Yakobo 5:7 - AHYERƐLƐ KRONGRON

⁷ Yiti aliɛmaa mɔ, ɛ́mɔnya ndoboaseɛ maa oodwu kyɛ Awurade kɔwa ɔ. Ɛ́mɔtie, kuaniɛ bɔ ɔnwondɛ ma aseɛ kye aleɛ bɔ ye nyɔboɛ yɛ se ne, onya ye nwo aboterɛ maa okodwu kyɛ feefee ne asuso kotikye ɔ.

Yakobo 5:7 Iomraidhean Croise

Yeremia 5:24

Bɛndwene ye nwo kyɛ, ‘Ɛ́mɔma yɛsuro AWURADE yɛ Nyameɛ bɔ ɔma esue tɔ wɔ mmerɛ bɔ ɔsɛ ɔ nu, bamborɔ ne nyenyenzue, ná ɔnea kyɛ fieso nningyein koti mmerɛ bɔ yeɛ ɔsɛ ɔ nu.’

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Yoel 2:23

Ɛmɔ, Sion mma mɔ, ɛ́mɔma ɛmɔ nye gye, ná ɛmɔli AWURADE ɛmɔ Nyameɛ nu ahurusi, ofikyɛ wama asuso atikye wama ɛmɔ wɔ mmerɛ bɔ ɔsɛ ɔ nu, na wama bamborɔ watɔ wama ɛmɔ, asuso ɔne bamborɔ kyɛ daa ne ala.

Sakaria 10:1

Odi kyɛ ɛmɔsrɛ AWURADE maa ɔtɔ esue wɔ bamborɔ mmerɛ nu; AWURADE bɔ ɔma esue muna ne, ye yeɛ ɔma esue tɔ pee ma mmenia ɔ, na ɔtɔ ma ebiala maa onya fieso aleɛ.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Mateo 16:28

Nahorɛ nu, mekã mekyire ɛmɔ kyɛ, mmenia biemɔ gyigyi wa bɔ bengonwu ewue kɔpem kyɛ bekonwu Sona Awa ne kyɛ ɔ́ba ye ahennie nu ɔ.”

Mateo 24:27

Na kyɛbɔ agralaa tete fi eyia afiteleɛ, ná ɔta kodwu eyia atɔleɛ ne, sɔ ala yeɛ Sona Awa ne walɛ ne koso ɔkɔyɛ ɔ.

Mateo 24:44

Yiti ɛmɔ koso, ɛ́mɔboaboa ɛmɔ nwo bésie, ɔnate kyɛ mmerɛ bɔ ɛmɔnzusu ɔ nu yeɛ Sona Awa ne kɔwa ɔ.

Luka 18:8

Na mekã mekyire ɛmɔ kyɛ, okoli bɛ dwirɛ kɔma bɛ ndɛndɛ. Nakoso, Sona Awa ne ba a, aso okonwu gyidie wɔ aseɛ ye aso?”

Luka 21:27

Na afei mmenia konwu Sona Awa ne kyɛ ole tumi ne animnyam piri ɔ́ba wɔ munungum nu ɔ.

Luka 8:15

Na bɔ beguale aseɛ paa so ne, bɛ ole mmenia bɔ bɛte dwirɛ ne a, bɛfa ahone paa ɔne bɔ nu te ɔ bɛsɔ nu bum, na begyina pindinn besu mmaa.

Yohane 21:22

Yeɛ Yesu sele ye kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu? Wɔ de, di me si!”

Yohane 21:23

Na edwirɛ he trɛle aliɛmaa nemɔ anu kyɛ sɔ suaniɛ ne ongowu; nakoso Yesu anga angyire ye kyɛ ongowu, na mmom ɔhane kyɛ, “Sɛ mekuro kyɛ ɔtena berɛ kodwu kyɛ ngɔwa a, ɔfa wɔ nwo nzu?”

Romanfoɛ 15:4

Na nikyee biala bɔ bɛhyerɛ bɛtole berɛ tetetete ne, bɛhyerɛle maa ɔyɛle ngyerɛkyerɛ mane yɛ, kyɛ yɛfa aboterɛ ne Ahyerɛlɛ ne anu aworakyekyerɛ so yɛnya anyelasoɛ.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

1 Korintofoɛ 1:7

bɔ ɔmaa ɛmɔ ndɔ sii wɔ adom akyɛdeɛ biala nu, wɔ aberɛ bɔ ɛmɔnwondɛ y’Awurade Yesu Kristo walɛ ne ɔ.

Galatiafoɛ 5:5

Na yɛ de, gyidie yeɛ yɛfa yɛnate Sunzum ne so bɔ yanya tenenee nwo anyelasoɛ ɔ.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Deuteronomi 11:14

ye de ɔkɔma esue kɔtɔ kogua ɛmɔ aseɛ so mmerɛ bɔ ɔsɛ ɔ nu, asuso ne bokyisue, na ɔnate so ekonya aburoo ne nzaa ne ngoo.

Kolosefoɛ 1:11

Yɛsrɛ kyɛ ɔma ɛmɔ tumi amukoraa ma ɛmɔgyina pindinn, kyɛbɔ ye animnyam tumi te ne, ná ɛmɔahora bafa aboterɛ ne animia amukoraa bagyina wɔ anigye nu,

1 Tɛsalonikafoɛ 1:3

Na mmerɛ biala yɛkaye ɛmɔ gyidie adwuma, ɔne ɛmɔ adwumayɔlɛ bɔ ofi ɔdɔ nu, ɔne ɛmɔ anyelasoɛ bɔ ogyi berɛ pindinn wɔ y’Awurade Yesu Kristo nu ne, wɔ yɛ Baba Nyameɛ nyunu.

1 Tɛsalonikafoɛ 2:19

Na nzikyɛ yeɛ ɔte y’anyelasoɛ, anaa y’anigye, anaa yɛ ngonim abotire bɔ yɛkɔfa yɛkɔhoahoa yɛ nwo wɔ y’Awurade Yesu Kristo nyunu wɔ mmerɛ bɔ ɔkɔwa ne ɔ? Aso nna ɛmɔ ɔ?

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

Hebrifoɛ 6:15

Abraham nyane aboterɛ nwondɛle, na ye sa hane bɔhyɛ ne.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

Yakobo 5:10

Aliɛmaa mɔ, ngɔmhyɛlɛfoɛ bɔ bedwudwole Awurade dumaa nu ne, ɛ́mɔfa bɛ bɛ́yɛ amaneɛnwunɛ ne aboterɛ nwo nhwɛsoɛ.

Yakobo 5:3

Ɛmɔ sikaa kɔkorɛ ne ɛdwetɛ ali naakye, na bɛ nwo naakye ne kɔyɛ adanzeɛ kotia ɛmɔ, na okodidi ɛmɔ nwonaen kyɛ see. Ɛmɔaboaboa agyapadeɛ noa wɔ ngyẽa bɔ oli nziɛ ye anu.

2 Petro 3:4

ná babisa kyɛ, “Ye walɛ ne nwo bɔhyɛ ne, ɔyɛle sɛɛ bɔ ɔwwale nu ɔ? Ofikyɛ, ofi mmerɛ bɔ yɛ nana mɔ bɛlelale ɔ, kyɛbɔ nikyee biala te fi mmerɛ bɔ Ɛdangama bɔle aleɛ ne, sɔ ala yeɛ ɔte ɔ!”