Yeremia 4:2 - AHYERƐLƐ KRONGRON

² ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Yeremia 4:2 Iomraidhean Croise

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

1 Ahemvo 3:6

Na Solomon buale kyɛ, “W’akoaa Dawide bɔ yeɛ ɔte me baba ne, ɛyɛle ye paa kandinga paa. Ofikyɛ olili wɔ dwirɛ so nahorɛ nu ɔne atee bɔ ɔtengyɛ ɔ so, na ɔyele ye ti anu fitaa ɔsole wɔ. Ahɔ so afa sɔ paa kandinga ne alo ye, na ɛnɛ amaa wanya baa bienzua maa wali ye bia.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Edwein 99:4

Ɛhene piri bɔ ekuro ndɛenbualɛ turoloo ɔ, ama pɛpɛɛpɛyɛlɛ bo atimu, ama ndɛenbualɛ turoloo ne tenenee wagyina wɔ Yakob nu.

Yesaya 45:23

Mata me bɔbɔ me nwo ndaen, tenenee dwirɛ yeɛ ofi me noa nu wawa ɔ, edwirɛ bɔ mengɔhwe ngosa ɔ, kyɛ, ‘Nangoroma mukoraa bɛkɔkoto me, ná noa amukoraa bafa me bata ndaen.’

Yesaya 45:25

AWURADE nu yeɛ Yisrael boso ama mukoraa bekoli ngonim bekonya animnyam ɔ.”

Yesaya 65:16

amaa ɔnate so ebiala bɔ ɔkɔhã saleɛ dwirɛ kɔma ye nwo wɔ aseɛ ne aso ne, ɔkɔfa nahorɛlilɛ Nyameɛ ne yeɛ okoyira ye nwo ɔ; yeɛ ebiala bɔ ɔkɔta ndaen wɔ aseɛ ne aso ne, ɔkɔfa nahorɛlilɛ Nyameɛ ne yeɛ ɔkɔta ndaen ɔ; ofikyɛ bɛ wora kofi amaneɛ bɔ ɔtole bɛ daa ne, na mabu me nye magua so.

Yeremia 10:10

Nakoso AWURADE yeɛ ɔte nahorɛ Nyameɛ ne ɔ; ye yeɛ ɔte Nyameɛ teasefoɛ ne Ɛhene afebɔɔ ne ɔ. Sɛ ye ahone hu a, aseɛ woso, na amaen maen mɔ bɛngora ye yaafɛlɛ noa gyina.

Yeremia 12:15

Na ɔkɔwa kyɛ, sɛ metu bɛ bo mefi berɛ a, ngosa ngonwu bɛ anwumvoin, na ngosa ngɔfa bɛ nu biala ngɔwa ye agyapadeɛ nu ne ye aseɛ so.

Yeremia 12:16

Na sɛ bɛkɔyere bɛ nwo bekosua me maen ye atee, ná bɛkɔfa me dumaa bɛkɔta ndaen kyɛ, ‘Kyɛ AWURADE te ase ye’, kyɛbɔ behyirele me maen maa bɛfale Baal bɛtale ndaen ne a, ye de bɛ bo kotimu wɔ me maen ne anu.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 3:17

Sɔ mmerɛ ne, bɛkɔfrɛ Yerusalem AWURADE ahennie bia, na maen maen amukoraa bekooyia berɛ, wɔ AWURADE dumaa nu wɔ Yerusalem, na bɛngɔyɛ asoserɛ bɛngɔyɔ b’apɛdeɛ tɛɛ nemɔ ko.

Yeremia 33:9

Na kuro he dumaa kɔyɛ anika, ayɛyelɛ ne animnyam kɔma me wɔ aseɛ ye aso maen amukoraa bɛ nyunu, na bɛkɔte nningyein paa amukoraa bɔ meyɔ mema bɛ ne; bekosuro, ná bɛ nwo kodwiri bɛ, ɔnate nningyein paa amukoraa ne asomdwee amukoraa bɔ ngɔfa ngɔma bɛ ne ati.

Yeremia 5:2

Ɔwɔ nu kyɛ bɛta ndaen kyɛ, “Kyɛ AWURADE te ase ye” de, nakoso ngondombo ndaen yeɛ bɛta ɔ.

Yeremia 7:5

Ofikyɛ sɛ ɛmɔsesã ɛmɔ atee bɔ ɛmɔnate so, ɔne ɛmɔ yɔleɛ nahorɛ nu, sɛ ɛmɔbua mmenia afia ndɛen bɔ ɔtengyɛ,

Yeremia 9:24

Na mmom ebiala bɔ ɔhoahoa ye nwo ne, odi kyɛ ɔhoahoa ye nwo kyɛ ole nimdeɛ, ná ɔse me kyɛ me ole AWURADE bɔ mefa ɔdɔ bɔ onni ngasi, ndɛenbualɛ turoloo ne nahorɛlilɛ yeɛ meyɛ me nningyein wɔ aseɛ ye aso ɔ. Na sɔ nningyein nemɔ yeɛ me nye gye bɛ nwo ɔ, AWURADE noa dwirɛ ɛne.”

Hosea 2:19

Na ngɔbɔ wɔ asiwa ngɔma me nwo afebɔɔ; amba, ngɔbɔ wɔ asiwa ngɔma me nwo wɔ tenenee nu, pɛpɛɛpɛyɛlɛ nu, ɔdɔ ne anwumvoinnwunɛ nu.

Yoel 2:12

“Na afei, odi kyɛ ɛmɔfa ɛmɔ ahone amukoraa ne akɔngyere ne esuɛ ne aworabɔlɛlilɛ besa bɛba me berɛ,” AWURADE noa dwirɛ ɛne.

Sakaria 8:8

na ngɔfa bɛ ngɔwa maa bɛkɔɔtena Yerusalem; bɛkɔyɛ me maen, na me koso mayɛ bɛ Nyameɛ, wɔ nahorɛ ne tenenee nu.”

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

1 Korintofoɛ 1:31

Ɛhe ati, bahyerɛ kyɛ, “Ebiala bɔ ɔhoahoa ye nwo ne, maa ɔhoahoa ye nwo wɔ Awurade nu.”

2 Korintofoɛ 10:17

“Ma ebiala bɔ ɔhoahoa ye nwo ne, ɔfa Awurade hoahoa ye nwo.”

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Deuteronomi 4:30

Na sɛ ɛkɔ anwokyere nu, ná kyẽa bie sɔ nningyein hemɔ amukoraa toto wɔ a, ekosa kɔwa AWURADE wɔ Nyameɛ berɛ, ná atie ye dwirɛ.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Rutu 3:13

Da wa ɛnɛ kɔngɔen ye, na aleɛ kye ngyerɛmɔ, ná sɛ ode to nu kyɛ ɔkɔyɛ ehu koliagyaa kogya wɔ a, ye de ye paa nu ɔ. Na sɛ ɔngɔyɛ ehu koliagyaa ngogya wɔ de a, ye de, kyɛ AWURADE te ase ye, me yeɛ ngɔyɛ ehu koliagyaa ngogya wɔ ɔ. Da wa ma aleɛ hye.”

1 Samuel 20:3

Na Dawide koso buale kyɛ, “Wɔ baba se ye pefee kyɛ ekuro me dwirɛ, yiti wayɛ ye adwene kyɛ, ‘Mengɔma Yonatan ngɔte ye nwo bie, anyɔ a ɔkɔyɛ ye yea.’ Nakoso nahorɛ nu, kyɛ AWURADE te ase ye, ná wɔ kra koso te ase ye, ewue li me mvanvando.”