Yeremia 3:2 - AHYERƐLƐ KRONGRON

² To wɔ nye nea mmokaa pralaa nemɔ aso! Nisua yeɛ bɛ ne wɔ ammɔ adwaman ɔ? Ɛte atee mɔ noa yeɛ ɛnwondɛ wɔ kurofoɛ mɔ, kyɛ Araboniɛ bɔ ɔwɔ ɛserɛ so ɔ. Afa w’adwaman ne wɔ bɔne yɔleɛ agua aseɛ ne anwo fiɛ.

Yeremia 3:2 Iomraidhean Croise

Yeremia 2:20

Ofikyɛ ofi tete yeɛ mmubuli wɔ kɔnnua nu, yeɛ mmubuli wɔ panwu nu ɔ, na ɛhane kyɛ, “Mengɔso wɔ!” Nahorɛ nu, ɛkotole mmosoen ɛbɔle adwaman wɔ bokaa tendenn biala so ne bakaa monɛ biala abo.

Yeremia 2:7

Mvale ɛmɔ mmale aseɛ bɔ ɔkye aleɛ ɔ so, kyɛ ɛmɔli so aleɛ ne so nningyein paa nemɔ. Nakoso ɛmɔdwuli m’aseɛ ne aso ne, ɛmɔfale efiɛ bɛhane ye, ná ɛmɔmane m’agyapadeɛ yɛle akyiwadeɛ.

Gyenesise 38:14

ɔyele ye kuna ɛtena ne guale berɛ, na ɔfale ngatanyunu katale ye nyunu, na ɔfale ɛtena kuruli ye nwo ɔɔtenane Enaim tiwaa wɔ Timina atee so. Né wanwu kyɛ Hyela anyi, nakoso bamva Hyela bamma wangya ye.

Yeremia 3:1

Mebisa ɛmɔ kyɛ, “Sɛ bienzua bie yira ɔye, ná braa ne fi ye berɛ kɔ, ná sɛ biaa foforɛ gya ye a, aso biaa ne kosa koogya ye bieku? Aso sɔ aseɛ ne nwo ngogua fiɛ petee? Ayɛ gyanderaniɛ ɛne wɔ kurofoɛ pee babɔ adwaman, nakoso ɛpena kyɛ esa ba me berɛ? AWURADE noa dwirɛ ɛne.

Deuteronomi 12:2

Maen maen bɔ ɛmɔkwaatu bɛ befi berɛ ne, nekaa biala bɔ bɛsɔne bɛ nyameɛ mɔ nen, kyɛ mmokaa mbiri so oo, mmaa mmaa so oo, anaa bakaa monɛ biala bo oo, odi kyɛ ɛmɔsɛkye berɛ bɔkɔɔ.

Luka 16:23

Na ɔwɔ abɔnzam see nu, ná onwu amaneɛ nen, ɔtole ye nye anwuro, na onwuni Abraham wɔ dedeede ɔne Lasarɔso kyɛ ɔwɔ ye berɛ ɔ.

Hesekiel 16:16

Wɔ tena ne, ɛfale bie yɛle nzaasaa, na ɛfa yɔle wɔ mmosoen asɔneyɛɛ bɔ berɛ yeɛ ɛbɔle gyandera ɔ; bɔ sɔ nikyee ne ebie ossili le, bɔ ebie koso ngosi le ɔ.

Yeremia 7:29

Tete wɔ ti nwiaa gyi gua; bɔ awuye wɔ mmokaa pralaa nemɔ aso, ofikyɛ aworɛ ndoatoasoɛ bɔ bahu AWURADE ahone ne, wapo bɛ waye ye sa wafi bɛ bo.’

Yeremia 3:21

Mmenia te komviɛ bie wɔ mmokaa pralaa nemɔ aso, bɔ Yisrael mma mɔ besu bɛpa kyerɛ ɔ, ofikyɛ bali b’atee nwo makyebu, na bama bɛ wora afi AWURADE bɛ Nyameɛ.

Yeremia 3:9

Ɔnate kyɛ né ommu adwamanbɔlɛ kyɛ ɔtte mayee ne ati, oguale aseɛ ne anwo fiɛ, na ɔne nyɔboɛ mɔ ne mmakaa yeɛ bɛbɔle adwaman ɔ.

Yeremia 2:23

Ɔyɛ sɛɛ ati bɔ ɛkã kyɛ, “Me nwo ogguale fiɛ, mangɔanni Baal mɔ asi” ɔ? Nea w’atee bɔ ɔla bɔnza ne anu ne; nwu nikyee bɔ yeɛ ayɔ ɔ, afupɔngɔ akrɔngrɔma bɔ ye nwo yɛ nyera bɔ ohuru pepe ɔ,

Anyandera 23:28

Ɔtɛ kyɛ awerɔm awueniɛ, na ɔma mmienzua bɔ bɛsɛkye agyaa ɔ bɛsone pee.

Anyandera 7:11

Braa ne te sona bɔ wasɛkye, na ɔnze nyanzoen, na ɔndena ye awuro.

2 Ahemvo 23:13

Asɔneyɛɛ nemɔ bɔ bɛwɔ Yerusalem eyia afiteleɛ so, wɔ Ewue Bokaa ne ngwaen, bɔ Yisrael hene Solomon osi mane Sidonfoɛ bosoen Asetate bɔ ɔte akyiwadeɛ, Moabofoɛ bosoen Kemose bɔ ɔte akyiwadeɛ ɔne Amonfoɛ bosoen Milkom bɔ ɔte akyiwadeɛ ne, Nana Yosia fale efiɛ hane bɛ.

1 Ahemvo 11:3

Solomon gyale mmraa ɛyaa nzoo, yeɛ né ye sómaa mɔ te ɛyaa nza. Ɔye nemɔ mane ye adwene kakyili fili AWURADE nwo.

Hesekiel 20:28

Ofikyɛ, aseɛ bɔ ndale ye nwo ndaen kyɛ ngɔfa ngɔma bɛ ne, mvale bɛ mmale so nen, nekaa biala bɔ benwuni pambaa tendenn biala, anaa bakaa pusaa biala nen, bɛbɔle b’afɔleɛ wɔ berɛ, na bɛfale b’ayɛyɛdeɛ bɔ bɛfa bɛba ne behuli m’ahone. Berɛ yeɛ bɛbɔle ɛyɛɛ fonafona afɔleɛ, ná bɛbɔle bɛ nzaa afɔleɛ ɔ.

Edwein 106:38

Bɛhane mogya bɔ onni fɔ ɔ beguale, bɔ ɔte bɛ mma mmienzua ne mmrasua bɛ mogya, bɔ bɛfa bɛbɔle afɔleɛ bɛmane Kanaan mmosoen mɔ ɔ; na mogya ne mane efiɛ hane aseɛ ne.

Yeremia 3:13

Wɔ de, de w’amumuyɛɛ to nu, kyɛ ayɛ AWURADE wɔ Nyameɛ nwo lɔen, afa wɔ ɔdɔ ama ɛwɔfoɛ mɔ wɔ bakaa monɛ biala abo, na ɛmɔandie me noa dwirɛ, AWURADE noa dwirɛ ɛne.

Yeremia 12:12

Ɛserɛ so mmokaa pralaa ne amukoraa so, yeɛ sɛkyefoɛ nemɔ bawa ɔ, ofikyɛ AWURADE ngrandɛ ne okũkũ mmenia, fi aseɛ ne noa kɔkã ye noa; asomdwee nne berɛ mma sona biala.

Hosea 2:5

Ofikyɛ bɛ maame abɔ gyandera; bɔ ɔnwonzɛle bɛ ne wabɔ nyanzoen bra, ofikyɛ ɔnwa, ‘Me kurofoɛ mɔ bɔ bɛma me me noa aleɛ, me nzue, me boaen nwiaa ne me gyese, me ngoo ne me nzaa ne, ngogu bɛ so.’