Yeremia 26:3 - AHYERƐLƐ KRONGRON

³ Ebiaa bekotie, ná ebiala wahwe ye nwo wafi ye bɔne atee nwo, amaa ɔnate so amaneɛ bɔ ɔnate bɛ bɔne yɔleɛ ti madwene ye nwo kyɛ ngɔprapra ngogua bɛ so ne, masesã m’adwene wɔ ye nwo.

Yeremia 26:3 Iomraidhean Croise

1 Ahemvo 21:27

Ahabo tele sɔ dwirɛ ne nen, osunzuale ye bɔbɔ ye ndaadeɛ nu, na ɔherale ɛsɛen tena. Ɔyɔle akɔngyere, ɛsɛen tena yeɛ ɔfa gurɔle ye nwo ɔ, na olili aworabɔlɛ.

1 Ahemvo 21:29

“Anwu kyɛbɔ Ahabo wasi wabrɛ ye nwo ase wɔ me nyunu ɔ? Ɔnate kyɛ wabrɛ ye nwo ase wɔ me nyunu ne ati, mengɔma sɔ amaneɛ ne ngɔto ye mmerɛ bɔ ɔte ase ɔ; na mmom amaneɛ ne kɔwa Ahabo abusuafoɛ so wɔ ɔwa bɔ okoli ye bia ne ye aberɛ so.”

Yeremia 26:13

Yiti kekesaala ye, ɛ́mɔsakyera ɛmɔ adwene ne ɛmɔ yɔleɛ, ná ɛ́mɔtie AWURADE ɛmɔ Nyameɛ dwirɛ, na AWURADE kɔsesã ye adwene wɔ musue bɔ wahã kyɛ ɔkɔprapra kogua ɛmɔ so ne anwo.

Yeremia 26:19

Aso Yuda hene Hesekia ne Yudafoɛ amukoraa behuni ye anaa? Aso wanzuro AWURADE, yeɛ aso wanzrɛ AWURADE kyɛ ɔlo ye, maa ɔnate so AWURADE wanzesã ye adwene wɔ musue bɔ ɔhane kyɛ ɔkɔprapra kogua bɛ so ne anwo anaa? Nakoso yɛ de, musue piri paa yeɛ ɛmɔmaa yɛtwetwe yɛbrɛ yɛ nwo ɔ!”

Yeremia 36:3

Ebiaa Yuda awuro ama bɛkɔte musue amukoraa bɔ mayɛ m’adwene kyɛ ngɔprapra ngogua bɛ so ne, amaa ɔnate so ebiala asakyera ye adwene wafi ye bɔne atee nwo, ná mafa b’amumuyɛɛ ne bɛ bɔne mahyɛ bɛ.”

Yeremia 36:7

Ebiaa bɛkɔfa bɛ sufrɛ bɛkɔto AWURADE nyunu, na bɛ nu biala kɔsakyera ye adwene kofi ye bɔne atee nwo, ofikyɛ AWURADE ɛyaafɛlɛ ne ahonehulɛ bɔ wahã kyɛ ɔkɔmaa ɔkɔwa maen he aso ne, ɔte piri.”

Hesekiel 12:3

Yiti wɔ, sona wa, bɔ wɔ nningyein borɛ kyɛ sona bɔ bahye ye nnure ɔ, tu fi berɛ kɔ eyia bɔ bɛ nye tua ɔ; yɛ kyɛ sona bɔ bahye wɔ nnure ɔ, ná tu fi nekaa bɔ ɛte ne kɔ nekaa foforɛ bɔ bɛ nye tua ɔ. Bɛte abusua bɔ bayɛ lɔen ɔ, nakoso ebiaa bɛkɔte ye bo.

Hesekiel 18:21

“Nakoso sɛ bɔnefoɛ twe ye nwo fi ye bɔne amukoraa bɔ wayɔ ɔ nwo, ná odi m’ahyɛdeɛ mukoraa so, ná ɔyɔ bɔ ɔte paa ne bɔ ɔtengyɛ a, nahorɛ nu, okonya ngoa, na ongowu.

Hosea 11:9

Me yaafɛlɛ kandinga ne, mengɔye mengofite, mengosa mengɔsɛkye Efraim ko, ofikyɛ nde Nyameɛ, na nnde sona; nde Krongronniɛ bɔ ɔwɔ wɔ nu ɔ, na mengɔwa mengɔsɛkye kuro ne.

Yoel 2:14

Nwa yeɛ ɔse ɔ? Ebiaa okosa ye si kɔsesã ye adwene, ná wayakyi saleɛ wama ɛmɔ bɔ ɛmɔkɔfa bɛkɔbɔ aleɛ afɔleɛ ne anonneɛ afɔleɛ bɛkɔma AWURADE ɛmɔ Nyameɛ ɔ.

Yona 4:2

Na ɔbɔle mbaeɛ bisale AWURADE kyɛ, “Ao AWURADE, mesrɛ wɔ, mmerɛ bɔ né nwɔ me maen nu ne, aso nna edwirɛ he yeɛ ngane ɔ? Ye sɔ ti yeɛ nwatili kyɛ ahaa mekɔ Tasise ne, ofikyɛ mese kyɛ ɛte Nyameɛ bɔ ɛdo mmenia ná ɛse anwumvoin ɔ, w’ahone nhu ndɛ, wɔ ɔdɔ bɔ onni ngasi ne ɔte piri, na ɛsesã w’adwene wɔ musue bɔ ɛbaafa ba ɔ nwo.