Yoel 1:11 - AHYERƐLƐ KRONGRON

¹¹ Ɛmɔ, akuafoɛ, ɛ́mɔma ɔyɛ ɛmɔ fɛre, ɛmɔ, bobe boo so neafoɛ, ayuo ne atokoɔ ti odi kyɛ ɛmɔbɔ awuye, ofikyɛ fieso aleɛ mɔ asɛkye.

Yoel 1:11 Iomraidhean Croise

Yesaya 17:11

ɔwɔ nu kyɛ ɛmaa befifi kyẽa bɔ edua ne ala de, ɛmaa bɛbɔ nyerɛen ngyerɛmɔ ne ala bɔ edua ne de, nakoso aworabɔlɛ ne anwonyerɛ koangɔ kyẽa ne, ye mmaa bɔ wasu ne kotu komini.

Yeremia 14:2

Yuda di aworabɔlɛ, ye pambim mɔ ayɛ hodwoo; bɛlela ase aworabɔlɛ nu, na Yerusalem sufrɛ afo ahɔ anwuro.

Yeremia 50:16

Kuaniɛ ne, ɔne bɔ otira dadeɛ koateɛ wɔ mmakaammaa telɛ mmerɛ ne, ɛ́mɔnua bɛ boso béfi Babilɔn. Na ɔnate nhyɛsoɛ ngrandɛ ne anwo suronyi ti, ebiala kosa kɔhɔ ye maen nu, na ebiala kɔnwati kɔhɔ ye bɔbɔ ye aseɛ so.

Yeremia 9:12

“Nwa yeɛ ɔte nworɛniɛ bɔ ɔkɔte ɛhe abo ɔ? Na nwa yeɛ AWURADE noa wadwudwo wahyire ye bɔ odi kyɛ ɔbɔ ye dawure ɔ? Nzu ati yeɛ aseɛ ne ayɛ pralaa kyɛ ɛserɛ so, maa ɔnate so ebiala mva so ye?

Hesekiel 30:2

“Sona awa, hyɛ ngɔm ná se kyɛ, AWURADE Nyameɛ nwa nyoo: “Ɛ́mɔbɔ awuye! Ah, ɛ́mɔbɔ kyẽa ne nwo awuye!

Amose 5:16

Yiti AWURADE, Asafo Nyameɛ, AWURADE, ɔnwa, “Bɛkɔbɔ awuye wɔ dwaa nemɔ amukoraa so, yeɛ bɛkɔkekã ye wɔ atimbire nemɔ amukoraa so kyɛ, ‘Ayaa! Ayaa!’ Na bɛkɔfrɛ kuafoɛ maa bekoosu, ɔne bɛ bɔ bɛse sũ ɔ maa bɛkɔɔbɔ awuye.

Romanfoɛ 5:5

Na anyelasoɛ nni ngasi, ofikyɛ Nyameɛ nate ye Sunzum Krongron bɔ ɔfa mane yɛ ne aso wafa ye ɔdɔ somaa ne wawura yɛ ahone nu.