Yakobo 5:5 - AHYERƐLƐ KRONGRON

⁵ Ɛmɔ asetena nu wɔ aseɛ ye aso te anigye ne ahohwibra; na ɛmɔayɛ bɛ nwo twɔtwɔfee bama akumyɛɛ kyẽa ne.

Yakobo 5:5 Iomraidhean Croise

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Edwein 73:7

Bayɛ piri ma bɛ nye asi ayɛ kutukutuu, ngwaseasɛm yeɛ wayi bɛ ti anu to ɔ.

Anyandera 17:1

Edi nzammoa bɔ wawo ná wɔ so anu tɔ wɔ a, ɔte paa tra awuro bɔ afɔleɛbɔlɛ ngome, nakoso nu te ngondii ɔ.

Anyandera 7:14

“Mabɔ asomdwee afɔleɛ, yeɛ matua m’aboadeɛ ɛnɛ;

Nworɛ Dwirɛhanɛniɛ 11:9

Aberandeɛ, ma wɔ nye gye wɔ wɔ mmerandeɛ nu, nya anigye wɔ wɔ nu wɔ wɔ mmerandeɛ nu. Yɔ bɔ wɔ nye gye ye nwo ɔ ɔne bɔ ɔte wɔ nye so akɔnnɔ ɔ, nakoso nwu ye kyɛ, Nyameɛ kobua wɔ ndɛen wɔ bɔ ɛkɔyɔ amukoraa nwo.

Yesaya 22:13

Nakoso nea: anwosɛpɛlɛ ne anigye, nandwie ne mmoaen hunɛ, naenlilɛ ne nzaanonɛ. (Na ɛmɔnwa) “Ɛ́mɔma yɛdidi ná yɛno, ofikyɛ ɛhema né yawu.”

Yesaya 3:16

Asa koso, AWURADE hane kyɛ, Ɔnate kyɛ Sion mma mmrasua te ahandaen, bɛ kɔme la bɛ nwo, bɛtwetwe bɛ nye asi bɛnate, bɛyeye bɛ gya ngoko ngoko, ná bɛma ngaa bɔ ogua bɛ gya wosowoso ne ati,

Yesaya 47:8

Yiti afei tie sɔ dwirɛ ɛhe, wɔ bɔ ekuro anigye ɔ, bɔ wɔ so anu atɔ wɔ wɔ asetena nu ɔ, bɔ ɛkã ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ; mengɔyɛ kunaniɛ, yeɛ mengoli abawuo.’

Yesaya 56:12

“Bɛkã kyɛ, ‘Ɛmɔbra, mekwaafa nzaa meba, ɛ́mɔma yɛ́no nzaa serɛ yɛ́bo, na ɛhema koso ɔkɔyɛ kyɛ ɛnɛ ala, na ɔkɔtra so po!’ ”

Yeremia 12:3

Nakoso AWURADE, wɔ de ɛse me. Anwu me aso me anea, na anwu kyɛbɔ nzi nde ɔ. Twe bɛ kɔ kyɛ mmoaen bɔ bɛ́fa bɛ bɛ́kɔ akumyɛɛ ɔ, na tu bɛ sie berɛ ma ehunɛ kyẽa ne.

Yeremia 25:34

“Ɛmɔ, mmoaenneafoɛ, ɛ́mɔbɔ awuye ná ɛ́mɔsu; mmoaen kure nemɔ so atitire mɔ, ɛ́mɔmunumunu ɛmɔ nwo wɔ nzoen nu, ofikyɛ ɛmɔ hunɛ ne ɛmɔ ayabɔlɛ ngyẽa ne wadwu, na ɛmɔkowuwu kyɛ mmoaen nyii bɔ balɔ ɔ.

Hesekiel 16:49

Tie, eliɛma brasua Sodom ye amumuyɛɛ ɛhe: ɔne ye mma mmrasua mɔ bɛyɛle ahandaen, adidi mmorosoɛ, benyane bɛ nwo mane bɛ so anu tɔle bɛ, yeɛ bammoka ehiafoɛ ne bɛ bɔ bɛyɛ anwumvo ɔ.

Hesekiel 39:17

“Na wɔ, Sona awa, AWURADE Nyameɛ nwa nyoo: Se nnomaa ahoroɔ amukoraa ne eburo ngaka amukoraa kyɛ, ‘Ɛ́mɔhã bɛ nwo bɛbɔ nu bɛbra, ɛ́mɔboaboa ɛmɔ noa béfi nekaa biala bɛbra m’afɔleɛ poentolɛ bɔ meto mema ɛmɔ ne abo. Ɔte Yisrael mmokaa so afɔleɛ poentolɛ kandinga, na ɛmɔkoli naen bɛkɔno mogya.

Amose 6:1

“Bɛ bɔ bɛ nwo atɔ bɛ wɔ Sion, yeɛ bɛ bɔ bɛfa bɛ wora bewura Samaria bokaa nu ɔ, maen maen mbanyi mɔ nu atitire mɔ bɔ Yisrael awuro ama bɛbapena mmokalɛ befi ɛmɔ berɛ ɔ, ɛmɔ yaakɔ!

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Romanfoɛ 13:13

Ɛ́mɔma yɛbɔ bra paa bɔ ɔfata alehyeleɛ ɔ, na nna kyɛ anigye mmorosoɛ ne nzaabolɛ nu, nna adwamanbɔlɛ ne ahohwie nu, ngondii ne anyeboroborolɛ nu.

1 Timoteo 5:6

Nakoso brasua kunaniɛ bɔ wama ahohwibra ali ye ti ne de, ɔte teaseawuo.

2 Timoteo 3:4

bɛ bɔ bɛye bɛ mmango mɔ bɛma, asobrakyeɛfoɛ, bekoli bɛ ti piri, ná bahuro anigye batra Nyameɛ;

2 Petro 2:13

na ɔkɔyɛ bɛ bɔne yɔleɛ ne nwo akatuaa. Bɛ nye gye kyɛ bɛkɔbɔ ahohwibra eyia ketee ɔ. Bɛte ngekaleawa ne nnɛen, na bɛbɔ ahohwibra wɔ b’anigye nu, wɔ mmerɛ bɔ bɛne ɛmɔ didi ɔ.

Yuda 1:12

Sɔ mmenia nemɔ, bɛte ngekalewa wɔ ɛmɔ ɔdɔ adidie bo, bɛne ɛmɔ didi a, bɛte mmoaenneafoɛ bɔ bɛ ngome bɛ ko yeɛ ohia bɛ ɔ, bɛte munungum bɔ nzue nne nu bɔ mvrama fa ye kyinikyini ɔ; mmakaa bɔ odwu bɛ sulɛ a benzu mma ɔ, bawu pɛen nyɔ, bɔ bɛ bo atutu ɔ,

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

1 Samuel 25:36

Na Abigail sa hɔle awuro wɔ Nabal berɛ ne, né Nabal ato poen wɔ ye awuro berɛ kyɛ ahemvo poentolɛ. Né ɔgye ye nye, ofikyɛ né wabo sram; yiti Abigail anga hwee wangyire ye kɔpem kyɛ aleɛ hyene ɔ.

1 Samuel 25:6

Ɛmɔhã behyire ye bɛma me kyɛ, ‘Asomdwee ha wɔ, asomdwee ha w’awuro ama, asomdwee ha bɔ ele ye amukoraati.