Yeremia 7:3 - AHYERƐLƐ KRONGRON

³ Bɔ Asafo AWURADE Yisrael Nyameɛ kã hɔ ɛhe: Ɛ́mɔsesã ɛmɔ atee bɔ ɛmɔnate so ne ɛmɔ yɔleɛ, na ngɔma ɛmɔkɔtena wa.

Yeremia 7:3 Iomraidhean Croise

2 Ahemvo 17:13

Né AWURADE nate ngɔmhyɛlɛfoɛ amukoraa ne ye mmenia bɔ bɛse ase amukoraa so wabɔ Yisrael ne Yuda kɔkɔ kyɛ, “Ɛmɔhwe ɛmɔ nwo béfi ɛmɔ bɔne nwo, ná ɛmɔli me mmeraa dwirɛ ne m’ahyɛdeɛ so, kyɛbɔ mmeraa bɔ nhyehyɛle mane ɛmɔ nana mɔ, bɔ nnate me somvoɛ ngɔmhyɛlɛfoɛ so mva mmrɛle ɛmɔ ne, ɔte ne ala.”

Ɛsra 10:11

Yiti odi kyɛ ɛmɔde ɛmɔ bɔne bɛto nu bekyire AWURADE ɛmɔ nana mɔ Nyameɛ ne, ná ɛmɔyɔ bɔ ɔsɔ ye nye ɔ. Ɛmɔhwe ɛmɔ nwo befi aseɛ ne aso mmenia nwo, ɔne Amaenmaensofoɛ mmrasua nwo.”

Anyandera 28:13

Ebiala bɔ ɔkata ye mmeraatolɛ so ne, ongoyie ye yé, nakoso bɔ ɔkã, ná ɔyakyi ye yɔlɛ ne, bekonwu ye anwumvoin.

Yesaya 55:7

Ohia kyɛ bɔnefoɛ yakyi ye yɔleɛ, yeɛ sona bɔ ɔndengyɛ ne koso, maa ɔsesã ye adwene, maa osa bra AWURADE berɛ, na okonwu ye anwumvoin, maa ɔbra yɛ Nyameɛ berɛ, ofikyɛ ɔkɔfa bɔne ne kɔhyɛ kandinga paa.

Yeremia 17:25

ye de, ahemvo ne nnehyeɛ bɔ bɛte Dawide bia so ne, bɛkɔfa pambim ye mɔ anu bekowura kuro ye anu bɔ bɛtete teaseɛnam mɔ nu ne mbɔngɔ so ɔ; bɛ ne bɛ nnehyeɛ mɔ ne Yudafoɛ ne Yerusalemfoɛ. Na mmenia kɔtena kuro ye aso afebɔɔ.

Yeremia 18:11

Yiti afei, kɔ Yuda mmienzua ne Yerusalemfoɛ berɛ kose bɛ kyɛ, ‘Bɔ AWURADE kã ɛhe: Tie, medwene ɛmɔ nwo adwene tɛɛ, yeɛ mesusu tɛɛ mefa ɛmɔ nwo. Yiti odi kyɛ ɛmɔ amukoraa ɛmɔsakyera befi ɛmɔ bɔne atee ne anwo, ná ɛmɔsesã ɛmɔ atee ne ɛmɔ yɔleɛ maa ɔyɛ paa.

Yeremia 18:8

nakoso sɔ maen ne bɔ mahã ye nwo dwirɛ ne, onu ye nwo fi ye bɔne nwo a, ye de ngɔsesã m’adwene wɔ musue bɔ mayɛ kyɛ ngɔprapra ngogua ye so ne anwo.

Yeremia 26:13

Yiti kekesaala ye, ɛ́mɔsakyera ɛmɔ adwene ne ɛmɔ yɔleɛ, ná ɛ́mɔtie AWURADE ɛmɔ Nyameɛ dwirɛ, na AWURADE kɔsesã ye adwene wɔ musue bɔ wahã kyɛ ɔkɔprapra kogua ɛmɔ so ne anwo.

Yeremia 35:15

Mahɔ so masoma me somvoɛ ngɔmhyɛlɛfoɛ amukoraa wɔ ɛmɔ berɛ dee kyɛ, ‘Odi kyɛ ɛmɔ anu biala sakyera ye adwene wɔ ye bɔne atee nwo, ná ɔbɔ bra paa; na nnɛma ɛmɔkodi nyameɛ foforɛ mɔ si bɛso bɛ, amaa ɔnate so ɛmɔatena aseɛ bɔ mva mane ɛmɔ ne ɛmɔ nana mɔ ne aso. Nakoso ɛmɔanyɛ asoɛ bandie me dwirɛ.

Yeremia 35:16

Rekabo awa Yonadabo ye boso ama bali ahyɛdeɛ bɔ bɛ nana fa mane bɛ ne aso, nakoso maen he de, bandie me dwirɛ.

Yeremia 4:1

“Ao Yisrael, sɛ ekosa kɔwa a, sa bra me berɛ, AWURADE noa dwirɛ ɛne. Sɛ ɛye w’akyiwadeɛ nningyein nemɔ fi me nyunu, ná w’adwene anyɛ wɔ ndaa ndaa,

Yeremia 6:16

Bɔ AWURADE kã hɔ ɛhe: “Ɛ́mɔgyina atee nemɔ aso, ná ɛ́mɔnea; ɛ́mɔbisa bɛ́pena tete atimbire nemɔ, nekaa bɔ atee paa ne la ne, ná ɛ́mɔfa so, amaa ɔnate so ɛmɔanya nwomelelɛ bama ɛmɔ kra. Nakoso bɛnwa, ‘Yɛngɔfa so.’

Yakobo 4:8

Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!