Yakobo 5:4 - AHYERƐLƐ KRONGRON

⁴ Ɛ́mɔtie! Apaafoɛ bɔ bɛyɔle ɛmɔ fieso adwuma ne, b’akatuaa bɔ ɛmɔnate asisie so bɛfa besiele ne, ɔtea nu; na bɛ bɔ bɛtele ɛmɔ fieso nnɔbaeɛ ne, bɛ suɛ ne waadwu Asafo Awurade so anu.

Yakobo 5:4 Iomraidhean Croise

Gyenesise 4:10

Na AWURADE sele kyɛ, “Nzikyɛ nikye yeɛ ayɔ ye? Eliɛma ne, ye mogya ɔteatea nu sũ frɛ me fi aseɛnwo.

YOB NWOMAA NE 34:28

Bɛmane mmenia bɔ bɛyɛ anwumvo ɔ bɛ suɛ dwuli ye nyunu, na wate bɛ bɔ benwu amaneɛ ɔ bɛ suɛ.

YOB NWOMAA NE 7:2

Ɔte kyɛ kanganiɛ bɔ ɔpena fɔnwoo nu tena ɔ, ɔte kyɛ paaniɛ bɔ ɔnwondɛ ye akatuaa ɔ.

Edwein 9:12

Ofikyɛ ye bɔ ɔtɔ mogya so wereɛ ne, ɔkaye bɛ bɔ bɛwɔ amaneɛ nu ɔ, na ɔmma ye wora mvi bɛ sufrɛ.

Ɛksadɔso 22:27

ofikyɛ ye tena ala ɛne, bɔ ɔfa kata ye nwo hɔ ɛne. Nzu yeɛ ɔ́fa gurɔ ye nwo ɔla ɔ? Na sɛ osũ frɛ me a, ngotie ye, ofikyɛ mese anwumvoin.

Ɛksadɔso 3:9

Afei de, awuye bɔ Yisraelfoɛ bɛbɔ ne wadwu me nyunu, na manwu ɛhyɛlɛ bɔ Misraimfoɛ bɛhyɛ bɛ ne.

Yesaya 1:9

Sɛ Asafo AWURADE anyakyi yɛ mmenia kãa bie ma bannya bɛ ti bannidi nu a, ahaa yayɛ kyɛ Sodom, ahaa yakakyi kyɛ Gomora.

Yesaya 5:7

Hmmm, Asafo AWURADE bobe boo ne, ye ole Yisrael awuro ama, yeɛ Yudafoɛ wora bɛte ye boo bɔ ɔyɛ ye nyemene ɔ. Ahaa né ɔpena kyɛ onwu ndɛenbualɛ turoloo, nakoso onwu aminɛlilɛ, ahaa né ɔpena kyɛ onwu tenenee, nakoso awuyebɔlɛ yeɛ ɔte ɔ!

Yesaya 5:9

Asafo AWURADE ahã agua me so anu kyɛ, “Nahorɛ nu, awuro pee kɔbɔ, awuro mbiri mbiri nyemenenyemene mɔ kɔkakyi dandue.

Yeremia 22:13

Musue to sona bɔ ɔnate amumuyɛɛ so ɔkyekye ye awuro, bɔ ɔnate asisie atee so ɔfa osi ye aborɔsaen, bɔ ɔma obiɛngo yɔ ye adwuma mbaen, bɔ ɔmva ye akatuaa mma ye,

Lewitikɔso 19:13

“Nnɛdi ebiɛngo ndurum, nnɛwua ye, yeɛ nnɛfa paaniɛ akatuaa wura wɔ nwo ma aleɛ kye so.

Habakuku 2:11

Ofikyɛ nyɔboɛ ne kofi fasue ne anu kɔtea nu, na mbuna ne kofi ndaboa ne anu kosuro so.

Malaki 3:5

“Na afei ngɔhwe ngopingye ɛmɔ ngobua ndɛen. Ngoli adanzeɛ ndɛndɛ so ngotia ngonyaayelɛfoɛ, agyaasɛkyelɛfoɛ, bɛ bɔ bɛta ngondombo ndaen, bɛ bɔ besisi paafoɛ wɔ b’akatuaa nwo, bɛ bɔ bedi kunafoɛ ne nyisiaa aminɛ, bɛ bɔ besisi ɛwɔfoɛ ná benzuro me ɔ, Asafo AWURADE noa dwirɛ ɛne.

Mateo 9:37

Yeɛ osele ye asuafoɛ nemɔ kyɛ, “Nnɔbaeɛtelɛ adwuma ne sone, nakoso adwumayɔlɛfoɛ nemɔ bɛte kãa.

Luka 18:7

Na bɛ bɔ Nyameɛ aneanea nu waye bɛ, bɔ besu bɛfrɛ ye eyia ne kɔngɔen ne, sɛ ɔto ye bo ase ɔkyɛ kãa wɔ bɛ nwo a, aso ongoli bɛ dwirɛ ngɔma bɛ anaa?

Romanfoɛ 9:29

Kyɛbɔ Yesaya hã tole berɛ kyɛ, “Sɛ Asafo Awurade wanyakyi mmaa wamma yɛ a, ahaa yayɛ kyɛ Sodom, ná yakakyi kyɛ Gomora.”

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Kolosefoɛ 4:1

Meneɛ mɔ, edwirɛ bɔ ɔte pɛpɛɛpɛ ná ɔtengyɛ yeɛ ɛ́mɔfa beli ɛmɔ ngoaa mɔ ɔ, ofikyɛ ɛmɔse kyɛ ɛmɔ koso ɛmɔle Meneɛ wɔ nyameɛso.