Yakobo 5:10 - AHYERƐLƐ KRONGRON

¹⁰ Aliɛmaa mɔ, ngɔmhyɛlɛfoɛ bɔ bedwudwole Awurade dumaa nu ne, ɛ́mɔfa bɛ bɛ́yɛ amaneɛnwunɛ ne aboterɛ nwo nhwɛsoɛ.

Yakobo 5:10 Iomraidhean Croise

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Yesaya 39:8

Yeɛ Hesekia sele Yesaya kyɛ, “AWURADE noa dwirɛ bɔ ahã ne, ɔte paa.” Ɔhane sɔ, ofikyɛ onyane adwene kyɛ, “M’aberɛ so, maen ne konya asomdwee, na nu kodwo fɔnwoo.”

Yeremia 2:30

Ɛhwenɛ bɔ mahwe ɛmɔ mma mɔ bɛ so ne, wayɛ mbaen, bande fo. Ɛmɔ bɔbɔ ɛmɔ ngrandɛ yeɛ wahũ ɛmɔ ngɔmhyɛlɛfoɛ kyɛ gyata bɔ ye nye aboro ɔ.

Yeremia 23:22

Nakoso sɛ bɛmaa me ne bɛ yɛtuli agyina, yeɛ sɛ bɛmane me maen bɛtele me dwirɛ a, ahaa bɛmaa bɛsesane befili b’atee tɛɛ ne aso, ɔne bɛ bɔne yɔleɛ ne anwo.

Yeremia 26:16

Yeɛ mbanyi nemɔ ne maen ne amukoraa besele asɔfo nemɔ ne ngɔmhyɛlɛfoɛ nemɔ kyɛ, “Biaa he, ɔmvata kyɛ beku ye ɔ, ofikyɛ AWURADE yɛ Nyameɛ dumaa nu yeɛ ogyi bɔ wadwudwo wahyire yɛ ɔ.”

Luka 13:34

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ nyɛɛ ɛhe yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Luka 6:23

Ɛ́mɔma ɛmɔ nye gye wɔ sɔ kyẽa ne, ná ɛmɔli ahurusi, ɔnate kyɛ ɛmɔ akatuaa te piri wɔ nyameɛso; na sɔ ala yeɛ bɛ nana mɔ bɛfa belili ngɔmhyɛlɛfoɛ nemɔ ɔ.

Asomafoɛ 3:21

bɔ ɔsɛ kyɛ nyameɛso ode ye kɔpem mmerɛ bɔ bɛkɔhyehyɛ nningyein bɔ Nyameɛ nate ye ngɔmhyɛlɛfoɛ krongron noa dwirɛ so, fi tetete hane ne amukoraa foforɛ ɔ.

Asomafoɛ 7:52

Nyameɛ ngɔmhyɛlɛniɛ nemɔ anu beni yeɛ ɛmɔ nana mɔ bandane ye nye ɔ? Na behuni bɛ bɔ belili moa bɛbɔle Teneneneniɛ ne walɛ ne nwo dawure ne, ye bɔ afei de ɛmɔaye ye bama bahu ye ne,

Hebrifoɛ 13:7

Ɛ́mɔkaye ɛmɔ mbanyi mɔ bɔ bɛhane Nyameɛ dwirɛ ne behyirele ɛmɔ ne. Ɛ́mɔnea bɛ brabɔlɛ ayieleɛ ná ɛmɔsua bɛ gyidie.

Yakobo 4:11

Aliɛmaa mɔ, nnɛma ɛmɔkekã ɛmɔ nwo dwirɛ tɛɛ. Na ebiala bɔ ɔkã oliɛngo nwo dwirɛ tɛɛ anaa obua ye ndɛen ne, ɔkã mmeraa ne nwo dwirɛ tɛɛ, na obua mmeraa ne ndɛen. Na sɛ ebua mmeraa ne ndɛen a, né ɛnyɔ bɔ mmeraa ne kã ne, na mmom ɛte ye so ndɛenbualɛniɛ.

Yakobo 5:13

Ɛmɔ nu bie onwu amaneɛ anaa? Maa ɔbɔ mbaeɛ. Ebie nye agye anaa? Maa ɔto ayɛyelɛ dwein.

Yakobo 5:7

Yiti aliɛmaa mɔ, ɛ́mɔnya ndoboaseɛ maa oodwu kyɛ Awurade kɔwa ɔ. Ɛ́mɔtie, kuaniɛ bɔ ɔnwondɛ ma aseɛ kye aleɛ bɔ ye nyɔboɛ yɛ se ne, onya ye nwo aboterɛ maa okodwu kyɛ feefee ne asuso kotikye ɔ.

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.