Yeremia 10:3 - AHYERƐLƐ KRONGRON

³ Maen maen nemɔ, b’amammerɛ nemɔ te nnakannaka. Ofikyɛ bebu ɛhɔayeɛ nu bakaa, na adwiililɛniɛ fa buralɛ ose.

Yeremia 10:3 Iomraidhean Croise

Edwein 115:4

Bɛ mmosoen nemɔ te ɛdwetɛ ne esikaa kɔkorɛ, bɛte mmenia sa noa adwuma.

Yesaya 45:20

“Amaen maen mɔ nu ama bɔ ɛmɔanya ɛmɔ ti badidi nu ɔ, ɛ́mɔboaboa ɛmɔ noa bɛ́bra, ɛ́mɔbɔ nu bépingye wa! Bɛ mmakaa amoen nemɔ, mmenia bɔ bɛsoa bɛnate, bɔ bɛtɛbɔ mbaeɛ bekyire mmosoen bɔ bɛngora ngoa de ne, nimdeɛ biala nne bɛ ti anu.

Yeremia 1:16

Na ɔnate b’amumuyɛɛ amukoraa bɔ bayɔ ne ati, ngobua bɛ ndɛen, ofikyɛ bapo me, bayera ɛyɛɛ bama mmosoen mɔ, na basɔne bɛ bɔbɔ bɛ sa noa nnwumaa.

Yeremia 10:8

Bɛ mukoraa bagyimi, yeɛ bɛte ngwaseafoɛ; mmosoen mɔ ngyerɛkyerɛ te mbaen.

Yeremia 14:22

Amaenmaenso mmosoen nemɔ, aso bɛ nu bie kɔhora kɔma esue kɔtɔ? Anaa ewienu kɔhora kɔma esue kɔnyenenyene? Ao AWURADE yɛ Nyameɛ, aso nna wɔ ɔ? Ye sɔ ne ati, yafa yɛ wora yawura wɔ nu, ofikyɛ wɔ yeɛ ɛyɔ ɛhemɔ amukoraa ɔ.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 2:5

AWURADE nwa nyoo: “Nzikyɛ mvomsoɛ yeɛ ɛmɔ nana mɔ benwuni ye wɔ me nwo, bɔ ɔnate so bɛhwene bɛ nwo befili me nwo bɛhɔle dedeede beelili nningyein mbaen mbaen si, maa bɛ koso bɛkakyili mmenia mbaen ɔ?

Lewitikɔso 18:30

Ɛ́mɔli m’ahyɛdeɛ so, na mmenia bɔ né bɛte aseɛ ne aso daa ne, akyiwadeɛ bɔ bɛyɔle ne, nnɛma ɛmɔyɔ bie, ná ɔnate so ɛmɔangua ɛmɔ nwo fiɛ: Me ole AWURADE ɛmɔ Nyameɛ.”

Mateo 6:7

“Sɛ ɛmɔbɔ mbaeɛ a, nnɛma ɛmɔyɛ ndoatoa kyɛ bosoensolɛfoɛ bɛyɔ ne; ofikyɛ bɛdwene kyɛ bɛ dwudwolɛ tendetende ne yeɛ ɔkɔmaa bekotie bɛ ɔ.

Asomafoɛ 19:26

Na ɛmɔnwu ye, yeɛ ɛmɔte kyɛ sɔ Pɔɔlo ne nwa, nyameɛ mɔ bɔ kuro sona afa ye sa wayɔ ne de bɛtte nyameɛ mɔ koraa; na watu mmeni pee foɛ wasesã b’adwene: nna Ɛfeso wa angome ɔ, na mmom Asia mbɔtam amukoraa.

Romanfoɛ 1:21

Né bɛse Nyameɛ de, nakoso banhyɛ ye animnyam kyɛ Nyameɛ, banna ye ase, na mmom b’adwene yɛle ngwaseaa adwene, na bɛ ti anu adwene yɛle awosii.

1 Petro 1:18

Ofikyɛ ɛmɔse kyɛ, bra fiɛ bɔ ɛmɔ nana mɔ fa yakyili ɛmɔ ne, nna nningyein bɔ bɛporɔ te kyɛ ɛdwetɛ anaa sikaa kɔkorɛ yeɛ bɛfa bɛyɛle ɛmɔ ti nyɔboɛ bɛpɔle ɛmɔ befili nu ɔ,