Yakobo 4:8 - AHYERƐLƐ KRONGRON

⁸ Ɛmɔhwe bepingye Nyameɛ, na ye koso ɔkɔhwe kopingye ɛmɔ. Ɛmɔ, bɔnefoɛ mɔ, ɛ́mɔnwunzi ɛmɔ sa, ná ɛ́mɔte ɛmɔ ahone nu, ɛmɔ bɔ ɛmɔ adwene yɛ ɛmɔ ndaa ndaa ɔ!

Yakobo 4:8 Iomraidhean Croise

Gyenesise 18:23

Afei Abraham pingyele ye, na obisale ye kyɛ, “Aso ɛkɔfa bɛ bɔ bɛtengyɛ ne ɛkɔfra amumuyɛɛfoɛ so ɛkɔsɛkye bɛ anaa?

1 Aberɛso Dwirɛ 28:9

“Na afei, mma Solomon, AWURADE wɔ baba ye Nyameɛ ne, odi kyɛ enwu ye yé, ná ɛfa ahone bɔ nu te, ɔne sotie ɛso ye. Ofikyɛ AWURADE neanea ahone amukoraa nu, na ɔse nzusuleɛ ne adwene biala. Sɛ ɛpena ye si ate a, ekonwu ye, nakoso sɛ ɛpo ye a, ɔkɔye ye sa kofi wɔ bo afebɔɔ.

2 Aberɛso Dwirɛ 15:2

Ɔhɔ ooyiale Asa, na osele ye kyɛ, “Asa ne Yuda maen amukoraa ne Benyamin maen amukoraa, ɛ́mɔtie! Ɛmɔso AWURADE ye de, AWURADE gyi ɛmɔ si. Sɛ ɛmɔpena ye si atee a, ɛmɔkonwu ye. Nakoso sɛ ɛmɔpo ye a, ye koso ɔkɔpo ɛmɔ.

YOB NWOMAA NE 16:17

Nakoso nnyɔle nzɛmmɔne biala, yeɛ me mbaeɛ nwo koso te.

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

YOB NWOMAA NE 9:30

Sɛ mefa nzue gyengɔgyengɔ mebia, ná mefa kondu menwunzi me sa po a,

Edwein 119:113

Mekyi mmenia bɔ b’adwene yɛ bɛ ndaa ndaa ɔ, nakoso wɔ mmeraa ne de, mekuro.

Edwein 145:18

AWURADE pingye bɛ bɔ besu bɛfrɛ ye ɔ amukoraa, amba, bɛ bɔ besu bɛfrɛ ye nahorɛ nu amukoraa.

Edwein 18:20

AWURADE neane kyɛbɔ mesi metengyɛ ɔ so mane me ye nwo akatuaa; ogyinane kyɛbɔ me bra si te sannwuu ɔ so mane me ye nwo akatuaa.

Edwein 24:4

Sana sona bɔ ye bra te sannwuu, ná ye ahone nu koso te, bɔ ye kra nye ngye ngondombo nwo, ná ɔnda ngondombo ndaen ɔ.

Edwein 26:6

Menwunzi me sa mefa mekyire kyɛ menni fɔ, na mepɛ w’afɔleɛ bokyea ne anwo mebra meyia, ao AWURADE;

Edwein 51:10

Ao Nyameɛ, bɔ ahone bɔ nu te ɔ wura me nu, ná fa sunzum bɔ ɔtengyɛ ɔ wura me nu.

Edwein 73:13

Nahorɛ nu, m’ahone bɔ mate nu sannwuu ne, ɔne me sa bɔ manwunzi mafa mahyire kyɛ medi be ne, mafɛ magua mbaen.

Edwein 73:28

Nakoso me de, ɔte paa ma me kyɛ ngopingye Nyameɛ ɔ; mafa AWURADE Nyameɛ mayɛ m’afealeɛ, amaa ɔnate so mabɔ wɔ nnwumaa mukoraa nwo dawure.

Yesaya 13:15

Ebiala bɔ bekonwu ye ne, bɛkɔwɔ ye dadeɛ, yeɛ bɔ bɛkɔhye ye ne koso, ɔkɔtɔ ngrandɛ noa.

Yesaya 29:13

Na AWURADE sele kyɛ, “Maen he, bɛfa bɛ noa mbaen yeɛ bɛtwe bepingye me ɔ, bɛ noa mbaen yeɛ bɛfa bedi me ni ɔ, nakoso b’ahone nu de, bembingye me koraa, na esurolɛ bɔ besuro me ne, ɔte kuro sona ahyɛdeɛ bɔ basua ye mbaen ɔ;

Yesaya 58:2

Hmmm, bɛpena me si atee daa biala, bekuro kyɛ benwu m’atee mɔ, kyɛ gyamea bɛte maen bie bɔ bɛyɔ bɔ ɔtengyɛ ɔ, bɔ bambo bɛ Nyameɛ ahyɛdeɛ ɔ. Bebisa ndɛen turoloo befi me berɛ, na bekuro kyɛ bekopingye Nyameɛ ɔ.

Yeremia 4:11

Sɔ mmerɛ ne, bɛkɔhã bekohyire maen he ne Yerusalem kyɛ, “Mvrama hyerɛhyerɛ bie kɔbɔ kofi mmokaa pralaa nemɔ aso, wɔ ɛserɛ so kɔhɔ me maen mmaa so, bɔ ongohuhu bɛ so yeɛ ɔngɔte bɛ nwo ɔ.

Yeremia 4:14

Ao Yerusalem, nwunzi w’ahone nwo fi bɔne nu, amaa ɔnate so anya wɔ ti adidi nu. Ɔkwaadwu kyinzu yeɛ ɛkɔhɔ so kɔdwene bɔne adwene ɔ?

Awuye 3:57

Kyẽa bɔ nzu mvrɛle wɔ ne, ɛhwe pingyele me, na ɛhane kyɛ, ‘Nnesuro!’

Hesekiel 18:31

Mmeraatolɛ amukoraa bɔ ɛmɔato ne, ɛ́mɔgyi ye mukoraa béfi ɛmɔ so bégua, ná ɛmɔnya adwene foforɛ ne sunzum foforɛ. O Yisrael awuro ama, nzu ati yeɛ odi kyɛ ɛmɔwuwu ɔ?

Sakaria 1:3

Yiti se bɛ kyɛ, Asafo AWURADE nwa nyoo: Ɛmɔsa bɛbra me berɛ, Asafo AWURADE noa dwirɛ ɛne, na me koso ngosa ngɔwa ɛmɔ berɛ, Asafo AWURADE noa dwirɛ ɛne.

Malaki 3:7

Ofi ɛmɔ nana mɔ aberɛ so yeɛ ɛmɔali me nhyehyɛleɛ nwo makyebu bɔ ɛmɔanni so ɔ. Ɛ́mɔsa bɛbra me berɛ, na me koso ngosa ngɔwa ɛmɔ berɛ, Asafo AWURADE noa dwirɛ ɛne. Nakoso ɛmɔnwa: ‘Ɔkɔyɛ sɛɛ né yasa yawa?’

Mateo 12:33

“Ɛ́mɔma bakaa ne ɔ́yɛ bakaa paa, ná ye mma ne ayɛ mmaa paa. Anaakyɛ, ɛ́mɔma bakaa ne ɔ́yɛ bakaa tɛɛ, ná ye mma ne ayɛ mmaa tɛɛ; ofikyɛ bakaa ye mma yeɛ bɛfa benwu ye baka sue ɔ.

Mateo 15:2

“Nzu ati yeɛ w’asuafoɛ nemɔ benni mbanyi mɔ b’amammerɛ ne aso ɔ? Ofikyɛ bennwunzi bɛ sa koraka né badidi.”

Mateo 27:24

Na Pilato nwuni kyɛ ɔngɔhora ngɔyɔ ye nwo hwee, ná mmom basabasayɔlɛ yeɛ ɔpena ba ne, ɔfale nzue nwunzini ye sa wɔ ɛlɔen ne anyunu berɛ, na ɔhane kyɛ, “Sona teneneeniɛ he, medi be wɔ ye mogya nwo. Ɛmɔ bɔbɔ ɛ́mɔyɔ bɔ ɛmɔkɔyɔ ɔ!”

Asomafoɛ 15:9

Wangyire kyɛ nzonzoleɛ biala wɔ yɛ ne bɛ nu, na mmom ɔnate (bɛ) gyidie so fale bɛ bɔne hyɛle bɛ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

1 Timoteo 2:8

Yiti mekuro kyɛ mmienzua bɛbɔ mbaeɛ wɔ nekaa biala, bɛma asaa bɔ ye nwo te ɔ so, bɔ ɛyaafɛlɛ anaa aporowaasulɛ nne nu ɔ.

Hebrifoɛ 10:22

yiti ɛ́mɔma yɛfa nahorɛ ahone ne gyidie bɔ osi pi, ɔne ahone bɔ bate ye nwo bafi bɔne tiboa nu, ɔne nipadua bɔ bafa nzue gyengɔgyengɔ babia ye ɔ yɛhwe yɛpingye Nyameɛ.

Hebrifoɛ 7:19

ofikyɛ mmeraa ne amma nikyee biala anni mu. Nakoso atee foforɛ so de, anyelasoɛ bɔ ɔte paa tra daa deɛ ne wɔ berɛ, bɔ yɛfa so yɛpingye Nyameɛ ɔ.

Yakobo 1:8

ofikyɛ sona bɔ ye adwene yɛ ye ndaa ndaa ne, ɔngora nzi ye adwene pi wɔ nikyee biala bɔ ɔyɔ nu.

Yakobo 3:17

Nakoso nworɛ bɔ ofi anwuro ne de, bɔ oli moa ɔ, ye nwo te, okuro asomdwee, ye nwo dwo, ye so yɛ mmerɛ, anwumvoinnwunɛ ne bra paa ayi ye tɛkyɛ, na nyeyemuɛ anaa nyaatwom nne nu.

1 Petro 1:22

Asoɛmmerɛlɛ bɔ ɛmɔayɛ bama nahorɛ ne ne ati, wamaa ɛmɔate ɛmɔ kra nwo, na ɛhe amaa ɛmɔahurohuro ɛmɔ nwo dwirɛ wɔ nahorɛ nu, yiti ɔsɛ kyɛ ɛmɔfi ɛmɔ ahone nu bekurokuro ɛmɔ nwo dwirɛ.

1 Petro 3:21

Na sɔ nzue ne sɛso, ye ole asubɔlɛ bɔ ode ɛmɔ koso ɛmɔ ngoa ɛnɛ ne. Ɔtte anwoɔnaen nu fiɛ nwunzinɛ, na mmom ɔte tiboa paa nwo abisadeɛ bɔ yɛfa Yesu Kristo wutingyelɛ ne aso yɛfa yɛto Nyameɛ nyunu ɔ.

1 Yohane 3:3

Na ebiala bɔ ole sɔ anyelasoɛ ne wɔ Kristo nu ne, ɔte ye nwo kyɛbɔ Kristo nwo te ne.

1 Samuel 14:35

Yeɛ Sɔɔlo sili afɔleɛ bokyea mane AWURADE. Ɛhe te afɔleɛ bokyea bɔ oli moa bɔ osi mane AWURADE ɔ.