Yakobo 5:16 - AHYERƐLƐ KRONGRON

¹⁶ Yiti ɛ́mɔkekã ɛmɔ mvomsoɛ behyirehyire ɛmɔ nwo, ná ɛ́mɔbobɔ mbaeɛ bɛma ɛmɔ nwo, amaa ɛmɔate apɔ. Na teneneeniɛ mbaeɛ bɔ nu yɛ se ne, ɔkora yɔ nikyee biala.

Yakobo 5:16 Iomraidhean Croise

Gyenesise 19:29

Yiti mmerɛ bɔ Nyameɛ sɛkyele nguro bɔ bɛwɔ aseɛ frɛtɛɛ ne aso nen, ɔkayele Abraham, na amaneɛ bɔ ɔtole nguro bɔ Lɔto tenane so nemɔ maa bɛbɔle ne, ɔyele Lɔto fili nu.

Gyenesise 20:17

Afei Abraham srɛle Nyameɛ, na Nyameɛ sale Abimɛlɛke ne ɔye ne ye afaneɛ mɔ anwonyerɛ, na afei bɛhora bɛwowole.

Gyenesise 20:7

Yiti sá fa biaa n’aye kɔma ye: ɔte ngɔmhyɛlɛniɛ, na okoli wɔ ti dwirɛ kɔma wɔ maa ekonya ngoa. Nakoso sɛ amva ye angɔ amma ye a, ye de kaye kyɛ ewue yeɛ ekowu ɔ, ɛne wɔ nwo ama ne wɔ nyɛmmoa mukoraati.”

Gyenesise 32:28

Na osele Yakob kyɛ, “Bɛngɔfrɛ wɔ Yakob ko, na mmom Yisrael, ofikyɛ ɛne Nyameɛ ne mmenia apereapereɛ so, na ali ngonim.”

2 Samuel 19:19

na osele Nana Dawide kyɛ, “Me mene, mesrɛ wɔ ala, nnɛnea me bɔne bɔ mayɔ ɔ. Nana, me mene, mvomsoɛ bɔ w’akoaa nyɔle ye kyẽa bɔ efili Yerusalem ne, mesrɛ wɔ, bu wɔ nye gua so. Nana, nnɛfa sie wɔ ti anu.

1 Ahemvo 13:6

Yeɛ Nana Yeroboam sele Nyameɛ sona ne kyɛ, “Srɛ AWURADE wɔ Nyameɛ maa onwu me anwumvoin, ná bɔ mbaeɛ ma me maa me sa ne osa ɔyɛ paa.” Yiti Nyameɛ sona ne srɛle AWURADE mane Nana Yeroboam sa ne yɛle paa, na ɔyɛle kyɛ ye daa ne ala.

2 Aberɛso Dwirɛ 30:20

AWURADE tiele Hesekia mbaeɛ ne, na ɔsale mmenia ne anwonyerɛ.

YOB NWOMAA NE 42:8

Yiti ɛ́mɔfa nandwie nyii nzoo ne mmoaen nyii nzoo, ná ɛmɔhɔ me somvoɛ Yob berɛ bɛɛbɔ ɛmɔ ti naen yeralɛ afɔleɛ. Me somvoɛ Yob kɔbɔ mbaeɛ kɔma ɛmɔ, ofikyɛ ngotie ye mbaeɛ, na mengogyina ɛmɔ ngwaseasɛm ne aso me ne ɛmɔ ngoli. Ofikyɛ ɛmɔanga me nwo dwirɛ nahorɛ nu, kyɛbɔ me somvoɛ Yob de waha ye nahorɛ nu ne.”

Edwein 34:15

AWURADE nye wɔ teneneefoɛ so, na ɔyɛ asoɛ tie bɛ sufrɛ.

Ɛksadɔso 17:11

Na sɛ Mose ma ye sa so a, né Yisraelfoɛ bédi ngonim; yeɛ sɛ ɔka ye sa ase a, né Amalɛkefoɛ bédi ngonim.

Ɛksadɔso 9:33

Mose fili Faro awuro berɛ, ofili kuro ne anu, ɔtrɛle ye sa nu srɛle AWURADE, na agralaa ne asukɔtwea nyɔboɛ ne yakyili, na esue ne andɔ angua aseɛ ne aso ko.

Anyandera 15:29

AWURADE ne bɔnefoɛ b’afia atee wale, nakoso teneneefoɛ de, otie bɛ mbaeɛ.

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yeremia 15:1

Na AWURADE sele me kyɛ, “Sɛ Mose ne Samuel po bɛbagyina me nyunu bɛpa kyerɛ a, me kra ngonwu maen he anwumvoin. Foa bɛ fi me nye so maa bɛhɔ!

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Yeremia 42:2

na besele ngɔmhyɛlɛniɛ Yeremia kyɛ, “Yɛsrɛ wɔ ala, tie yɛ sufrɛ, ná bɔ mbaeɛ kyire AWURADE wɔ Nyameɛ ma yɛ, yɛ mmenia ngaa bɔ yaha ye (ofikyɛ mmenia wora ye, yɛ nu kãa bie yeɛ yaha ɔ, kyɛbɔ wɔ nye tua yɛ ye),

Numeri 11:2

Nakoso mmenia ne sũ frɛle Mose. Mose srɛle AWURADE na see ne nuane.

Mateo 21:22

Na nikyee biala bɔ ɛmɔkobisa ye wɔ mbaeɛbɔlɛ nu, ná ɛmɔde bedi nen, ɛmɔ sa kɔhã ye.”

Mateo 3:6

na bɛhane bɛ bɔne maa ɔbɔle bɛ asu wɔ asue Yɔɔdan nu.

Marko 1:5

Na Yudea aseɛ so ama amukoraa ne Yerusalemfoɛ bɛhɔle ye berɛ; na bɛɛhane bɛ bɔne maa ɔbɔle bɛ mukoraa asu wɔ asue Yɔɔdan nu.

Luka 9:6

Na besili nu bɛhɔle nguraa nemɔ anu bɛɛhane nzɛmba ne, na bɛsale anwonyerɛ nekaa biala.

Yohane 9:31

Yɛse kyɛ Nyameɛ ndie bɔnefoɛ mɔ, nakoso sɛ ebie sɔne Nyameɛ ná ɔyɛ ye apɛdeɛ a, ye yeɛ Nyameɛ tie ye ɔ.

Asomafoɛ 10:38

kyɛbɔ Nyameɛ fale Sunzum Krongron ne tumi popale Yesu bɔ ofi Nasarɛte; kyɛbɔ ohyinihyini yɛlɛ paa, ɔsale bɛ bɔ abɔnzam hyɛ bɛ so amukoraa anwonyerɛ ɔ, ofikyɛ Nyameɛ boka ye so.

Asomafoɛ 19:18

Na bɛ bɔ bele belili ne, bɛ nu pee bɛwale bɛɛtole bɛ noa nu tui bɛhane bɛ bɔne ne bɛ mvealeɛ nu dwirɛ mukoraa.

Asomafoɛ 8:24

Na Simɔn sele Petro ne Yohane kyɛ, “Mepa ɛmɔ kyerɛ, ɛmɔbɔ mbaeɛ bɛsrɛ Awurade bɛma me, na bɔ ɛmɔaha ye anu biala ando me.”

Romanfoɛ 3:10

Kyɛbɔ bahyerɛ kyɛ, “Sona biala nne berɛ bɔ ɔte teneneeniɛ ɔ, ko po nne berɛ;

Romanfoɛ 5:19

Afei kyɛbɔ ɔnate sona ko asoserɛ so ti mmeni pee yɛle bɔnefoɛ nen, sɔ ala yeɛ ɔnate sona ko sotie so mmeni pee kɔyɛ teneneefoɛ ɔ.

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

1 Tɛsalonikafoɛ 5:17

nnɛma ɛmɔyakyi mbaeɛbɔlɛ le!

1 Tɛsalonikafoɛ 5:23

Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.

1 Tɛsalonikafoɛ 5:25

Aliɛmaa mɔ, ɛ́mɔbɔ mbaeɛ bɛma yɛ.

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 11:7

Ɔnate gyidie so yeɛ Nowa le suronyi tiele kyẽa bie nningyein bɔ né bɛbaasi ne nwo kɔkɔbɔlɛ ɔ, na ɔbobɔle ɛlɛen alaka bɔ ɔne ye awuro ama bɛfale so benyane ngoa ɔ. Ɔnate ɛhe aso Nowa buale wiase foɛ, na ɔɔyɛle tenenee bɔ ɔnate gyidie so benya ye ne koliagyaa.

Hebrifoɛ 12:13

Na ɛ́mɔsiesie atimbire bɔ ɔtengyɛ ɔ bɛ́ma ɛmɔ gya, amaa ɔnate so agyirɛ bɔ ɔtte mayee ne wando wamvo ye nwo, ná mmom wanya ayaresa.

Hebrifoɛ 13:18

Ɛmɔhɔ so bɛbɔ mbaeɛ bɛma yɛ; ofikyɛ yɛde yɛdi kyɛ yɛ tiboa mmua yɛ foɛ, na yɛkuro kyɛ daa yɛdi dwirɛ paa wɔ yɛ brabɔlɛ nu.

Yosua 10:12

Kyẽa bɔ AWURADE mane Yisraelfoɛ lili Amorifoɛ so ngonim ne, Yosua srɛle AWURADE wɔ Yisraelfoɛ nyunu berɛ kyɛ, “Eyia, gyina neka horɛ wɔ Gibeon! Ɛsraen, gyina neka horɛ wɔ Ayalɔn bɔnza nu!”

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.

1 Samuel 1:12

Na Hana gu so ɔbɔ mbaeɛ kyire AWURADE nen, Eli neane ye noa haa.

1 Samuel 12:17

Aso nna atokoɔtelɛ mmerɛ ɛhe? Ngɔsrɛ AWURADE maa ɔkɔma agralaa kɔtete, ná wasa wama esue atɔ. Na ɛmɔkonwu ye, ná ɛmɔale bato nu kyɛ ɛmɔayɔ amumuyɛɛ piri wɔ AWURADE nyunu, kyɛ ɛmɔabisa maa wasi hene wama ɛmɔ ɔ.”

1 Samuel 12:18

Yiti Samuel srɛle AWURADE, na AWURADE mane agralaa tetele, yeɛ ɔmane esue koso tɔle sɔ kyẽa ne ala. Na maen ne amukoraati surole AWURADE ne Samuel paa.