Yakobo 5:20 - AHYERƐLƐ KRONGRON

²⁰ ɛ́mɔkaye kyɛ, ebiala bɔ ɔkɔfa bɔnefoɛ kofi ye makyebu atee so kosa kɔwa ne, okole ye kra kofi ewue nu, na ɔkɔkata bɔne pee so.

Yakobo 5:20 Iomraidhean Croise

Edwein 32:1

Sona bɔ Nyameɛ afa ye mmeraatolɛ wahyɛ ye, ná wakyikyi ye bɔne ne, onya saleɛ.

Anyandera 10:12

Ɛpɔen twetwe ngondii ba, nakoso ɔdɔ de, ɔkata mvomsoɛ amukoraa so.

Anyandera 10:2

Anwonya bɔ amva atee paa so annya ye ne, mvasoɛ biala nne so, nakoso tenenee bra de, ode wɔ fi ewue nu.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Anyandera 17:9

Sona fa mvomsoɛ kyɛ a, né ɔpena koyɛlɛ, nakoso bɔ ɔsɔ dwirɛ nu a ɔnyakyi ne de, ɔtete abiɛngoɛ nu.

Yohane 5:24

“Nahorɛ nu paa, mekã mekyire ɛmɔ kyɛ, ebiala bɔ ɔte me dwirɛ, ná ode bɔ ɔsomane me ne di nen, ole daa ngoa; bengobua ye foɛ, na mmom wapɛ nu wafi ewue nu wahɔ ngoa nu.

Romanfoɛ 11:14

kyɛbɔ ɔkɔyɛ bɔ me bɔbɔ me mmenia Yudafoɛ bɛ nye kɔboro ɔ, bɔ ɔnate so bɛ nu biemɔ konya daa ngoa ɔ.

1 Korintofoɛ 1:21

Ɔnate Nyameɛ nworɛ (nhyehyɛleɛ) ne ati, adasammaa bangora bamva bɛ nworɛ so bannwu Nyameɛ. Yiti ɔsɔle Nyameɛ nye kyɛ ɔkɔfa edwirɛ bɔ yɛkã, bɔ bebu ye ngwaseasɛm ne aso kole bɛ bɔ bede bedi ne ngoa.

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.

1 Timoteo 4:16

Nea wɔ nwo yé ɔne wɔ ngyerɛkyerɛ nwo yé, kɔ so tira nu; ofikyɛ sɛ ɛyɔ sɔ a, ekole wɔ nwo ne w’atiefoɛ ngoa.

Filemɔn 1:19

Me Pɔɔlo, me bɔbɔ me sa noa ahyerɛlɛ ɛhe: Ngotua wɔ kerɛ bɔ ɔma wɔ ɔ; na ahaa menguro kyɛ mefa me noa mebɔ so kyɛ wɔ sona mumua ne po ɔma me kerɛ.

Yakobo 1:15

Na sɛ akɔnnɔ ne ɔnwonzɛ a, ɔwo bɔne; yeɛ sɛ bɔne koso onyi yie a, ɔwo ewue.

Yakobo 1:21

Yiti ɛ́mɔgyi bra fiɛ ne bɔne yɔleɛ amukoraa bégua, ná ɛ́mɔfa anwobrɛaseɛ betira edwirɛ bɔ balua ye wɔ ɛmɔ nu ne anu, na ye yeɛ ɔkora de ɛmɔ kra ngoa ɔ.

Yakobo 5:15

Gyidie mbaeɛ kole yarefoɛ ne ngoa, na Awurade kɔpagya ye; na sɛ wayɔ bɔne a, ɔkɔfa kɔhyɛ ye.

Yakobo 5:19

Nniɛma mɔ, sɛ ɛmɔ nu bie di nahorɛ ne nwo makyebu, ná ebie sa fa ye ba a,

1 Petro 4:8

Bɔ ɔtra so ɔ, ɛmɔhurohuro ɛmɔ nwo dwirɛ nahorɛ nu, ofikyɛ ɔdɔ kata bɔne pee so.

Nyekyire 20:6

Na ebiala bɔ ɔboka ewutingyelɛ bɔ oli moa ne aso ne, wanya saleɛ, na ɔte krongron. Sɔ mmenia ne, ewue bɔ ɔtɔ so nyɔ ne olle bɛ so tumi, na mmom bɛkɔyɛ Nyameɛ ne Kristo asɔfo, na bɛne ye koli hene afoɛ apee ko.