Yesaya 4:3 - AHYERƐLƐ KRONGRON

³ Na ɔkɔwa kyɛ, bɛ bɔ bayakyi bɛ berɛ wɔ Sion bɔ baha Yerusalem ne, ebiala bɔ baha ye baboka ateasefoɛ so wɔ Yerusalem ne, bɛkɔfrɛ ye krongron,

Yesaya 4:3 Iomraidhean Croise

Edwein 69:28

Kyikyi bɛ dumaa fi ateasefoɛ nwomaa ne anu; nnɛmaa bɛka bɛ bɛfra teneneefoɛ.

Edwein 87:6

AWURADE hyerɛle tole berɛ mmerɛ bɔ né ɔkyerɛkyerɛ maen maen mɔ dumaa ne kyɛ, “Ɛhe, bɛwole ye wɔ berɛ.” Sela

Yesaya 1:27

Ɔnate ndɛenbualɛ turoloo so ngole Sion, yeɛ ɔnate pɛpɛɛpɛyɛlɛ so ngole nu mmenia bɔ basakyera b’adwene ɔ.

Yesaya 28:5

Sɔ kyẽa ne, Asafo AWURADE kɔyɛ animnyam abotire ne ahemvo kyerɛ nyemenenyemene kɔma ye mmenia bɔ baha ne.

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Yesaya 46:3

“O Yakob awuro ama, yeɛ Yisrael awuro ama bɔ baha ne amukoraa, bɔ madodo ɛmɔ ofite ɛmɔ aworɛ nu, bɔ magyi ɛmɔ fi bɛ kunu ɔ, ɛ́mɔyɛ asoɛ bétie me!

Yesaya 52:1

O Sion, kanyane wɔ nwo, kanyane wɔ nwo! kyire w’anwoserɛ e! O Yerusalem, kuro krongron, fa w’animnyam tena ne kera, ofikyɛ, ofi ɛnɛ bɔ ɔkɔ ɔ, bɛmbɛ-bɛ-bienzuafoɛ ne bɛ bɔ bɛ nwo nde ne, bengowura wɔ nu ko.

Yesaya 6:13

Na sɛ ɔka buru nu ngyɛmuɛ ko wɔ nu po a, bekosa bekowuwu, kyɛ esaa anaa eluii bɔ babu ye bato, bɔ ye dosii tɛ gyi berɛ ɔ.” Bɛ bosofoɛ krongron ne ole dosii ne.

Yesaya 60:21

Wɔ mmenia ne amukoraa bɛkɔyɛ teneneefoɛ, bɛkɔfa aseɛ ne bɛkɔyɛ bɛ deɛ afebɔɔ, bɛte bakaa bɔ malua bɔ wafefɛ ɔ, me sa noa adwuma bɔ ɔhyɛ me animnyam ɔ.

Yesaya 62:12

Na bɛkɔfrɛ bɛ: Maen krongron, Mmenia bɔ AWURADE apɔ bɛ wale bɛ ɔ, na wɔ de, bɛkɔfrɛ wɔ: Bɔ baapena ye si atee banwu ye ɔ, Kuro bɔ bambo ye ɔ.

Hesekiel 13:9

Me tumi kɔho kotia ngɔmhyɛlɛfoɛ bɔ bɛbɔ bɛ sɔ nu benwu nyekyire, ná bɛhyɛ ngondombo ngɔm ɔ. Bɛngɔboka me maen badwa ne aso, bɛngɔha bɛ ngɔfra Yisrael awuro ama so, yeɛ bɛ gya baa ngotia Yisrael aseɛ so, amaa ɔnate so ɛmɔanwu kyɛ me ole AWURADE Nyameɛ.

Hesekiel 43:12

Awuro ne, ye nwo mmeraa ɛhe: Bokaa ne ti afia, ɔne ye nwo wɛen bɔ ɔpɛ ye nwo wabra wayia amukoraa te krongron nu krongron. Tie, awuro ne nwo mmeraa ɛne.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Obadia 1:17

Nakoso Sion bokaa so yeɛ bɛ bɔ banya bɛ ti badidi nu ne bɛkɔtena ɔ; berɛ kɔyɛ krongron, na Yakob boso ama bɛ sa kɔhã b’agyapadeɛ.

Sakaria 14:2

Ofikyɛ ngɔboaboa maen maen mukoraa bɛ noa maa bɛkɔfa koɛ bɛkɔteta Yerusalem, bɛkɔho bɛkɔfa kuro ne, bɛkɔfẽ awuro nemɔ anu nningyein, ná bato mmrasua nemɔ mmɔnaa. Kuro ne anu ama ne, bɛkɔhye nu bue nnure bɛkɔhɔ, nakoso maen ne ngaa de, bengohu bɛ ngofi kuro ne anu.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Luka 10:20

Nakoso nnɛma ɛmɔdi ahurusi wɔ ɛhe anwo, kyɛ sunzum mɔ bɛbrɛ bɛ nwo ase bɛma ɛmɔ ɔ; na mmom ɛmɔli ahurusi kyɛ bahyerɛ ɛmɔ dumaa wɔ nyameɛso ɔ!”

Asomafoɛ 13:48

Na mmerɛ bɔ Amaenmaensofoɛ nemɔ bɛtele sɔ dwirɛ nen, ɔyɛle bɛ fɛ, na bɛhyɛle Awurade dwirɛ ne animnyam. Na bɛ bɔ baneanea nu baye bɛ kyɛ benya daa ngoa ne, bele belili.

Romanfoɛ 11:4

Na Nyameɛ buale ye sɛ? “Mafa mmenia apee nzoo masie bɔ bɛte me deɛ ɔ, bɔ bɛkkoto bɛssɔnene bosoen Baal le ɔ.”

Romanfoɛ 11:5

Sɔ ala yeɛ kekesaala ye Nyameɛ nate ye adom so wasa nu waye bɛ ngaa ne ɔ.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Filipifoɛ 4:3

Yeɛ mesrɛ wɔ koso, mmiɛngo konnuasoalɛniɛ nohorɛniɛ, kyɛ boka mmrasua hemɔ, ofikyɛ bɛbokale me so yeɛ yɛyɔle nzɛmba ne nwo adwuma ɔ, bɛne Klɛmente ne mmiɛngo adwumayɔlɛfoɛ ngaa nemɔ bɔ bahyerɛ bɛ dumaa wɔ ngoa nwomaa ne anu ne.

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

1 Petro 2:9

Nakoso ɛmɔ de, ɛmɔte mmenia bɔ baneanea nu baye ɛmɔ ɔ, nnehyeɛ asɔfokure, maen krongron, maen bɔ wafa ye wayɛ ye deɛ ɔ, kyɛ ɛmɔɔbɔ bɔ ɔfrɛle ɛmɔ fili awosii nu wale ye kanea bɔ ɔyɛ nwanwa ne anu ne, ye ayɛyelɛ ne dawure.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 20:15

Na ebiala bɔ bannwu kyɛ bahyerɛ ye dumaa wɔ ngoa nwomaa ne anu ne, begyili ye bɛtole see abura ne anu.

Nyekyire 21:27

Nakoso nikyee biala bɔ ye nwo nde, yeɛ bɔ ɔbɔ akyiwadeɛ bra, anaa bɔ ɔpɛ ngondombo ɔ de, ongowura nu; sana bɛ bɔ bahyerɛ bɛ dumaa wɔ Boaen Ba ne ngoa nwomaa ne anu angome.

Nyekyire 3:5

Na bɔ odi ngonim ne, bɛkɔfa ataadeɛ fufue sɔ bekowura ye, na mengokyikyi ye dumaa mengofi ngoa nwomaa ne anu; na mmom ngɔbɔ ye dumaa wɔ me Baba ne ye abɔfo mɔ nyunu.