Yeremia 3:3 - AHYERƐLƐ KRONGRON

³ Yiti nyenyenzue ne ayakyi tɔlɛ, yeɛ bamborɔ ne koso ɔndɔ ko, nakoso wɔ ndo nwiaa te kyɛ gyanderaniɛ deɛ, na ɛnze fɛrelɛ.

Yeremia 3:3 Iomraidhean Croise

Gyenesise 19:34

Na aleɛ hyene ne, bamuɛbaa ne sele kãa ne kyɛ, “Nea, me ne me baba yɛlale anoma kɔngɔen. Maa yɛma ye nzaa ma ɔno ɛnɛ kɔngɔen ye koso, na ɛne ye bɛɛla, amaa ɔnate yɛ baba so yanya yɛ boso ama.”

Nehemia 9:17

Bɛyɛle b’adwene kyɛ bengoli so, na anwanwadeɛ bɔ ɛyɔle mane bɛ ne, bangaye, na mmom bɛyɛle asoserɛ, yeɛ bɛyele sona maa ɔlale bɛ noa kyɛ besa bɛkɔ ngoaasolɛ nu wɔ Misraim. Nakoso ɛte Nyameɛ bɔ ɛfa bɔne kyɛ, ɛdo mmenia, yeɛ ɛse anwumvoin, w’ahone nhu ndɛ, wɔ ɔdɔ bɔ onni ngasi sone, na anye wɔ sa amvi bɛ bo.

Anyandera 21:29

Bɔnefoɛ kumgum ye nyunu, nakoso teneneeniɛ de, ɔdwene ye agyirɛtulɛ nwo.

Yesaya 5:6

Ngɔmaa ɔkɔkakyi adangasa, mengɔdwaadwaa ye nwo, yeɛ mengɔbɔ ye nwo, nu kofu agurɛ ne mmowue. Asa koso, ngɔhyɛ munungum kyɛ nnɛmaa ɔtɔ esue gua so.

Yeremia 14:1

AWURADE dwirɛ bɔ ɔlale ye ali hyirele Yeremia fale wawa piri ne anwo ne, ye ɛhe:

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 14:3

Ye atitire mɔ bɛsoma bɛ somvoɛ mɔ kyɛ bɛɛpena nzue; bɛbadwu abura nemɔ anwo, nakoso bennya nzue, yiti bɛfa bɛ bua mɔ too besa bɛkɔ. Bɛ nyunu agua ase, bafɛre, na bɛkata bɛ ti so.

Yeremia 14:4

Aseɛnwo ayɛ katerepee, ɔnate esue bɔ ɔndɔ ngua aseɛ ne aso ti; akuafoɛ nemɔ nyunu agua ase, na bɛkata bɛ ti so.

Yeremia 36:2

“Fa nwomaa bɔ babobɔ ɔ, na nikyee amukoraa bɔ mahã mahyire wɔ kyɛ ngɔyɔ ngotia Yisrael ne Yuda ne maen maen amukoraa, ofi kyẽa bɔ ndwudwo ngyirele wɔ, ofi Yosia aberɛ so bɔ ɔbaadwu ɛnɛ ne, kyerɛ gua nu.

Yeremia 5:24

Bɛndwene ye nwo kyɛ, ‘Ɛ́mɔma yɛsuro AWURADE yɛ Nyameɛ bɔ ɔma esue tɔ wɔ mmerɛ bɔ ɔsɛ ɔ nu, bamborɔ ne nyenyenzue, ná ɔnea kyɛ fieso nningyein koti mmerɛ bɔ yeɛ ɔsɛ ɔ nu.’

Yeremia 5:25

Ɛmɔ amumuyɛɛ ama sɔ nhyehyɛleɛ nemɔ asesã, na ɛmɔ bɔne ama nningyein paa abɔ ɛmɔ.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Yeremia 6:15

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Yeremia 8:12

Akyiwadeɛ nningyein bɔ bɛyɔle ne, aso ɔyɛle bɛ animguaseɛ? Daabi, wanyɛ bɛ nya koraa, bɛ nye ammɔ bɛ dwɛ po. Yiti bɛ koso bɛkɔtotɔ wɔ mmenia bɔ bɛtotɔ nemɔ anu. Mmerɛ bɔ ngɔhwe bɛ so ne, bekowuwu, AWURADE noa dwirɛ ɛne.

Yeremia 9:12

“Nwa yeɛ ɔte nworɛniɛ bɔ ɔkɔte ɛhe abo ɔ? Na nwa yeɛ AWURADE noa wadwudwo wahyire ye bɔ odi kyɛ ɔbɔ ye dawure ɔ? Nzu ati yeɛ aseɛ ne ayɛ pralaa kyɛ ɛserɛ so, maa ɔnate so ebiala mva so ye?

Hesekiel 3:7

Nakoso Yisrael awuro ama de, bengotie wɔ, ofikyɛ benguro kyɛ bekotie me; ofikyɛ Yisrael awuro ama amukoraa bɛte aniammɔwoho ne asoserɛ.

Lewitikɔso 26:19

Ngɔbrɛ anwoserɛ bɔ ɛmɔfa bekyire bɛ nwo ne ase, ngɔma ewienu bɔ ɔkata ɛmɔ so ne kɔyɛ kyɛ buralɛ, ná aseɛ bɔ ɛmɔte so ne ayɛ kyɛ kɔɔbere.

Amose 4:7

“Asa koso, mama esue ayakyi tɔlɛ wama ɛmɔ wɔ aberɛ bɔ wahã bosome nza koraka né buberɛ adwu ɔ; mama esue watɔ wagua kuro ko aso, yeɛ mamma wandɔ wangua kuro ko aso. Esue tɔ guale eboo ko aso, na eboo bɔ esue wandɔ wangua so ne, nu nningyein yerale.

Amose 4:8

Yiti nguro nyɔ anaa nza so ama behyinihyinini bɛhɔle kuro ko aso bɛɛnone nzue, nakoso nzue ne wande bɛ; nakoso ɛmɔanza bamma me berɛ,” AWURADE noa dwirɛ ɛne.

Sefania 2:1

Ɛmɔ, nyanzoen maen, ɛ́mɔhã ɛmɔ nwo bɛ́bɔ nu, ɛ́mɔboaboa ɛmɔ noa!

Sefania 3:5

AWURADE bɔ ɔwɔ ye nu de, ɔte teneneeniɛ, ɔnyɔ bɔ ɔtte mayee ɔ, ngyerɛmɔ biala ɔda ye pɛpɛɛpɛyɛlɛ ali, bɔ ɔnyakyi ye yɔlɛ koraa ɔ; nakoso bɔnefoɛ mɔ de, bɛnze nyanzoen.

Hagae 1:11

Na mato me sa mafrɛ wawa kandinga paa maa wape aseɛ so, mmokaa so, aburoo so, nzaa monɛ so, ngoo so, nikyee biala bɔ benya befi aseɛ so ɔ so, mmenia so, nyɛmmoa so, ɔne ɛmɔ sa noa adwuma mukoraa so.”

Deuteronomi 28:23

Ewienu bɔ ɔkata wɔ so ne kɔyɛ kyɛ kɔɔbere, na aseɛ bɔ egyi so ne kɔyɛ kyɛ buralɛ.

Hebrifoɛ 12:25

Ɛ́mɔnea yé na ɛmɔambo bɔ odwudwo ne dwirɛ. Na sɛ bɛ bɔ bɛpole kyɛ bekotie bɔ odwudwole wɔ aseɛ ye aso ne, benyane ye nwo asohwenɛ de a, nzaade ɔkɔyɛ sɛɛ bɔ sɛ yɛpo bɔ odwudwo kyire yɛ fi nyameɛso ne dwirɛ a, yɛngonya ye nwo asohwenɛ ɔ?