Yakobo 4:9 - AHYERƐLƐ KRONGRON

⁹ Ɛ́mɔli yealɛ, ɛ́mɔma ɛmɔ wora bɔ, ná ɛ́mɔsu! Ɛ́mɔma ɛmɔ aserekyekye kakyi aworabɔlɛ, ná ɛmɔ ahurusililɛ kakyi anwumvoin anwumvoin.

Yakobo 4:9 Iomraidhean Croise

Nehemia 8:9

Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

YOB NWOMAA NE 30:31

Me sangoo ɔbɔ aworabɔlɛ dwein ngome, yeɛ m’awɛen ohu mmenia bɔ besu ɔ bɛ dwein ngome.

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Edwein 119:67

Anzana ɛbaahwe me so ne, né mali makyebu, nakoso afei de, medi wɔ dwirɛ so.

Edwein 119:71

Ɔte paa ma me kyɛ ɛhwene me so ɔ, amaa ɔnate so masua w’ahyɛdeɛ ne.

Anyandera 14:13

Aserekyekye nu ne po, aworabɔlɛ wɔ berɛ, na anigye ayieleɛ oyie aworabɔlɛ.

Nworɛ Dwirɛhanɛniɛ 2:2

Na ngane kyɛ, “Ɛserelɛ te ɛlaenbɔlɛ! Yeɛ anigye koso, nzikyɛ mvasoɛ yeɛ ɔwɔ so ɔ?”

Yeremia 31:13

Yeɛ ndaluwa kɔfa anigye bekogo abilie ne, mmerandeɛ ne nworowaa bɛ nye kɔgye kɔbɔ nu; ofikyɛ ngɔma bɛ suɛ kɔkakyi ahurusililɛ, ngɔkyekye bɛ wora, na ngɔma bɛ nye kɔgye kofi b’aworabɔlɛ nu.

Yeremia 31:9

Bele esuɛ ne ngotosrɛ yeɛ bɛkɔwa ɔ, na ngoli bɛ nyunu. Ngɔmaa bɛkɔnate bɛkɔhɔ asue noa, wɔ atee bɔ ɔtengyɛ bɔ bengosoti wɔ so ɔ so; ofikyɛ me yeɛ nde Yisrael ye baba ɔ, na Efraim yeɛ ɔte me bamuɛbaa ɔ.

Awuye 5:15

Y’ahone nu anigye atu amini, na y’abilie akakyi yealɛlilɛ.

Hesekiel 16:63

amaa ɔnate so sɛ mefa wɔ bɔne bɔ ayɔ amukoraa mekyɛ wɔ a, akaye, ná wayɛ wɔ nya, na w’animguaseɛ ne ati ɛngɔtɛ wɔ noa nu ko, AWURADE Nyameɛ noa dwirɛ ɛne.”

Hesekiel 7:16

Na bɛ bɔ bɛkɔnwati bekonya bɛ ti bekodidi nu ne, bɛkɔhɔ mmokaa nemɔ aso kyɛ bɔnza nu mmubure, na ɔnate bɛ mukoraa b’amumuyɛɛ ti, ebiala kɔpene.

Mateo 21:41

Na bebuale ye kyɛ, “Okohu sɔ awudifoɛ nemɔ ewue yealɛ, ná wafa bobe boo ne wawura hwɛsofoɛ foforɛ mɔ sa, bɔ bobe telɛ dwu so a bɛkɔfa ye mmakaammaa deɛ bɛkɔma ye ɔ.”

Mateo 5:4

“Bɛ bɔ bɛ wora abɔ ne banya saleɛ, ofikyɛ bɛ yeɛ bɛkɔkyekye bɛ wora ɔ.

Luka 16:25

“Nakoso Abraham sele ye kyɛ, ‘Mma, kaye kyɛ mmerɛ bɔ né ɛte ase ne, elili wɔ mmerɛ, na Lasarɔso de, onwuni amaneɛ; nakoso kekesaala ye de, ye wora akyekye, na wɔ koso de, wɔ nwo yerayera wɔ.

Luka 6:21

“Ɛmɔ bɔ ɛhɔen ku ɛmɔ kekesaala ye ɔ, ɛmɔanya saleɛ, ofikyɛ bɛkɔma ɛmɔ ko koyi. “Ɛmɔ bɔ ɛmɔsu kekesaala ye ɔ, ɛmɔanya saleɛ, ofikyɛ ɛmɔkɔsere.

Luka 6:25

“Ɛmɔ bɔ ɛmɔ ko ayi kekesaala ye ɔ, ɛmɔ yaakɔ! Ofikyɛ ɛhɔen kohũ ɛmɔ. “Ɛmɔ bɔ ɛmɔsere kekesaala ye ɔ, ɛmɔ yaakɔ! Ofikyɛ ɛmɔkosu, ná ɛmɔabɔ awuye!