Yeremia 2:2 - AHYERƐLƐ KRONGRON

² “Kɔ ná kɔbɔ ye dawure kyire Yerusalem kyɛ, AWURADE nwa nyoo: Mekaye wɔ ndaluwa nu anwofama ne, w’atɔmvorɛ mmerɛ nu ehurolɛ ne, mmerɛ bɔ elili me si wɔ ɛserɛ so, wɔ aseɛ bɔ né belluale so hwee ne aso ne.

Yeremia 2:2 Iomraidhean Croise

Hesekiel 16:60

Nakoso apam bɔ me ne wɔ yɛyɛle ye wɔ wɔ mmaayaa nu ne, ngɔkaye, na me ne wɔ yɛkɔyɛ apam afebɔɔ.

Hesekiel 16:8

“Na mmerɛ bɔ mebaapɛ nu wɔ nwo berɛ bieku ná nwuni wɔ nen, tie, né adwu ehurolɛ mmerɛ so; na ndrɛtrɛle me tena nu mva ngatale wɔ nwo bɔ ɔla so ne, na me ne wɔ yɛyɛle apam bɔ mvale ndaen mvoale so ɔ, na ɛɛyɛle me deɛ, AWURADE Nyameɛ noa dwirɛ ɛne.

Yeremia 11:6

Na AWURADE sele me kyɛ, “Bɔ sɔ dwirɛ hemɔ amukoraa dawure wɔ Yuda nguro nemɔ anu ne Yerusalem mmorɔnoɛ nemɔ aso kyɛ, Ɛ́mɔtie sɔ apam he anu dwirɛ, ná ɛmɔli so.

Yeremia 7:2

“Gyina AWURADE awuro anoa piri ne anu berɛ, ná bɔ sɔ dwirɛ he dawure wɔ berɛ kyɛ: Yudafoɛ amukoraa bɔ ɛmɔwura sɔ anoa mbiri hemɔ anu bɛkɔsɔne AWURADE ɔ, ɛ́mɔtie AWURADE dwirɛ.

Deuteronomi 2:7

Ofikyɛ AWURADE wɔ Nyameɛ ayira wɔ wɔ wɔ sa noa adwuma mukoraati nu, na wanea wɔ so wɔ ɛserɛ piri ye aso natelɛ nu. Afoɛ aburanna ɛhe yeɛ AWURADE wɔ Nyameɛ agyina wɔ si bɔ anhia nikye fee ɔ.’

Hosea 2:15

Ngɔfa ye bobe boo mɔ ngɔma ye wɔ berɛ, na ngɔma Akɔre bɔnza ne kɔyɛ anyelasoɛ anoa’. Berɛ yeɛ ɔkɔma mmuayɛɛ kyɛ ye ndaluwa nu ɔ, kyɛ mmerɛ bɔ ofi Misraim aseɛ so wale ne.

Yeremia 2:6

Bammisa kyɛ, ‘AWURADE wɔ nisua? Ye bɔ ɔyele yɛ fili Misraim aseɛ so wale ne, bɔ olili yɛ nyunu fale yɛ fale ɛserɛ so, aseɛ pralaa ne ngumaa aseɛ so, wɔ aseɛ bɔ esue ndɔ wɔ so, bɔ so te awosii kabii ne, aseɛ bɔ ebiala mbɛ nu wɔ so, bɔ ebiala ɔtte so ne.’

Deuteronomi 8:2

Kaye atee amukoraa bɔ AWURADE wɔ Nyameɛ maa ɛfale so wɔ ɛserɛ so sɔ afoɛ aburanna ye anu, kyɛ ɔbrɛ wɔ ase, ná oso wɔ nea onwu w’ahone nu dwirɛ, sɛ aso ekoli ye mmeraa dwirɛ so anaakyɛ engoli so.

Ɛksadɔso 14:31

Yisraelfoɛ nwuni tumi piri bɔ AWURADE fa ho tiale Misraimfoɛ ne. Yiti Yisraelfoɛ surole AWURADE, na belele AWURADE ne ye somvoɛ Mose belili.

Mateo 11:15

Bɔ ole asoɛ ne, maa otie!

Luka 12:13

Na ebie fili ɛlɔen ne anu sele Yesu kyɛ, “Kyerɛkyerɛniɛ, dwudwo kyire nniɛma ná ɔma yɛhyɛ agyapadeɛ bɔ bafa bayakyi yɛ ne.”

Yona 1:2

“Dwɔso kɔ Ninewe, sɔ kuro piri ne aso, ná bɔ ye dawure kyire bɛ kyɛ b’amumuyɛɛ wafo waadwu me nyunu.”

Hosea 8:1

“Fa totorobɛndo ne tua wɔ noa! Ɔkɔyɛ kyɛ kɔleɛ kɔwa AWURADE awuro ne aso, ofikyɛ babu m’apam ne aso, na bato me mmeraa ne.

Hesekiel 23:19

Nakoso ɔhɔle so lɔle asukɔ wɔ gyanderabɔlɛ nu, ɔkayele ye mmaayaa mmerɛ nu, mmerɛ bɔ né ɔbɔ gyandera wɔ Misraim aseɛ so ne.

Hesekiel 23:8

Ye gyandera bra bɔ ɔbɔle fili mmerɛ bɔ né ɔwɔ Misraim ne, wanyakyi; ofikyɛ ofi ye mmaayaa nu yeɛ mmienzua ne ye bala basosɔ ye ababunu nyɔfone nu, ná bɛ ne ye babɔ adwaman ɔ.

Hesekiel 23:3

Bɛbɔle gyandera wɔ Misraim; bɛbɔle gyandera wɔ bɛ mmaayaa nu’. Berɛ yeɛ bɛmaa bemiamiane bɛ nyɔfone ná bɛsosɔle bɛ nyɔfone mbokua nu ɔ.

Hesekiel 16:22

Na w’akyiwadeɛ yɔleɛ ne wɔ gyandera amukoraa nu ne, angaye mmerɛ bɔ né ɛte abaayaa, bɔ né wɔ nwo la so kwaterekwa, bɔ né ɛla wɔ mogya nu ɛbenzebenze wɔ nu ne.

Yeremia 19:2

ná kɔ Hinom Awa bɔnza bɔ ɔwɔ Nyangaa Bue Pambim ne noa ne anu. Na bɔ edwirɛ bɔ ngɔhã ngohyire wɔ ne dawure wɔ berɛ.

Yesaya 58:1

“Tea nu serɛserɛ, nnɛkã wɔ komvi ase, ma wɔ komvi so kyɛ totorobɛndo, kã me maen ye mmeraatolɛ kyire ye, ɔne Yakob bosofoɛ bɛ bɔne kyire bɛ.

Edwein Nu Dwein 3:11

O Sion mma mmrasua, ɛ́mɔfite bɛbra bɛɛnea Nana Solomon, kyɛ owura abotire bɔ ye maame fa bɔle ye wɔ kyẽa bɔ ɔfale atɔmvorɛ ne, ɔne kyẽa bɔ ye nye gyele paa ne.

Anyandera 1:20

Nworɛ tea nu serɛserɛ wɔ mmorɔnoɛ mɔ so, wama ye komvi so wɔ dwaa nemɔ aso.

Ɛksadɔso 16:8

Na Mose sele kyɛ, “Nɔsoa biala, AWURADE kɔma ɛmɔ naen ma ɛmɔkoli, na ngyerɛmɔ koso, ɔkɔma ɛmɔ aleɛ ma ɛmɔ ko koyi; ofikyɛ AWURADE ate kyɛ ɛmɔpenepene bɛ komvi begua ye so. Na yɛ de, yɛ ole nwa? Nna yɛ yeɛ ɛmɔpenepene bɛ komvi begua yɛ so ɔ, na mmom AWURADE.”

Yakobo 4:4

Agyaasɛkyelɛfoɛ! Ɛmɔnze kyɛ sɛ ɛmɔfa wiase abiɛngoɛ a, né ɛmɔpɔ Nyameɛ ɔ? Yiti ebiala bɔ okuro kyɛ ɔfa wiase abiɛngoɛ ne, ɔte Nyameɛ pɔfoɛ.

Nyekyire 2:4

Nakoso mebɔ wɔ kwaadu, ofikyɛ ayakyi ɔdɔ bɔ elili moa nyane ye ne anu.

Edwein 129:1

“Ofi me ngwadaa nu, mmerɛ pee yeɛ bafa koɛ baateta me ɔ, afei, Yisrael kã e:

Yeremia 2:1

Afei, AWURADE lale ye dwirɛ ali hyirele me kyɛ,

Yeremia 3:4

Aso anzu amvrɛ me kekesaala ye kyɛ’, ‘Me baba, ɛte me ndaluwa nu abiɛngoɛ,

Hosea 2:7

Ɔkɔpo ye kurofoɛ nemɔ aso, nakoso ɔngɔto bɛ; ɔkɔpena bɛ, nakoso ongonwu bɛ. Na ɔkɔhã kyɛ, ‘Ngosa ngɔhɔ ngoogya me hu daa ne, ofikyɛ né nningyein kɔ so yé ma me tra ɛnɛ.’

Deuteronomi 33:3

Yoo, ohurole ye mmenia dwirɛ, ye anwoteefoɛ amukoraati bewura ye sa; bebutubutu wɔ wɔ gya bo, na bedi wɔ dwirɛ so.

Edwein Nu Dwein 3:6

Nwa yeɛ ofi ɛserɛ so dɔ ɔba ye, bɔ ɔba kyɛ nwosina ningɔnn ye, bɔ korobo ne ɛyɛɛ ayɛ ye nwo fonafona ye, bɔ watutu dwadifoɛ sakyeɛfona amukoraa wagua ye nwo ye?

Hosea 2:17

Ofikyɛ ngɔye Baal mɔ dumaa ngofi ye noa nu, na bɛngɔbɔ bɛ dumaa bɛngɔkaye bɛ ko.

Hosea 9:10

Nwuni Yisrael kyɛ ɛserɛ so bobe mma. Nwuni ɛmɔ nana mɔ kyɛ bobe mma bɔ wali moa wasu wɔ ye sulɛ mmerɛ bɔ oli moa nu ɔ. Nakoso bedwuli Baal Peɔ nen, beguale bɛ nwo fiɛ bɛbɔle nyanzoen bra, na bɛ bɔbɔ bɛkakyili akyiwadeɛ te kyɛ nningyein bɔ né bekuro ne ala.

Hosea 11:1

Yisrael te akwadaa nen, né mekuro ye dwirɛ, na Misraim yeɛ mvrɛle mma bienzua ne mvili ɔ.