Yesaya 2:3 - AHYERƐLƐ KRONGRON

³ Na mmenia pee bɛkɔwa bɛkɔɔhã kyɛ, “Ɛmɔbra ma yɛfo yɛhɔ AWURADE bokaa ne aso, ɛ́mɔma yɛhɔ Yakob Nyameɛ awuro ne anu, amaa ɔnate so wahyirehyire yɛ ye atee ne, ná yanate ye atimbire ne aso.” Ofikyɛ Sion yeɛ mmeraa ne kofi kɔwa ɔ, na Yerusalem yeɛ AWURADE dwirɛ ne kofi kɔwa ɔ.

Yesaya 2:3 Iomraidhean Croise

Ɛseta 9:27

Yudafoɛ le tole nu, na ɔyɛle amammerɛ mane bɛ ne bɛ bosofoɛ ne ebiala bɔ ɔɔyɛle Yudaniɛ ɔ, kyɛ sɔ ngyẽa nyɔ ne, bɛngɔma ɔngɔpa ye nwo, na bɛkɔhɔ so bekoli ye afoɛnoa biala, wɔ mmerɛ bɔ bahyɛ bato berɛ ne anu, kyɛbɔ bahyerɛ bato berɛ ne.

Edwein 102:23

Wama m’anwoserɛ so ate wɔ me mmerandeɛ nu, na wapɛ me ngyẽa so.

Edwein 110:2

Wɔ tumi hɔtɔ ne, AWURADE kɔtengyɛ kofi Sion. Di hene wɔ wɔ pɔfoɛ mɔ b’afia.

Edwein 119:171

Me noa kɔhã ayɛyelɛ dwirɛ, ofikyɛ ekyirekyire me w’ahyɛdeɛ ne.

Edwein 122:1

Besele me kyɛ, “Maa yɛhɔ AWURADE awuro berɛ” nen, me nye gyele.

Edwein 48:1

AWURADE te piri, na ɔfata ayɛyelɛ piri paa wɔ yɛ Nyameɛ kuro ne anu. Ye bokaa krongron ne,

Yesaya 1:26

Ngosa ngɔma wɔ maenbulɛfoɛ kyɛ daa ne ala, yeɛ foɛtulɛfoɛ koso, kyɛbɔ ahyɛaseɛ ne né ɔte ne ala. Na ɛhe asi ne, bɛkɔfrɛ wɔ tenenee kuro ne nahorɛlilɛ kuro.

Yesaya 11:10

Sɔ kyẽa ne, Yese ndii ne kogyina berɛ kɔyɛ frangaa kɔma maen ne; maen maen kɔpena ye si atee, na nekaa bɔ ɔte ne kɔyɛ animnyam nekaa.

Yesaya 19:23

Sɔ kyẽa ne, efi Misraim ɛkɔ Asiria a, ɔkɔyɛ atimbire. Na Asiriafoɛ kɔwa Misraim, yeɛ Misraimfoɛ koso bɛkɔhɔ Asiria, na Misraimfoɛ ne Asiriafoɛ bɛkɔbɔ nu bɛkɔsɔne.

Yesaya 28:9

“Nwa yeɛ okohyire ye nimdeɛ ɔ? Nwa yeɛ okohyirehyire ngyerɛkyerɛ ne anu kohyire ye ɔ? Bɛ bɔ bapɛ bɛ nyɔfone anaa? Bɛ bɔ bate bɛ bafi nyɔfone noa anaa?

Yesaya 44:5

Sona ko kɔhã kyɛ, ‘Nde AWURADE deɛ,’ né ko wora wafa Yakob dumaa wato ye nwo; yeɛ ko koso kɔhyerɛ ye sa nwo kyɛ, ‘AWURADE deɛ ɔ,’ na ɔkɔfa Yisrael dumaa kɔsɔ ye dumaa so.”

Yesaya 56:5

ngɔma bɛ ngayeɛ nikyee ne dumaa wɔ m’awuro ɔne me fasue ne akunu, na sɔ nningyein nemɔ bedi mu bɛtra mmaa mmienzua ne mmaa mmrasua. Ngɔma bɛ dumaa afebɔɔ bɔ ongomini le ɔ.

Yesaya 56:7

ngɔfa sɔ mmenia ne ngɔwa me bokaa krongron ne aso, ná mamaa banya anika wɔ me mbaeɛbɔlɛ awuro. Bɛ naen yeralɛ afɔleɛ ne b’afɔleɛ nemɔ, ɔkɔsɔ me nye wɔ m’afɔleɛ bokyea ne aso, ofikyɛ m’awuro ne, dumaa bɔ ɔkɔla so kɔma maen maen amukoraa ole mbaeɛbɔlɛ awuro.

Yesaya 60:3

Maen maen mɔ bɛkɔwa wɔ kanea ne anu, yeɛ ahemvo mɔ koso bɛkɔwa kanea hyireinn bɔ wapukye wɔ so ne anu.

Yesaya 65:11

Nakoso ɛmɔ bɔ ɛmɔpo AWURADE, bɔ ɛmɔ wora fi me bokaa krongron ne, bɔ ɛmɔto poen bɛma bosoen bɔ ɛmɔfrɛ ye Saleɛ, bɔ ɛmɔfa nzaa mvrafra begua kwangoa nu tɛkyɛɛ bɛma bosoen bɔ ɛmɔfrɛ ye Ngrabea ɔ;

Yesaya 66:20

Bɛkɔfa ɛmɔ aliɛma mɔ amukoraa bekofi maen maen amukoraa so bɛkɔwa, maa ɔkɔyɛ afɔleɛ kɔma AWURADE. Mbɔngɔ so, teaseɛnam mɔ nu, seko nu, afunum mɔ so ne afupɔngɔ mɔ so yeɛ bɛkɔfa bɛ bɛkɔtenatena bɛkɔwa me bokaa krongron Yerusalem so ɔ, AWURADE noa dwirɛ ɛne, kyɛbɔ Yisraelfoɛ bɛfa b’aburoo afɔleɛ begua nzim bɔ ye nwo te ɔ nu bɛba AWURADE awuro nen.

Yeremia 12:16

Na sɛ bɛkɔyere bɛ nwo bekosua me maen ye atee, ná bɛkɔfa me dumaa bɛkɔta ndaen kyɛ, ‘Kyɛ AWURADE te ase ye’, kyɛbɔ behyirele me maen maa bɛfale Baal bɛtale ndaen ne a, ye de bɛ bo kotimu wɔ me maen ne anu.

Yeremia 26:18

“Moreseteniɛ Mika hyɛle ngɔm wɔ Yuda hene Hesekia aberɛ so, na osele Yudafoɛ amukoraa kyɛ, ‘Bɔ Asafo AWURADE kã ɛhe: Bekofundam Sion kyɛ eboo, Yerusalem kɔkakyi esire esire, na bokaa bɔ awuro ne gyi so ne, ɔkakyi ɛhɔayeɛ.’

Yeremia 31:6

Ofikyɛ kyẽa bie kɔwa bɔ awɛmvoɛ mɔ bɛkɔtea nu wɔ Efraim mmokaa aseɛ so kyɛ, ‘Ɛ́mɔdwɔso oo! Ɛ́mɔma yɛfo yɛhɔ Sion, yɛhɔ AWURADE yɛ Nyameɛ berɛ.’ ”

Hesekiel 40:2

Nyameɛ nyekyire ne anu, ɔfale me wale Yisrael aseɛ so, na ɔfale me oogyinane bokaa tendenn paa bie aso, bɔ né so te kyɛ kuro bɔ bakyekye ye wɔ ngwaen dɔ ɔ.

Hosea 3:5

na ye si, Yisraelfoɛ kosa kɔwa bɛkɔɔpena AWURADE bɛ Nyameɛ ne bɛ hene Dawide si atee, na bekosuro AWURADE ne ye anwumvoinnwunɛ wɔ ngyẽa bɔ oli nziɛ nemɔ anu.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Mika 4:2

na maen maen pee kɔwa bɛkɔɔhã kyɛ, “Ɛmɔbra maa yɛfo yɛhɔ AWURADE bokaa ne aso, yɛhɔ Yakob Nyameɛ n’awuro berɛ, amaa ɔnate so wahyirehyire yɛ ye atee, ná yanate ye atimbire so.” Ofikyɛ Sion yeɛ mmeraa ne kofi kɔwa ɔ, na AWURADE dwirɛ ne kofi Yerusalem yeɛ ɔkɔwa ɔ.

Mateo 7:24

“Yiti ebiala bɔ ɔte me dwirɛ he ná odi so nen, ngɔfa ye ngɔtoto nworɛniɛ bie bɔ osili ye sua wɔ nyɔbotaen so ɔ nwo.

Luka 11:28

Nakoso osele kyɛ, “Bɛ bɔ bɛte Nyameɛ dwirɛ ne ná bedi so ne mmom yeɛ banya saleɛ ɔ!”

Luka 24:47

ná bafa ye dumaa so babɔ adwenesakyera ne bɔnefakyɛ nwo dawure wɔ maen maen amukoraa nu, na bɛkɔhyɛ ye bo wɔ Yerusalem.’

Yohane 4:22

Ɛmɔ de, ɛmɔsɔne bɔ ɛmɔnze ye ɔ; nakoso yɛ de, yɛsɔne bɔ yɛse ye ɔ, ofikyɛ Yudafoɛ nu yeɛ ngoalelɛ ne ofi ɔ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Asomafoɛ 1:8

Na sɛ Sunzum Krongron ne ba ɛmɔ so a, ɛmɔkonya tumi ná ɛmɔayɛ m’adanzefoɛ wɔ Yerusalem, ne Yudea amukoraa ne Samaria maa waadwu aseɛ so nekaa biala.”

Asomafoɛ 10:33

Ɛhe ati berɛ ne ala nzomane kyɛ bɛɛfa wɔ bɛbra, na wɔ koso ayɔ nikyee kyɛ awa ɔ. Yiti kekesaala ye, yɛ mukoraa yayia Nyameɛ nyunu wɔ wa, kyɛ yɛbaatie nikyee biala bɔ Awurade ahyɛ wɔ kyɛ ɛha hyire yɛ ɔ.”

Romanfoɛ 10:18

Nakoso mebisa kyɛ, bennya bɛttele anaa? Amba, bate, ofikyɛ, “Bɛ komvi adwu aseɛ so nekaa biala, na bɛ dwirɛ adwu wiase nekaa biala.”

Deuteronomi 33:19

Bɛkɔfrɛfrɛ mmenia maa bɛkɔwa bokaa ne aso, berɛ yeɛ bɛbɔ afɔleɛ bɔ ɔsɔ anyeɛ ɔ, ofikyɛ benya bɛ nwo befi ɛpo nu, ɔne agyapadeɛ bɔ bafa bafea anweaa nu ɔ.”

Deuteronomi 6:1

“Afei mmeraa dwirɛ, ahyɛdeɛ ne nhyehyɛleɛ bɔ AWURADE ɛmɔ Nyameɛ hyɛle me kyɛ ngyirekyire ɛmɔ ma ɛmɔli so wɔ aseɛ bɔ ɛmɔkwaapɛ asue Yɔɔdan bɛkɔɔfa ne ɛhe;

Yakobo 1:25

Nakoso sona bɔ ɔgyene ye nye nea fawɔnwodi mmeraa bɔ odi mu ne anu, ná ɔtena nu, ná wanyɛ tiefoɛ aworafireniɛ, na mmom odi so ɔyɔ nen, bekoyira ye wɔ bɔ ɔyɔ ɔ nu.