yeremia 48:33

Baye anika ne anigye bafi aseɛ bɔ ɔkye aleɛ ne aso, ɔne Moabo aseɛ so, na mama nzaa bo apɛ wɔ nekaa bɔ betwi nzaa nemɔ. Ebiala ngohwi nzaa ngɔbɔ ese, na bɛ ndeateamuɛ ne ngɔyɛ esebɔlɛ.

Yoel 1:10

Eboo mɔ asɛkye, aseɛ di aworabɔlɛ, ofikyɛ fieso nningyein asɛkye, nzaa foforɛ bo apɛ, yeɛ ngoo so ate.

Yoel 1:16

Aso aleɛ omminini bɔ yɛ nye tua ɔ, aso anigye ne ahurusi omminini offili yɛ Nyameɛ awuro anaa?

Yona 4:7

Nakoso aleɛ hyene bɔ eyia opukye ne, Nyameɛ siesiele anyinaboa bie maa olili ngomvo bakaa ne maa bakaa ne wuli.

Hagae 2:19

Aso aburoo ne bie waha wɔ pata so? Bobe ne borɔdoma ne akengaa ne olive mmakaa nemɔ, benzu mmaa. Ofi ɛnɛ bɔ ɔkɔ ɔ, ngoyira ɛmɔ.”

Malaki 3:11

Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.

Numeri 13:23

Beedwuli Ɛseko bɔnza ne anu, bɛpɛle bobe mmaen ko bɔ wasu betire biribiraa ko ɔ wɔ berɛ, na bɛ nu nyɔ fa tole mbuna so bɛsoale. Afei koso bɛtetele akengaa ne borɔdoma bɛbokale so bɛwale.