Yakobo 5:8 - AHYERƐLƐ KRONGRON

⁸ Na ɛmɔ koso, ɔsɛ kyɛ ɛmɔnya aboterɛ, ɛ́mɔmia ɛmɔ nye, ofikyɛ Awurade walɛ ne apingye.

Yakobo 5:8 Iomraidhean Croise

Gyenesise 49:18

Ao AWURADE, wɔ ngoalelɛ yeɛ menea ye ate ɔ.

Edwein 130:5

Me nye la AWURADE so, me kra nye la ye so, na ye dwirɛ nu yeɛ me wora wura ɔ.

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Hesekiel 7:12

Mmerɛ ne adwu, kyẽa ne apingye; bɔ ɔtɔ nikyee ne, nnɛma ye nye gye, yeɛ bɔ ɔyɛ ye atɔen wora, nnɛma ye wora bɔ, ofikyɛ ahone ne ahu b’anwonya ne amukoraa so.

Mika 7:7

Yiti me de, AWURADE yeɛ me nye la ye so ɔ; ngɔfa me wora ngowura me ngoalelɛ Nyameɛ nu; me Nyameɛ kotie me.

Habakuku 2:3

Ofikyɛ nyekyire ne, ɔ́nwondɛ mmerɛ bɔ bahyehyɛ bato berɛ bama ye ɔ; ɔpe ndɛen kyɛ ɔkɔwa nu ɔ, na ɔngɔyɛ ngyɛkyerɛ. Sɛ ɔyɛ ngyɛkyerɛ po a, nwondɛ; ofikyɛ ɔkɔwa nu amba, ɔngɔyɛ ngyɛkyerɛ.

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Yohane 21:22

Yeɛ Yesu sele ye kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu? Wɔ de, di me si!”

Romanfoɛ 8:25

Na sɛ yɛ nye la bɔ yɛnnwu ye so a, ye de yɛfa aboterɛ yɛwondɛ.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Filipifoɛ 4:5

Ɛ́mɔma mmenia amukoraa bénwu ɛmɔ animia ne. Awurade apingye!

1 Tɛsalonikafoɛ 1:10

ná ɛmɔnwondɛ Ɔwa ne bɔ otingyele ye fili awufoɛ nu ne kyɛ okofi nyameɛso kɔwa ɔ; Yesu bɔ ɔpepɛ de yɛ fi ahonehulɛ bɔ ɔ́ba ne anu ne.

1 Tɛsalonikafoɛ 2:19

Na nzikyɛ yeɛ ɔte y’anyelasoɛ, anaa y’anigye, anaa yɛ ngonim abotire bɔ yɛkɔfa yɛkɔhoahoa yɛ nwo wɔ y’Awurade Yesu Kristo nyunu wɔ mmerɛ bɔ ɔkɔwa ne ɔ? Aso nna ɛmɔ ɔ?

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

2 Tɛsalonika 3:5

Yɛsrɛ Awurade kyɛ obukye ɛmɔ adwene nu ma ɛmɔte Nyameɛ ɔdɔ ne Kristo aboterɛ ne bo.

Yakobo 5:3

Ɛmɔ sikaa kɔkorɛ ne ɛdwetɛ ali naakye, na bɛ nwo naakye ne kɔyɛ adanzeɛ kotia ɛmɔ, na okodidi ɛmɔ nwonaen kyɛ see. Ɛmɔaboaboa agyapadeɛ noa wɔ ngyẽa bɔ oli nziɛ ye anu.

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!