Yeremia 1:2 - AHYERƐLƐ KRONGRON

² Ye yeɛ AWURADE lale ye dwirɛ ali hyirele ye, wɔ Yosia bɔ ye baba ole Yuda hene Amon ne, ye ahennie afoɛ bɔ ɔtɔ so buru ne nza ne anu ɔ.

Yeremia 1:2 Iomraidhean Croise

1 Ahemvo 13:2

Nyameɛ sona ne teane nu fale AWURADE dwirɛ dwudwo tiale Betel afɔleɛ bokyea ne kyɛ, “Afɔleɛ bokyea, afɔleɛ bokyea, AWURADE nwa nyoo, ‘Bɛkɔwo baa bienzua bie wɔ Dawide awuro ama nu bɔ bɛfrɛ ye Yosia ɔ. Na asɔneyɛɛ so asɔfo mɔ bɔ bɛfa ɛyɛɛ bɛbɔ afɔleɛ wɔ wɔ so ne, wɔ so yeɛ Yosia kɔfa bɛ kɔbɔ afɔleɛ ɔ. Na ɔkɔyera kuro sona mmowue wɔ wɔ so.’ ”

1 Ahemvo 13:20

Bɛte poen nwo bɔ bedidi ne, AWURADE lale ye dwirɛ ali hyirele ngɔmhyɛlɛniɛ aworowaa bɔ ɔmaa osale ye si wale ne,

2 Ahemvo 21:18

Manase toale ye mbanyi mɔ. Turo bɔ ɔwɔ ye awuro berɛ bɔ bɛfrɛ ye Yusa turo ne, nu yeɛ besiele ye ɔ, na ɔwa bienzua Amon lili ye bia.

2 Ahemvo 21:24

Nakoso maen ne anu ama huhuni bɛ bɔ bɛbɔle Nana Amon nwo porɛ ne amukoraa, na maen ne anu ama fale ɔwa Yosia belili hene besili ye gya nu.

2 Ahemvo 22:3

Nana Yosia lili hene ne, ye afoɛ bɔ ɔtɔ so buru ne mmɔtwɛ ne anu, ɔfale ngraa somane Mesulam awa Asalia ɔwa Safan bɔ ye yeɛ ɔte AWURADE awuro berɛ ahyerɛlɛniɛ ne kyɛ,

Yeremia 1:11

Afei, AWURADE lale ye dwirɛ ali hyirele me kyɛ, “Yeremia, bɔ enwu ye e, nzikyɛ ɛne?” Na mmuale kyɛ, “Menwu atonwaa bakaa ye mmaen.”

Yeremia 1:4

Na ɔwale kyɛ, AWURADE lale ye dwirɛ ali hyirele me kyɛ,

Yeremia 25:3

“Ofi Yuda hene Yosia bɔ ye baba ole Amon ne, ye ahennie afoɛ bɔ ɔtɔ so buru ne nza bɔ ɔbaadwu ɛnɛ, bɔ ɔte afoɛ aburanyɔ ne nza ɔ, AWURADE ala ye dwirɛ ali ahyire me, na mahɔ so mahã mahyire ɛmɔ, nakoso ɛmɔandie.

Yeremia 28:12

Ngɔmhyɛlɛniɛ Hanania bubuli kɔnnua ne anu fili ngɔmhyɛlɛniɛ Yeremia kɔme anu ne, ye si ye, AWURADE lale ye dwirɛ ali hyirele Yeremia kyɛ,

Yeremia 3:6

Nana Yosia aberɛ so, AWURADE sele me kyɛ, “Yisrael bɔ onni nahorɛ mma me ne, anwu bɔ wayɔ ɔ? Kyɛbɔ osi fo hɔle bokaa biala so, ná ɔhɔle bakaa monɛ biala abo ɔɔbɔle adwaman wɔ berɛ ɔ?”

Yeremia 36:2

“Fa nwomaa bɔ babobɔ ɔ, na nikyee amukoraa bɔ mahã mahyire wɔ kyɛ ngɔyɔ ngotia Yisrael ne Yuda ne maen maen amukoraa, ofi kyẽa bɔ ndwudwo ngyirele wɔ, ofi Yosia aberɛ so bɔ ɔbaadwu ɛnɛ ne, kyerɛ gua nu.

Hosea 1:1

Yuda ahemvo Yusia, Yotam, Ahase ne Hesekia, yeɛ Yoase awa Yisrael hene Yeroboam, b’ahennie aberɛ so ne, AWURADE dwirɛ bɔ ɔlale ye ali hyirele Beeri awa Hosea ne, ye ɛhe.

Yoel 1:1

AWURADE dwirɛ bɔ ɔlale ye ali hyirele Petuel awa Yowel ne, ye ɛhe.

Yona 1:1

Na AWURADE lale ye dwirɛ ali hyirele Amitae awa Yona kyɛ,

Mika 1:1

AWURADE dwirɛ bɔ ɔlale ye ali hyirele Moreseteniɛ Mika, wɔ Yuda ahemvo Yotam, Ahase ne Hesekia b’aberɛ so, bɔ onwuni ye fale Samaria ne Yerusalem nwo ne, ye ɛhe.

Sefania 1:1

Yuda hene Yosia bɔ ɔte Amon awa ne, ye aberɛ so, AWURADE dwirɛ bɔ ɔlale ye ali hyirele Sefania bɔ ye baba ole Kuse bɔ ye baba ole Gedalia bɔ ye baba ole Amaria bɔ ye baba ole Hesekia ne, ye ɛhe: