Yeremia 8:3 - AHYERƐLƐ KRONGRON

³ Sɔ amumuyɛɛ abusua bɔ bɛkɔha ne amukoraa, nekaa biala bɔ mafoa bɛ maagua ne, bekohuro kyɛ bekowu tra kyɛ bɛkɔtena ngoa nu ɔ, Asafo AWURADE noa dwirɛ ɛne.

Yeremia 8:3 Iomraidhean Croise

1 Ahemvo 19:4

Nakoso Elia bɔbɔ de, ɔpɛle atee bɔ bɛfa ɛlɛho yeɛ bɛpɛ ɔ hɔle ɛserɛ so, na ɔɔtenane tanure bie abo. Ɔyɛle ye adwene kyɛ owuli po ahaa okuro. Ɔhane kyɛ, “Afei de wayɛ yé, ao AWURADE, ku me pɛen ko, na nnde paa mendra me nana mɔ.”

Yeremia 23:3

Na afei, me bɔbɔ ngɔboaboa me mmoaen ngaa nemɔ anoa ngofi maen maen bɔ mafoa bɛ maagua so nemɔ aso, na ngosa ngɔfa bɛ ngɔwa bɛ nekaa bɔ bedidi ɔ, na bɛkɔwo bɛkɔta pee.

Yeremia 23:8

na mmom bɛkɔhã kyɛ, ‘AWURADE bɔ ɔyele Yisrael awuro ama, ná olili bɛ nyunu fili sorɔ dɔ maen ne anu ne maen amukoraa bɔ mvoane bɛ ngonguale so ne, kyɛ ɔte ase ye.’ Na afei bɛkɔtena bɛ bɔbɔ b’aseɛ so.”

Yeremia 29:14

Ngɔmaa ɛmɔkonwu me, AWURADE noa dwirɛ ɛne. Ngɔye ɛmɔ ngofi nnurehyelɛ nu, na ngɔboaboa ɛmɔ noa ngofi maen amukoraa ne nekaa amukoraa bɔ mafoa ɛmɔ maagua so ne, AWURADE noa dwirɛ ɛne. Ngosa ngɔfa ɛmɔ ngɔwa nekaa bɔ mamaa bahye ɛmɔ nnure bafi berɛ bahɔ ne.

Yeremia 29:28

Ofikyɛ wasoma maa baase yɛ wɔ Babilɔn kyɛ, ‘Ɛmɔkɔhyɛ wɔ nnurehyelɛ nu, yiti ɛ́mɔsisi sua bɛtenatena nu, ɛ́mɔyeyɛ boo, ná ɛmɔli nu aleɛ.’ ”

Yeremia 40:12

yeɛ Yudafoɛ amukoraa befili nekaa amukoraa bɔ bafoa bɛ baagua ne, na besa bɛwale Yuda aseɛ so bɛhɔle Gedalia berɛ wɔ Misepa, na bɛboaboale nzaa ne borɔdoma pee noa.

Yeremia 44:2

“Bɔ Asafo AWURADE, Yisrael Nyameɛ kã ɛhe: Ɛmɔanwu musue amukoraa bɔ maprapra magua Yerusalem ne Yuda nguro amukoraa so ne. Na ɛ́mɔnea, ɛnɛ bayɛ kurofoen bɔ ebiala nne berɛ bɔ ɔte so ɔ,

Yeremia 44:6

Yiti me yaafɛlɛ ne m’ahonehulɛ wale, na begyele wɔ Yuda nguro mɔ ne Yerusalem mmorɔnoɛ mɔ so maa babɔ bakakyi kurofoen, kyɛbɔ ɔte ɛnɛ ye.

Yeremia 6:9

Bɔ Asafo AWURADE kã hɔ ɛhe: “Bɛkɔyeye Yisraelfoɛ bɔ baha nemɔ anu, kyɛ bobe mmaa bɔ bɛyeye nu ɔ, kyɛbɔ ebie bɔ ɔtete bobe ne, osa fa ye sa tete bɔ waha mmaen ne aso ne gua kɛndɛen nu ɔ.”

Daniel 9:7

O AWURADE, wɔ yeɛ tenenee te wɔ deɛ; nakoso yɛ de, animguaseɛ yeɛ ɔte yɛ deɛ maa waadwu ɛnɛ ɔ: Yudafoɛ, Yerusalemfoɛ ne Yisraelfoɛ amukoraa bɔ bepingye wa ne bɛ bɔ bɛwɔ nziɛ nziɛ, wɔ aseɛ amukoraa bɔ atu bɛ aagua so ɔ, ɔnate nahorɛ bɔ banni bamma wɔ ne ati ɔ.

Lewitikɔso 26:33

Na ɛmɔ de, ngɔma ɛmɔ kɔbɔ aya bɛkɔhɔ maen maen mɔ so, na ngɔhwe ɛmɔ so ngrandɛ; ɛmɔ aseɛ nemɔ kɔsɛkye bɔkɔɔ, ná ɛmɔ nguro nemɔ koso kɔbɔ.

Amose 3:1

Ao Yisraelfoɛ, ɛ́mɔtie edwirɛ he bɔ AWURADE wahã wafa ɛmɔ nwo ɔ: bɔ mahã mafa abusua amukoraa bɔ nyele ɛmɔ mvili Misraim aseɛ so mmale ne nwo ɔ, kyɛ,

Yona 4:3

Na afei, ao AWURADE, mesrɛ wɔ, de me ngoa fi me sa nu, ofikyɛ ɔte paa ma me kyɛ ngowu tra kyɛ ngɔtena ngoa nu ɔ.”

Mika 2:3

Yiti AWURADE nwa nyoo: Tie, medwene kyɛ ngɔprapra musue ngogua abusua he aso, bɔ ɛmɔngɔhora bɛngɔye ye nyamaa bengofi ɛmɔ kɔme ɔ; yeɛ ɛmɔngɔhora bɛngɔnate bɛngɔmoma bɛ bati so, ofikyɛ sɔ mmerɛ ne te mmerɛ tɛɛ.

Deuteronomi 30:1

“Na sɛ edwirɛ he amukoraa: saleɛ ne musue bɔ mafa masie wɔ nyunu ne ba wɔ so, ná ɛkayekaye edwirɛ hemɔ wɔ maen maen mukoraa bɔ AWURADE wɔ Nyameɛ wafoa wɔ wahɔ so ne aso,

Deuteronomi 30:4

Sɛ ewiase aseɛ noa dedeede dɔ po yeɛ bɛhyele wɔ nnure bɛhɔle a, AWURADE wɔ Nyameɛ kɔboaboa wɔ noa kofi berɛ, na ɔkɔɔfa wɔ kofi dɔ kɔwa.

Nyekyire 6:16

Na besele mmokaa ne nyɔbotaen nemɔ kyɛ, “Ɛ́mɔdwiri begua yɛ so, ná ɛ́mɔfa yɛ bɛfea béfi bɔ ɔte ahennie bia ne aso ne nyunu, ɔne Boaen Ba n’ahonehulɛ nu;

Nyekyire 9:6

Na sɔ mmerɛ ne, mmenia kɔpena ewue si atee, nakoso bengonwu ye; bekohuro kyɛ bekowu ɔ, nakoso ewue kɔnwati bɛ.