Yesaya 1:3 - AHYERƐLƐ KRONGRON

³ Nandwie se ye mene, yeɛ afunum se nekaa bɔ ye mene ma ye aleɛ ɔ, nakoso Yisrael de, ɔnze, me maen ne ɔnde ye bo.”

Yesaya 1:3 Iomraidhean Croise

Edwein 94:8

Ao, maen ne anu mmenia bɔ ɛmɔ adwene te nganga ɔ, odi kyɛ ɛmɔte ye bo, ngwaseafoɛ, kyinzu yeɛ ɛmɔkonwu nworɛ ɔ?

Anyandera 28:5

Bɔnefoɛ nde pɛpɛɛpɛyɛlɛ bo, nakoso bɛ bɔ bɛpena AWURADE si atee ne de, bɛte ye mukoraa bo.

Anyandera 6:6

Ɛfoen sona, kɔ ngyiregyiraa berɛ, nea kyɛbɔ ɔyɔ ye nningyein ɔ, ná sua nworɛ.

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yesaya 42:20

Anwu nningyein pee, nakoso ɛmvete wɔ nye nnea, wɔ so tokuro ne, nu la berɛ, nakoso ɛnde dwirɛ.

Yesaya 44:18

Mmenia sɔ ne, nimdeɛ abɔ bɛ, yeɛ b’adwene te nganga; ofikyɛ wama bɛ nye ne wamata, bɔ bennwu nikye ɔ; yeɛ wato b’adwene nu, bɔ bɛngora bennya ndeaseɛ ɔ.

Yesaya 5:12

Bɛ yeɛ bɛfa sangoo, adengum, akasaa, awɛen ne nzaa bɛkɔ bɛ poentolɛ bo ɔ, nakoso bɛmva nningyein bɔ AWURADE yɔ ɔ bɛnyɔ huu ɔ, yeɛ ye sa noa adwuma koso bennwu ye.

Yesaya 5:13

Ye sɔ ne ati, bɛkɔhye me maen nnure bɛkɔhɔ, ɔnate nimdeɛ bɔ belle bie ti; ɛhɔen kohũ b’atitirefoɛ maa bekowu, yeɛ nzuhɔen kohũ mmenia wora ne maa bekowu.

Yesaya 56:11

Amba, bɛte ngyea adifuu, na bɛnze ahoyire. Bɛte mmoaenneafoɛ bɔ nimdeɛ abɔ bɛ ɔ, bɛ mukoraa bali makyebu baafa bɛ bɔbɔ b’atee so, na bɛ nu biala ɔdwene ye ngome ye yeeyɛlɛ nwo.

Yeremia 10:14

Ebiala te kwaseaa, na olle nimdeɛ; esikaa kɔkorɛ dwumvoɛ biala ye mmosoen mɔ gua ye nyunu ase, ofikyɛ ye mmosoen mɔ te nnakannaka, na nwomeɛ biala nne bɛ nu.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Yeremia 35:16

Rekabo awa Yonadabo ye boso ama bali ahyɛdeɛ bɔ bɛ nana fa mane bɛ ne aso, nakoso maen he de, bandie me dwirɛ.

Yeremia 4:22

Ofikyɛ me maen te mmenia ngwaseafoɛ, bɛnze me; bɛte mmaa bɔ bagyimi, bɔ belle nimdeɛ koraa ɔ. Babe wɔ bɔne yɔlɛ nu, nakoso nikye paa de, bɛnze ye yɔ.

Yeremia 50:6

“Me maen akakyi mmoaen bɔ bamini ɔ; bɛ neafoɛ nemɔ amaa bali makyebu. Bɛmaa behyinini wɔ mmokaa nemɔ aso; bafi mmokaa so bahɔ pambaa mɔ so, bɛ wora afi bɛ dabea.

Yeremia 8:7

Akyemvona katakyie bɔ ɔwɔ ewienu ne po, ɔse ye mmerɛ; yeɛ aborɔma, nandwinoma ne bɔlanoma bɛse mmerɛ bɔ odi kyɛ bɛba ɔ; nakoso me maen de, benze AWURADE ahyɛdeɛ ne.

Hesekiel 16:30

“Ah! Sãa ɛnze nyanzoen sɔaa! AWURADE Nyameɛ noa dwirɛ ɛne, kyɛ ɛbɔ sɔ bra hemɔ, bɔ ɔte brasua gyanderaniɛ bɔ ɔnze nyanzoen bra ɔ!

Daniel 9:11

Amba, Yisrael amukoraa abu wɔ mmeraa ne aso, bali makyebu bɔ bendie wɔ dwirɛ ɔ. Na ɛnomalɛ ne ndaen bɔ bahyerɛ ye wɔ Nyameɛ somvoɛ Mose mmeraa ne anu ne, wawa yɛ so, ofikyɛ yayɔ bɔne yatia ye.

Hosea 2:8

Hmmm, né ɔnze kyɛ me yeɛ mane ye aburoo ne nzaa ne ngoo, kyɛ me yeɛ mmaa onyane ɛdwetɛ ne esikaa kɔkorɛ pee, bɔ bɛfa bɛbɔle afɔleɛ bɛmane Baal ne ɔ.

Mateo 13:19

Ebiala bɔ ɔte ahennie ne nwo dwirɛ, ná ɔnde ye bo nen, bɔnefoɛ ne ba ɔbafoti bɔ balua ye wɔ ye ahone nu ne ɔkɔ; na ɛhe gyi berɛ ma mmakaammaa bɔ beguale atee noa ne.

Romanfoɛ 1:28

Bɛpole kyɛ bekonwu Nyameɛ nwo nimdeɛ, yiti Nyameɛ pole bɛ bɔbɔ b’adwene fiɛ ne mane bɛ, maa bɛyɔle nningyein bɔ ɔmvata ɔ.

2 Petro 3:5

Bɛboapa bɛyɛ kyɛ bɛnze kyɛ, ofi tetetete ne, né anwuro wɔ berɛ, na aseɛ fi nzue nu yeɛ ɔwale ɔ, ofi nzue nu yeɛ ootimuni berɛ ɔ, na ɔnate Nyameɛ noa dwirɛ so.