Yesaya 26:3 - AHYERƐLƐ KRONGRON

³ Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yesaya 26:3 Iomraidhean Croise

1 Aberɛso Dwirɛ 5:20

Nyameɛ bokale Rubenfoɛ, Gadefoɛ yeɛ Manase abusua kure ne bue maa belili Hagritefoɛ ne bɛ bɔ bɛboka bɛ so ne amukoraa so ngonim, ofikyɛ besu bɛfrɛle Nyameɛ wɔ koɛ ne anu. Nyameɛ tiele bɛ mbaeɛ, ofikyɛ bɛfale bɛ nwo bɛtole ye so.

2 Aberɛso Dwirɛ 13:18

Yiti Yisraelfoɛ belili ngoguo sɔ mmerɛ ne, na Yudafoɛ lili ngonim, ofikyɛ Yudafoɛ fale bɛ nwo bɛtole AWURADE bɛ nana mɔ Nyameɛ ne aso.

2 Aberɛso Dwirɛ 16:8

Yitiopia ne Libia koɛhonɛfoɛ nemɔ, aso né bɛnzone pee? Bɛ teaseɛnam mɔ ne bɛ pɔngɔhanɛfoɛ mɔ, aso né bɛnzone pee? Nakoso ɔnate kyɛ ɛfale wɔ nwo tole AWURADE so ne ati, ɔfale bɛ wurale wɔ sa.

Edwein 119:165

Bɛ bɔ bɛ nye gye wɔ mmeraa nwo ne, benya asomdwee kandinga; hwee ngɔtoatoa bɛ gya nu.

Edwein 125:1

Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

Edwein 9:10

Na bɛ bɔ bɛse wɔ dumaa ne, bɛfa bɛ wora bewura wɔ nu, ofikyɛ wɔ, ao AWURADE, bɛ bɔ bɛpena wɔ si atee ne, anye wɔ sa amvi bɛ bo.

Yesaya 12:2

Amba, Nyameɛ te me ngoalelɛ, ngɔfa me wora ngowura ye nu, na mengosuro, ofikyɛ AWURADE Nyameɛ te m’anwoserɛ ne me dwein, na wayɛ me ngoalelɛ.”

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yesaya 27:5

Sana bɛbabɔ bɛ nwo adwaa wɔ me berɛ maa ɔnate so bɛ ne me tena asomdwee nu, maa bɛ ne me tena asomdwee nu.

Yesaya 31:1

Bɛ yaakɔ, bɛ bɔ bɛkɔ Misraim bɛkɔpena mmokalɛ, bɔ bɛfa bɛ nye bɛto mbɔngɔ so, bɔ ɔnate teaseɛnam mɔ bɛ somaa ti bɛfa bɛ wora bewura bɛ nu, bɔ ɔnate pɔngɔhanɛfoɛ mɔ b’anwoserɛ ti bɛfa bɛ wora bewura bɛ nu, nakoso bɛmva bɛ nwo bɛndo Yisrael Krongronniɛ ne so ɔ, anaakyɛ bɛmbena AWURADE si atee ɔ.

Yesaya 32:17

Ɔnate tenenee so asomdwee kɔwa, na tenenee kɔfa bɛ soanutɔlɛ ne bɛ nwo waenbɔlɛ kɔwa afebɔɔ.

Yesaya 32:18

Me maen kɔtena asomdwee atenaleɛ, anwotɔ atenaleɛ nu, ɔne nwomelelɛ atenaleɛ konn nu.

Yesaya 42:19

Nwa yeɛ ye nye asi kyɛ me somvoɛ, anaa nwa yeɛ ye so ati kyɛ me bɔfoɛ bɔ mesoma ye ne ɔ? Nwa yeɛ ye nye asi kyɛ bɔ watu ye nwo wasie berɛ wama me ne ɔ, anaa ye nye asi kyɛ AWURADE somvoɛ ne ɔ?

Yesaya 42:6

“Me, AWURADE, mafrɛ wɔ wɔ tenenee nu, ngotira wɔ sa ngɔfa wɔ ngosie, ngɔfa wɔ ngɔyɛ apam ngɔma maen ne, ɔne kanea ngɔma maen maen mɔ,

Yesaya 48:2

Ofikyɛ bɛfrɛ bɛ nwo kyɛ bɛte kuro krongron ne anu ama, bɔ bɛfa bɛ nwo bɛto Yisrael Nyameɛ so ɔ; ye dumaa ole Asafo AWURADE.

Yesaya 49:8

AWURADE nwa nyoo: “Mmerɛ bɔ odi kyɛ menwu wɔ anwumvoin ne, ndiele wɔ, ngoalelɛ kyẽa ne, mmokale wɔ. Manea wɔ so mafa wɔ mayɛ apam mama maen ne, kyɛ, odi kyɛ ɛma maen ne osa si ye gya nu, kyɛ, odi kyɛ ɛmaa bɛfa agyapadeɛ bɔ ɔla berɛ mbaen ne bɛtena so;

Yesaya 50:1

AWURADE nwa nyoo: “Ɛmɔ maame agyaayiralɛ krataa bɔ mva nyirale ye ne, ɔwɔ nisua? Anaa, nwa yeɛ mema ye kerɛ bɔ yiti mayɛ ɛmɔ atɔen mama ye ɔ? Ɛ́mɔtie, ɛmɔ amumuyɛɛ ti yeɛ nyɛle ɛmɔ atɔen ɔ, ɛmɔ mmeraatolɛ ti yeɛ nyirale ɛmɔ maame ɔ.

Yesaya 50:10

Ɛmɔ nu nwa yeɛ osuro AWURADE, ná ɔyɛ ye somvoɛ dwirɛ nwo sotie ɔ? Sona bɔ ɔnate awosii nu, bɔ onnya kanea ne, maa ɔfa ye wora wura AWURADE dumaa nu, ná ɔfa ye nwo to ye Nyameɛ so.

Yesaya 66:12

Ofikyɛ AWURADE nwa nyoo: “Ɛ́mɔtie! Ngɔma asomdwee kɔtengyɛ kɔhɔ ye berɛ kyɛ asue, yeɛ maen maen mɔ b’anwonya kɔtengyɛ kɔhɔ ye berɛ kyɛ asue bɔ wabu wafa so ɔ. Afei ɛmɔkɔno nyɔfonesue ne, ɔkɔfa ɛmɔ kɔbɔ ye mvenu, ná wahã ɛmɔ angorɛ wɔ ye gya so.

Yeremia 39:18

Ofikyɛ ngɔpepɛ ngole wɔ amba, na ɛngɔtɔ ngrandɛ noa, na mmom ekonya wɔ ti kodidi nu kyɛ koɛ nu nzesadeɛ, ɔnate kyɛ afa wɔ wora awura me nu ne ati, AWURADE noa dwirɛ ɛne.’ ”

Daniel 3:17

Na sɛ ɔte sɔ de a, ye de yɛ Nyameɛ bɔ yɛso ye ne, ɔkɔhora kɔpepɛ kole yɛ kofi see bɔ ogye wuronyiwuronyi wɔ foonoo nu ne anu; na Nana, ɔkɔpepɛ kole yɛ kofi wɔ sa nu.

Daniel 3:28

Yeɛ Nebukadenesa sele kyɛ, “Sadrake, Mesake ne Abedinego Nyameɛ bɔ wasoma ye abɔfo maa waapepɛ wale ye somvoɛ mɔ bɔ bɛfale bɛ wora bewurale ye nu ne, animnyam hã ye. Bɛ yeɛ behwi bɛfale me, Nana, me mmeraa so ɔ, na bɛfale bɛ ngoa bɛtole serewa, bɔ banzo anaa banzɔne nyameɛ biala ɔ, sana bɛ bɔbɔ bɛ Nyameɛ.

Daniel 6:23

Yeɛ ɔyɛle ɛhene ne fɛ paa, na ɔhyɛle kyɛ bɛye Daniel befi tuin ne anu. Yiti bɛyele Daniel befili tuin ne anu, na bannwu kyɛ ye nwo nekaa biala wapuropuro ɔ, ofikyɛ ɔfale ye wora wurale ye Nyameɛ nu.

Mika 5:5

Na ye yeɛ ɔkɔyɛ asomdwee ne ɔ. Sɛ Asiria ɔba y’aseɛ ne aso, ná otiatia y’ahemvie nemɔ aso a, yɛkɔye neafoɛ nzoo ne atitirefoɛ mmɔtwɛ maa bekodwɔso bekotia ye.

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

Filipifoɛ 4:7

Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.